陳儀興飯店 (嘉悅)

營業中

休息中

去完旅行返黎，大部份都係燒肉同炸物，有D掛住中國菜，又想飲D湯水，行下行下就推門入去。經過滷水部玻璃窗，見到滷水鵝已經流緊口水好彩仲有張細枱，潮式三小碟已經擺好個陣。最快上枱嘅係韮菜豬紅 ($70)，份量相當大碗。豬紅夾得起同有滑嫩口感，加埋注韮菜一齊食就仲惹味。歡喜呢度嘅是日燉湯，不定期轉款，每盅都熱度十足。今晚分別有蟲草花雪耳燉雞湯 ($68)，比埋湯料你睇/食，蟲草花可增強免疫力，岩晒呢D流感高峰期。呢一款係姬松茸燉雞湯 ($68)，味道清甜唔油膩，D鷄骨都燉到軟晒，夠晒火喉，飲完除咗半飽外，感覺舒服。食潮州嘢點少得滷水鵝，有人鍾意啖啖肉會食鵝片，我地就鍾意有D骨仲香D，所以滷水鵝件 ($148)就上咗枱啦。  百幾蚊有咁嘅份量相當抵食，底下用大荳芽代替滷水豆腐，加少少炆花生。有下裝位，件件都相對黎講係多肉食嘅。滷得相當入味，肉質有嚼口，點少少醋汁食，幾好送飯。係呢間開飯，除咗有打冷嘢食，仲有D港式小炒，就好似呢碟脆盞咕嚕肉 ($108)，賣相都靚仔。話明咕嚕肉就梗係啖啖肉啦，咬落個炸粉漿唔厚，輕易食到舊肉; 個酸甜醬汁酸甜度岩岩好，開胃之餘又係好送飯。今餐食得相當滿足，埋單走人

上星期少有地去左將軍澳食晚飯🤣 陳儀興飯店既潮州菜一向唔錯，我地去左呢度食晚飯，當晚都好多客，好受歡迎! 我地既晚餐就點左:.🐧滷水鵝件叫滷水鵝肉係指定動作，一碟份量都多，啖啖肉夠肥美，滷水汁好夾，鵝肉下面有好多花生同芽菜，好入味!.🍲是日精選燉湯我地一人一個燉湯唔駛爭，當晚飯店有提供兩款燉湯，分別係蟲草花燉雞湯同埋姬松茸燉湯🤩 蟲草花燉雞湯好清甜! 飲得出無落味精，而且好足料，裡面都幾多蟲草花! 而姬松茸燉湯既味道就好濃郁! 裡面又係好足料，有埋圓肉，適合健脾養胃👍🏻.🦐蒜蓉粉絲蒜活蝦賣相好靚，每隻蝦上邊都有大量蒜蓉同粉絲🤩 再加埋少許豉油，好香好好味.🥬臘味炒芥蘭呢個比想像中有驚喜，見到芥蘭好有光澤，炒得好夠火候，加左唔少臘腸片去炒香，簡簡單單已經好好味.🍲豉汁蒸白鱔一碟都起碼有十件，加左豆豉同豉汁蒸香，而且仲有蔥花

諗起食潮州菜，就一定諗起陳儀興飯店，將軍澳呢間分店非常爆場，目測八點左右開始已經要排隊，想去食又唔想去排隊嘅話記住要訂枱啦～蒜蓉蒸海大蝦 ($208)諗緊食乜嘢好嘅時候，見到人地點嘅蒸大蝦好靚，決定自己都點，味道真係唔差，蒜蓉落足料，大蝦新鮮，底下嘅汁送飯一流鹵水鵝件 ($148)食潮州菜點可以冇滷水鵝！？鵝件份量好足，底下仲有大量大豆芽，肉質尚可，滷水再入味啲會更好蟲草花燉雞湯($68)濃濃雞味，大量蟲草湯，滋補養生茶芥 ($10.0)

