西沙茶座

營業中

休息中

早上跟友輕鬆遊馬鞍山長廊，沿海邊行到泥涌已經全身汗；見到西沙茶座剛開門，二話不說入去解暑🥵🥵🥵露天茶座風景都唔要，走入餐廳嘆冷氣無嚟一段時間，有午餐供應。我指set lunch只賣$55，比起以前真超值！餐飲可樂已包，反而凍奶茶要另加$10，唔太抵😟海南雞飯$55，賣相可以，雞都嫩滑可惜飯太硬😥冬陰功湯粉$55，嚟到先知好大碗😨雞肉都頗多，不過無乜配菜：芽菜....味道頗辣，邊食不自覺流鼻水🤫湯粉又係好硬，浸左好耐都一樣；過左一陣12點零見到頗多地盤工人嚟食飯，我唸份量、價錢都配合勞苦階層👍🏻不過你煮得好味d會更好，佢哋都俾錢嚟食飯，需要改善一下🙁大家太攰，想唔到叫幾樣唔同share🤪

同屋企人行完山，揸車到西沙茶座，雖然是疫情期間，都有好多人等位，等左15分鐘左右，有大枱俾我地。環境算是闊，天氣熱如果要坐房外就有點難受，好彩有室內枱坐。叫左一份細既雜錦拼盤、波蘿焗飯、豬頸肉湯河、炒泰國粉、粉雜菜。雜錦拼盤蝦餅最好味，魚餅則比較油，香葉雞有點乾。波蘿焗飯保持到水準，味道不錯，上面的肉鬆有吊味的作用。豬頸肉湯河，豬頸肉略為韌，湯的味道則不錯。炒泰國粉比較乾身，味道尚可，碎花生欠香味。炒雜菜略為油，份量也偏少。整體感覺一般。

日日响屋企煮都好悶，所以同老公遊車河順便入西貢行吓食tea，幾過西沙茶座就駛左入去，有得免費泊車👍🏻唔駛响對面個錶位慢慢等。見到餐牌就立即叫左冬蔭公墨魚丸湯河，我地仲叫左個小食拼盤一齊share。個小食拼盤有魚餅、蝦餅同香草雞，即炸即上碟，夠大舊仲好香口呀！佢個甜酸汁唔太辣但酸酸味味好襯托個炸物😋個冬蔭公湯底比我想像中無咁rich，可能我慣有多啲椰汁响個湯底。不過呢個冬蔭公湯有好香嘅香茅味，清得嚟都開胃嘅。想講呢個湯河睇落去好似好多辣椒，但食落一啲都唔辣！好適合唔食得辣但又想飲冬蔭公嘅朋友仔。五粒墨魚丸不過不失。整體來講，食物賣相好好，食落都值個價錢😊

難食都唔會負評 但食左個炒飯 飯入面有一舊舊鹽 連基本野都做唔好 仲要唔只一舊 好彩我提一提朋友 佢都食到 要吐返出黎 下就又唔係多客 唔忙 都整禁 多人食 我都係想像唔到 因為已經食左一半 都無叫佢換 希望可以改善下但我結帳時講左反影同d建議 我被蚊咬左6 7口 無跨大 成程食到好唔舒服 跟住我見我到枱底有蚊香 但無點 禁係咪原本依個位就已經多蚊 但用曬蚊香又唔點 侍應仲要答我 你講啊麻 態度真一般 你係咪應該多為客人想想 我都有提到有鹽 佢就就師傅問題 唔好意思 但feel到佢完全無諗住反映番 唔會再食

諗住去西貢 揾個古式茶座食下野男朋友就揾左呢間！個地點，如果無揸車既，都睇黎只有的士先到到！比較偏僻！個環境，好以前70/80年代拍戲既地方😂食物都比較貴🥴🥴 我地叫左兩樣野，炭燒豬頸肉，正👍🏼雞肉濕炒河，就麻麻不過放假，食野，叫下風，都幾relax既

聖誕做冬加埋生日飯, 一之過慶祝晒。咁多人齊齊整整食餐飯係最開心。大伙兒7個人舒舒服服黎到西沙茶座食泰國菜。今晚唔係太多人, 不過仲有live music, 感覺仲有氣氛。因為咁多人, 叫左個套餐, 可以食多d野。本來以為要加菜, 原來都好夠食有馬拉盞炒菜烤餅+咖啡雞炭燒豬頸肉木瓜沙律(真係好開胃, 好好味)生菜包肉碎燒鱸魚蝦餅(超大件，好正)條鱸魚係比我想像中大條，而且幾新鮮。 而生菜包我本身麻麻, 因為怕要包黎包去麻煩, 但佢都有驚喜, 生菜幾新鮮同爽, 可能我食得辣，所以個肉碎偏辣真係幾野味，最後竟然可以食左3, 4件。今次大家都食得好開心, 最後live band叔叔仲過黎同我地唱生日歌, 好搞笑。

