隆姐泰國美食館

營業中

休息中

黎九龍城緊係要黎食泰國野啦，今次在open rice里找到一間沒有吃過的泰國菜。餐廳的位置在於九龍城馬會旁，很是十分容易找到。隆姐，個人認為這裡比其他的泰國菜館便宜。翻開餐牌，價位是比外面便宜10-20元。想吃便宜泰國菜可考慮這裡。最後我們點了1）蝦餅2）冬陰功湯3）咖喱豬4）白飯蝦餅挺好吃的，爽滑彈牙，但個辣醬就唔係好辣。冬陰功湯是微辣，有海鮮和菇類，蝦就不太新鮮，但本身幫你開了邊，頗為貼心。整個配搭還可以，很是開胃。最後點了咖喱豬肉，這種咖喱甜而不辣，十分盞鬼，豬肉的份量也十分多，拿來送飯十分開胃。埋單250塊，十分經濟實惠。日期：2021.11.28

基本上九龍城較為出名的泰國菜餐廳, 因為女友在附近工作的關係, 我們也差不多吃遍, 大概知道去到那一家吃什麼菜式就是. 隆姐最大的優勢是比其他同類餐廳, 營業時間更長, 對常常要工作到夜深的她來說, 是少數可以坐下來吃Late Dinner的地方. 它的原個椰皇海鮮炒飯很有趣, 應該是菠蘿泰式炒飯的進化版. 飯身有椰汁甜香, 吃起來味道有點似芋頭, 海鮮配料如大蝦, 青口及魷魚等份量也十足, 最有趣的是連椰肉也放進去炒飯之中, 口感乾爽沒有因為出水影響飯的口感, 可說是有驚喜.其他菜式如炸蝦餅及沙嗲串燒等表現中規中矩, 味道和口感也算正常, 就是一般泰國餐廳吃到的水準. 燒雞相對令人失望, 從外表上已見到它燒的時候嘅火候不足, 甩皮甩骨的外貌也令人卻步, 肉質乾柴, 味道就是蜜糖烤雞翼的蜜糖味, 而缺入雞肉的鮮香, 這個不能比它合格了.

食物質素實在一般去到九龍城諗住食泰國嘢,之前食過一間叫泰仔，點知去到冇開晏晝，唯有去食呢一間，點知非常失望，海鮮炒飯海鮮，菠蘿炒飯啲飯炒得好差，仲有幾條臘腸唔知做乜9，臘腸都算仲要冇味，全餐飯最正常就係杯嘢飲，雖然係平但係建議大家冇咩事唔好去，嘥時間 質素同去街市食其實冇咩分別…………………………………………………………………………………..

九龍城食泰國嘢，當然唔少得出名嘅隆姐泰國菜館喇😋好彩食晚飯排咗一陣隊就有，大排檔格局，正宗泰國人主理👍🏿酸辣海鮮清湯: 湯料十足，魷魚夠彈牙，而且湯底酸酸甜甜好開胃，唔似冬陰功湯咁多油，清清地辣得過癮😍鹹魚炒椰菜苗: 炒得夠鑊氣，鹹魚鹹香美味，味道不會太鹹剛好👍🏿蒜子胡椒雞柳: 外層香脆內裏鎖住肉汁，食落有少少似避風塘炒咁嘅味，都幾似中式小菜🤣炭燒魷魚🦑: 魷魚爽口彈牙，加埋個特製辣汁冇得頂😜呢間都係我喜愛嘅泰菜餐廳之一，夠正宗又好味😋，環境夠地道，每一次食嘅野都差唔多不過都唔會厭。

一向都鐘意去九龍城搵泰國菜食今次嚟到位於港鐵九龍城站對面嘅隆姐泰國美食館，試一試佢地嘅菜色。可能因為地理位置太方便，星期六下午三點，餐廳內仍然人頭湧湧。至下午4點幾，仍不斷有客人，可惜職員表示廚房已落場，所以大家想嚟試就要盡量4點前啦Pad Thai 金邊粉炒出嚟比較濕潤，我比較鐘意食乾身嘅，而且無咩配料，屬於中下水平串燒(6串)豬肉同雞肉各3串，又幾好食喎!燒得好香口，肉質嫩滑，推薦!鐵板蠔仔蛋生蠔幾新鮮大隻，夾埋煎蛋嘅組合唔會有伏，蛋下面有好多芽菜墊底，但係芽菜超級生，食唔到南瓜咖哩軟殼蟹原個南瓜上嘅咖哩。咖哩唔會太稀又唔會太稠，味道岩岩好而最出色係個軟殼蟹，炸得岩岩好，炸粉唔會太厚。而且軟殼蟹係大隻有肉，十分不錯!蒜蓉包全餐最遲嚟但係令我最驚喜嘅食物!睇樣都已經覺得好靚，果然係好好食!香脆可口!隆姐泰國美食館整體質素真係唔錯，惟一有人手不足問題，當日星期六full house但係只有兩至三位樓面，上菜速度比較慢，有時候客人想加單，或者有其他需要都可能搵唔到人幫手。