是晚去了將軍澳食飯，見到原來這裡也有陳儀興飯店，裡面十分熱鬧，我們就決定在這裡吃潮州菜晚飯。我們點了：-滷水鵝件這裡的滷水鵝肉是招牌，滷水汁調得剛剛好，鵝肉大件且肉厚實，口感不錯，底下有芽菜和花生。-是日精選燉湯 - 姬松茸燉湯 及 蟲草花雪耳燉雞湯姬松茸燉湯十分濃郁，加上圓肉很滋補，健脾養胃；而蟲草花雪耳燉雞湯好清甜，內裡有委多蟲草花，而雞肉很嫩滑。-蒜蓉粉絲蒜活蝦賣相很整齊，每件蝦都充滿了蒜蓉的香氣，很爽甜。-豉汁蒸白鱔都很多件，加上豉汁蒸香，很惹味，配白飯或潮洲粥都很夾。-臘味炒芥蘭這個很好味，很有鑊氣，芥蘭吸收了臘味的鹹香。

屋企人最鍾意食潮州菜，成日都會去呢間潮州菜館。今晚來到這家潮州菜館,以家常小菜為主，價錢實惠，食材新鮮，大大碟一大班人食就最啱。首先上桌的是鹵水鵝件,鵝肉帶嫩滑口感,鹵水滋味正到位。另一道蟲草花雪耳燉雞湯,雞肉軟嫩湯底濃郁香氣十足。咕嚕焗排骨以簡單烹調卻帶出豐富滋味,豉椒炒蟶皇新鮮可口。潮州蠔餅以鮮蠔夾心更顯滋味,壓軸的豉汁蒸大白鱔鮮嫩順口。整體食材新鮮,以簡單手法烹調出家常小鮮味道。價錢也算合理,下次再來一定多點菜式試試。

#陳儀興飯店 📍將軍澳至善街9號嘉悅地下2-3號舖去完朋友屋企玩 佢推介樓下呢間打冷鋪平日夜晚都坐滿曬人菜式選擇多 價錢合理每個餸份量都好多 最岩一班人黎食🪿鹵水鵝件 $148鵝肉煮得好滑嫩好入味鹵水調味得好入味 最底仲配左芽菜花生🥜🦐蒜蓉蒸海大蝦 $208 大蝦份量好多隻😍新鮮嘅海大蝦蒸熟之後肉質彈牙有超濃郁嘅蒜蓉香氣 仲有粉絲吸曬蝦嘅鮮味🤩🍆魚香茄子黃鱔煲 $118一大煲勁足料魚香茄子經慢火燉煮入曬味配埋黃鱔味道更加鮮美濃郁 送飯一流🍚🦑椒鹽鮮魷 $128椒鹽鮮魷外皮酥脆 魷魚好厚身 肉質有咬口配香辣嘅椒鹽調味好香口 好啱做開胃菜或者送酒小食🥣老火燉湯 $68 一碗呢碗老火湯燉煮得好濃郁 飲落仲有少少甜味見到個底啲材料就知超足料 飲完成個人暖笠笠 好滿足☺️

朋友家住將軍澳，最近帶我去了這間潮州菜館晚餐。這裡提供了多種風味獨特的潮州美食，讓我品味到了地道的潮州口味。鹵水鵝件絕對是我在潮州菜館的最愛之一。鵝肉經過精心烹調，肉質鮮嫩多汁，並且完美地吸收了鹵水的味道。每一口都帶來濃郁的香氣和豐富的口感，讓人回味無窮。蟲草花雪耳燉雞湯清爽又滋補的美食。蟲草花和雪耳的加入增添了湯的營養價值，而雞肉則煮得極為嫩滑。湯的口感清潤，滋味鮮美。潮州蠔餅用半煎炸方式煎蠔餅麵漿，煎到脆邊脆面，最後可加添芫茜在蠔餅上面，蘸上魚露食更有風味。豉汁蒸大白鱔，選用最新鮮既鱔, 鮮味豉汁香味陣陣, 件件滲入豉汁, 色味香濃均勻, 啖啖都係肉!

係將軍澳想食正宗潮州菜，可以去將南呢間潮州菜館，餐廳長期爆滿，想食就記得訂定位!🔺鹵水鵝件 $148用上潮州特產獅頭鵝，鵝肉質地鬆軟而豐腴，鵝味濃，再用以廚師祕製鹵水膽製作的陳年鹵水汁浸泡，充滿香料與肉汁精華，芳香入味。🔺蟲草花雪耳燉雞湯（$68 一碗）好足料，蟲草花補肝益腎，味道甘甜🔺咕嚕焗排骨 $85外面脆口, 內面多汁。咕嚕汁厚薄剛好，肉質鬆化，酸酸甜甜好開胃🔺豉椒炒蟶皇 （$78 一件）食落口啖啖肉，配合蒜蓉、豆豉同辣椒等香料，微辣惹味

今日同男友再次黎到陳儀興吃飯，之前已經試過，覺得好食，今次再光顧😎一坐低見到餐廳搞緊活動，係Google 5星點評就可以有小禮物，我地要左兩支野飲，一個係羅漢果水、一個係薏米，兩支都好飲😌😌我地叫左1️⃣滷水鵝件💰148鵝件數量都多，食到好滿足，滷水味好香濃又唔會好咸，鵝肉香，肥瘦適中，好滿意👍2️⃣老火燉湯💰136（兩盅）老火燉湯好清澈唔油膩，係蟲草花煲瘦肉湯，飲落鹹香，好滋潤🥰3️⃣魚香茄子黃鱔煲💰118呢個煲無骨，啖啖肉，食落去口感紮實，吸收埋魚香茄子嘅味道，好香濃4️⃣潮州蠔餅💰98蠔餅外脆內軟，有兩塊，蠔仔算大粒，同埋好鮮嫩😍😚5️⃣白飯💰126️⃣粥💰127️⃣茶芥💰20（每人💰10）如果大家去食記得book 臺，因為餐廳雖然幾大間，但係都見到好多人食🫣消費價錢：2人💰598，人均💰299結論：（10分為滿分）味道：8/10性價比：8/10回頭指數：8/10餐廳名稱：陳儀興飯店 (嘉悅) (將軍澳)餐廳地址：將軍澳至善街9號嘉悅地下2-3號舖

喺新蒲崗老店嘅陳儀興飯店係將軍澳有分店！？作為潮州打冷愛好者嘅我梗係要去試吓，地點雖然唔同咗，但味道依舊高質，而且價錢仲好經濟實惠，令人食唔停口🤤🍆魚香茄子黃鱔煲 $118 天寒地凍叫個煲仔菜暖吓身都好，新鮮整起嘅魚香茄子黃鱔煲，熱辣辣而且好保溫，食到最尾一嚿黃鱔都仲係熱嘅，而且茄子同黃鱔嘅份量都好多，茄子煮得好香好腍亦都好入味，黃鱔亦都好新鮮，啖啖肉，一條骨都冇，成個煲仔菜好適合餸飯🦑椒鹽鮮魷 $128 新鮮炸嘅椒鹽鮮魷，熱辣辣，非常惹味，金黃色嘅椒鹽鮮魷薄薄嘅脆漿包住，香脆可口，風味十足，魷魚新鮮爽口🍲老火燉湯 $68 係蟲草花燉雞，原盅嘅老火燉湯，健康滋潤又美味，熱辣辣，好適合喺呢排又凍又乾燥嘅日子飲，餐廳應該花咗唔少時間去燉，令到蟲草花同雞嘅精華都融入晒喺碗湯入面，除咗飲湯之外，仲可以食埋湯料，燉到好淋，而且味道都好好🪿滷水鵝件 $148 嚟到潮州打冷舖點可以唔食滷水鵝，滷水嘅味道香氣撲鼻，而且鵝件吸收晒陳年滷水嘅味道。鵝件除左肉嫩之外，肥瘦恰到好處，所以一啲都唔覺得油膩🦐蒜蓉蒸海大蝦 $208 新鮮嘅開邊海大蝦，隻隻都爽口彈牙，新鮮美味，配埋面頭嘅蒜蓉粉絲一齊食，簡直係畫龍點

朋友想食潮州打冷，第一時間就會諗呢間，一嚟坐得幾舒服，二嚟食物質素有保證！每次必食嘅滷水鵝件，皮薄厚肉，肉質嫩滑入味，最鐘意佢個滷水汁濃郁甘甜，調味剛好，唔會死鹹，底下嘅大豆芽及花生吸曬啲滷水汁，真係好好味！點少少辣椒油就更惹味～豉汁蒸白鱔，份量十足，好大碟！白鱔超級新鮮，彈牙又肥美，配上豉汁真係好好味，送飯一流，好好味金黃色嘅椒鹽鮮，十分吸引😍外脆內裏彈牙，好香口，要趁熱食！是日老火燉湯，原盅蟲草花燉瘦肉湯！一打開個蓋已經聞到好香，火候十足，清甜滋補，唔油膩～最後，少不了一碗潮州白粥質素依然唔錯，下次可以再嚟食😋