🇭🇰隆姐泰國美食館·呢間佢有兩間分店架 我地見佢其他一間實在太多人 本身諗住唔食架啦 點知係我地搵其他餐廳既時候係下一條橫街見到呢間分店唔洗排隊 開心🥳🥳·泰式明爐魚$218佢呢個明爐魚真係幾好食 佢D魚肉好嫩 而且佢下面超多娃娃菜同雜菇 全部入曬味超正🤤🤤不過我自己覺得嗌酸辣魚會惹味D 呢個就咁食既話會有D單調 一定要點佢個泰式辣醬先夠味😈·沙嗲串燒雞豬$72 l 泰式鹹魚炒通菜$68之後佢個串燒肉質唔錯既 唔會好柴 不過佢個沙嗲就係偏甜少少既 辣味唔係好出 反而係椰汁味重D個種🥥之後佢個鹹魚炒通菜我自己好中意 佢係超惹味 而且D鹹魚好香🤤🤤·#rbyeat#rby東南亞菜#rby九龍城·📍九龍城衙前塱道2A-B地下📍九龍城南角道21-23號地舖

宋王臺站開通後，去九龍城食野就方便我地呢d無車人士。 開頭自己都攪錯左，平時話去九龍城食好野， 點解變左宋王臺嘅？ 唔緊要啦，好食的餐廳一定會返轉頭嘅。是日菜單:泰式蠔仔煎蛋咸蛋炒鮮魷沙爹串燒豬肉 雞肉紅咖哩雞海南雞肶飯蒜蓉包薄餅龍眼冰泰式蠔仔煎蛋， 鑊仔上碟， 蠔仔大大隻，漲卜卜， 蛋煎到燶燶地， 非常野味。咸蛋炒鮮魷， 鮮魷亦係大大隻， 用咸旦炒都係第一次食， 咸旦包住魷魚，口感非常特別， 值得推薦。沙爹串燒豬肉 雞肉， 正正常常， 唔算特別。紅咖哩雞， 雞肉已起哂骨， 好似雞扒咁款， 紅咖哩汁味搶口， 同黃咖哩質感唔同。海南雞肶飯， 雞肉嫩滑，雞油飯美味，雞肉同雞皮有層膠質， 精彩。蒜蓉包， 大大件蒜蓉包，蒜蓉味濃， 香脆可口。薄餅， 點咖哩一流， 一定要熱食， 凍左就會變硬。龍眼冰， 天氣熱到一個點， 龍眼冰極度解渴， 龍眼肉香甜，重超過10粒， 好好飲。

睇到好几次呢个店，今次选择呢个，奶茶同冻柠茶味道好奇怪，奶茶阵味好淡，冻柠茶有d变质咖感觉。点了冬阴功汤粉，比较酸，个人觉得醋放多左，辣味不足。菠萝炒粉中规中矩，偏甜。没下次了

依間依個明明係泰式炸春卷，點解食落去咁奇怪…好似素菜春卷咁（不過人地又冇錯既，邊個話泰式春卷一定有肉？）個頂最脆，一路圍住個邊食，食到中間都仲脆既，但差唔多到底部已經冧哂，冧到食唔到落去，其實有冇正確既方法係可以食到個底？最好有4個人或以上先好叫（超級飽）雖然依個係有配菜（ 軟殼蟹）但係咖哩包裏面已經好多配料仲有好多薯仔喺裡面，好香既咖哩味，唔辣既，再加上軟殼蟹係另上，差D以為自己係單叫軟殼蟹送糖水西米露，椰奶味偏重，睇反個人喜好

🦐燒大頭蝦大大隻蝦，成個頭都係膏，肉質厚實。🍤泰式生蝦新鮮爽口，配蒜片辣椒點醬一流。🍛黃咖喱配薄餅咖哩好香，椰香味濃郁，encore咗薄餅。🥖蒜蓉包非常脆，用埋嚟dip咖喱好好食。🍢各式串燒沙嗲惹味，肉質嫩滑。