👧🏻😋👅🍽✨打冷要食鹵水鵝😎-陳儀興飯店🇭🇰 將軍澳至善街9號嘉悅地下2-3號舖 🇭🇰-🥢嘉悅附近有好多屋苑, 有個小food court, 但要食比較decent d既小菜, 陳儀興飯店會係一個好選擇🥢7點左右已經好多枱一家大細食緊飯, 除左潮式鹵水鵝同打冷小菜, 仲有游水海鮮, 食豪d仲有紅燒翅; 有脆卜卜既花生做前菜, 晚茶都係$10/位唔算貴-🐠 凍食黃油烏頭 $188💯餐牌寫時價, 問左$188有咁大條都幾抵食; 烏頭切半飛晒骨超厚肉, 肉質嫩滑有黃油, 點埋普寧豆醬更突出魚鮮鹹香味-🦪 潮州蠔餅 $98✨成塊蠔餅都充滿肥美大粒既蠔肉; 炸得金黃酥脆唔會太乾身, 仲幾juicy但都唔油膩-🕊鹵水鵝片 $168💯啖啖肉既鵝岩晒我地懶人唔lur骨😂 師傅刀功好好, 每塊一樣大細, 份量都多, 冚住晒一大堆芽菜; 隻鵝幾肥仔, 油脂重又多肉汁-🍲 老火燉湯 $68/位✨老火燉湯大大碗, 用雞同瘦肉煲但冇油, 飲落暖胃好滋潤-🌾 白粥/白飯 $12/碗💯白粥比飯更大碗, 所以唔會唔夠飽, 粥底勁綿滑

屋企人話想打冷，OpenRice搵到將軍澳嘅陳儀興飯店，雖然唔太近地鐵站，但我哋住九龍東都算方便，亦勝在環境舒適服務周到，相信下次都會再嚟鹵水鵝有鵝肝、鵝腸、鵝件等等，但我哋揀左鵝片啖啖肉，一塊塊軟滑鵝肉片鋪喺大豆芽上面，鵝汁滲晒落去成碟餸好滋味😋天氣凍叫咗一人一碗老火燉湯，有好多菇菌同烏雞，足料鮮甜，老人家都好滿意👍🏻食打冷當然唔少得煎炸嘢，叫咗椒鹽百花釀大腸同潮州蠔餅。薄脆嘅大腸皮入面釀咗蝦膠，肥膏變左蝦膠即時香好多仲冇咁膩，蠔餅厚身大隻脆卜卜

提起「陳儀興」這個名字，定必聯想到傳統正宗的潮州菜。從新蒲崗老店擴展至今，超過半個世紀，四家飯店分佈於港島、九龍及將軍澳。這家潮州菜館老字號，傳承著家鄉潮菜的老味道，時代在變，但味道依舊不變。今次來到將軍澳分店，實而不華的裝修，加上地道實惠的潮州菜式，所以深受不少區內家庭客的歡迎。滷水鵝件（$148）食潮州菜，滷水鵝是必不可缺，滷水味道愈老愈香醇，這𥚃超過五十年的滷水，香氣撲鼻，馥郁醇厚，鵝件吸收陳年滷水的味道，滋味芳香卻不油膩。老火燉湯（$68）原盅老火燉湯，蟲草花燉雞，滋潤又美味。椒鹽鮮魷（$128）金黃色的椒鹽鮮魷，薄薄的脆漿包裹着彈牙的鮮魷，香脆可口，風味十足。豉汁蒸大鱔（$150）新鮮的大鱔簡單以豉汁蒸已能帶出其鮮味，下層的豆卜索滿了大鱔的鮮甜和惹味的豉汁，味道絕對不遜於主角大鱔。白飯（$12）茶芥（@ $10）StorefrontInteriorMenu

食物質素唔錯，不過員工態度好差。叫外賣自取，話 20分鐘(買蠔仔粥同滷水鵝) ，去到等左 45分鐘。收銀員工已經差，比完錢叫我自己問其他員工有未。問其他員工又黑面，話你見到有就有，冇就繼續等。結果等到40分鐘再問，佢話未有，好彩就下個，唔好彩唔知等幾耐。