今天難得與家人放假,去九龍城食隆姐懷念下泰國旅行🥺撞正lunch time ，好彩有個卡位蒜蓉炒椰菜苗，呢個菜係我嘅至愛，菜味甜甜地泰式黑咖啡少甜，啱晒我口味生蝦刺身，厚肉爽甜豬肉丸粉 真係好鍾意食泰國嘅豬肉丸肉味濃又爽口，另外一粒接一粒食而佢啲粉係厚身嗰隻加埋啲芽菜一齊食正！串燒雙拼 我揀咗豬同雞 兩種肉入口都非常嫩滑無渣而不鞋口，而且有保留肉汁，有香料醃過好好食，點埋個沙嗲醬香到不得了炸蝦餅最後先來 不過好嘢係要等 外面卜卜脆入邊就係滿滿嘅蝦肉 好甘香 而且覺得員工服務都好有友善 希望可以一路keep住

心血來潮想食泰國野，梗係要去九龍城搵食。堂食延長至10點啱啱開始無耐，周圍都好多人，難得見到隆姐唔算大排長龍，即刻入去試試~ 食泰國野梗係唔得少生蝦刺身，份量同味道都正常，好食~ 叫左個飛天炒通菜($60) 同濕炒海鮮河 ($58)，兩者我覺得好抵食！通菜完全唔會炒過過龍黑晒，香辣味夠～另外個濕炒海鮮河有好足料既海鮮，炒得好香好夠味！ 仲左個泰式炸蝦餅，$62有5件，雖然等得最耐，但佢真係啱啱炸起，熱辣辣，又香又脆！ 最後仲每人送左碗香芋紫米露！ 成餐飯好抵食，兩個人加埋唔使$250已經可以食到正宗泰國菜，服務態度都唔錯~下次一定會再去！

平時夜晚先會食泰國嘢，由於晚市禁堂食，唯有提早啦食啦！lunch menu 飯麵包埋嘢飲五十零蚊，先叫咗個泰式雞肉濕炒河坦白講賣相並唔討好，睇落有啲太濕，河粉非常粗，剪開咗一塊塊正方形咁，但食落竟然有、鑊、氣！！蒜蓉炒椰菜苗食親泰國嘢必叫，椰菜苗好嫩，唔會辣芒果糯米飯家姐一啖都唔留比我，正係不斷話好好食，仲話想叫多個不過本身食咗嘢，食唔落放棄咗，無食到嘅我唯一可以品評嘅係...賣相唔錯😂留返下次有肚再嚟食過啦！*仲有杯龍眼冰無影到

在九龍城周圍都係泰國菜，都唔知點選擇，行下行下見到有間叫「隆姐」，有很多人在門口排隊，於是我又排啦，叫左串燒，生菜包，海南雞飯，怪不知咁多人排隊，原來全部都好好味呀！

話說最近比公司流放左去九龍城, 咁九龍城多好野食就係人都知啦, 好似清真牛肉, 金寶, 黃珍珍etc, 不過本人最想去食嘅方榮記就因為第四波疫情就自動放14日假了, 去到先知, 搞到要臨時轉場去左呢間隆姐食lunchlunch menu, 都ok 多選擇, 重有幾款湯河, 不過冇影到, 我就叫左香葉辣椒雞肉炒河加凍奶茶呢個就係雞肉炒河, 河粉比平常嘅粗得多, 不過唔韌, 糯米味唔重, 比較爽口, 有青紅椒絲, 香葉, 木耳絲, 豆角同紅蘿蔔片, 重有你見到一粒粒嘅雞肉裏面重有炸蒜粒, 咁整體係好食嘅, 有d 似人地嘅四川香煱咁, 每樣野外面都炒得香口乾身但咬落去就水份十足, 河粉都炒得有微焦, 不過可惜嘅係雞肉真係少得可憐, 比宮保雞丁嘅雞粒更細粒例湯一碗, 手掌心咁大碗, 非常之辣口, 味道係幾重芫荽味, 豬骨同紅蘿蔔都煲到快溶了, 不過口感清爽而冇咩起膠加3蚊嘅凍奶茶, 好細杯好多冰, 一啖飲得哂, 係泰式奶茶, 略甜, 茶味豐富, 奶味中和得剛好, 不過真係好細杯埋單48蚊, 樣樣野都有好味同自己唔中意嘅地方, 有機會試下佢嘅晚市可能會好d