噚日(19-12-2019 Tue)朝,男同事FCP突然話約食晏,好彩我冇帶飯,男同事RL同女同事ES都可以,咁就成行喇.FCP有揸車,佢話想去西沙茶座食.好吖,於是嚟呢喥.我終於都嚟到呢喥食喇,我去到至知原來呢喥係食泰國印度嘢,侍應問我哋想坐室內定室外,RL答室內, 室內原來係喺大帳篷入面,認真攪嘢.枱上已經放咗一碗餐前小食,有蝦肉同蠶豆.蝦肉微辣,係半乾蝦肉,仍有有咬口同肉汁.味道:5分而蠶豆呢?脆口同食到有五香味.味道:5分我哋叫咗:1. 泰式豬頸肉份量都多,豬頸肉幾油膩,唔蘸辣嘅泰式醬汁食,味道就淡,幸好有沙爹醬俾我蘸.味道:3.5分2. 半打沙爹串燒(雞,豬)食咗兩串都係雞肉,乾同嚡在所難免,沙爹醬唔算好香,味道就一般咗,不過好過冇我蘸.味道:3分3.蝦醬炒通菜同事想叫馬拉盞通菜,但就唔食辣嘅我,就要呢個,感激.講返,蝦醬味道好濃,通菜夠嫩.味道:3分4. 菠蘿焗飯材料有腰果,豬肉鬆外,重有臘腸同睇唔見嘅提子乾,成個甜甜地,飯唔太乾身,個個都讚好食.味道:4.5分5. FCP問雞肉串燒乾唔乾?佢冇食到,咁我哋就 encore多半打沙爹串燒(雞,豬)今次我都食一串豬肉,豬肉無疑

10/11/2019 星期日，陽光普照，梗係要到郊外走走，食個美味午餐啦。諗起好耐冇嚟過西沙茶座，喜歡佢有免費泊車，今日一於嚟食個泰式午餐。我哋一行四人，去到揀坐戶外，睇 menu 有好多選擇，在選擇困難症之下，好彩見到 四人套餐，有：-海鮮豆腐湯，好多海鮮料，好飲泰式雜錦拼盤，有沙爹串燒，魚餅，魚蛋圈，雞球扎，春卷，好食印式咖喱雞配薄餅，正😋泰式肉鬆生菜包，好味道泰式鳯爪沙律，好食泰式炒雜菜，亦都好食另外，大家都叫咗 椰青，好清甜仲有要提一提，餐前小食的花生魷魚絲都好好食，我哋仲將食剩嘅 「花生魷魚絲」打包，拎返屋企慢慢食。今次選擇嚟西沙茶座確實無決定錯，大家都享受咗一個美味泰國午餐。

以前搭車成日經過一路都好想試下，今日終於有機會啦～我地叫左小食拼盤，泰式金邊粉，印式烤餅同細既冬陰公湯一齊分享～細既冬陰公都可以分到六小碗，唔會太辣，足料有鮮蝦，開胃～小食拼盤就有蝦餅、香煎魚餅、香葉雞、春卷、雞豬串燒。魚餅都幾辣，不過有特色。雞就炸得太勁，太乾冇咩味，麻麻地。串燒都係好乾，同埋好痴住支竹籤，都係麻麻地，蝦餅同春卷就幾好味。好彩金邊粉同印式烤餅都正常，幾好味～食物就大部分都唔錯，不過呢度既服務就有待改善，我地叫既野唔多，但佢都可以漏單再漏單，一追再追都未有，仲要叫幾次都好似聽到又聽唔到咁，好失望！

西沙茶座聽人講就聽得多😊， 自己從來都未來過， 今次終於有機會趁住媽咪生日入嚟試一試😁！ 每年同媽咪慶祝生日都是酒店自助餐， 今年一於改變下食泰國菜🥳。 揸車到達好方便，又有免費泊車非常貼心。 一落車就見到西沙茶座環境裝修非常有泰國風情， 立即感覺置身於泰國的椰林樹影下🏝️。 我哋選擇了室內環境， 一坐低店員就送上餐前小食$14， 之後我們亦點了幾款泰式 和印式菜，炸蝦餅$90， 菠蘿焗飯$129， 香葉炒豬碎肉$104， 魚露生蝦刺身$150， 北印度咖哩羊肉$117， 印式香蕉薄餅$49，香芒糯米飯$74。 飲品方便就有椰青$44，椰汁芒果冰$44，士多啤梨奶昔$41。🍽️餐前小食～ 有魷魚絲和蠶豆非常惹味， 小食用嚟送酒或飲品都唔錯。🍽️炸蝦餅～面層炸得很脆，蝦餅裏面的口感比較散。🍽️菠蘿焗飯～ 菠蘿炒飯配上腰果，肉鬆和臘腸， 味道唔錯。🍽️香葉炒豬碎肉～ 生菜包住豬肉碎，入口清新不會膩。🍽️魚露生蝦刺身～ 生蝦好新鮮， 配上蒜片＆苦瓜， 帶點微辣，好滋味！🍽️北印度咖哩羊肉～ 辣度適中， 羊肉味道很濃，羊肉份量仲好多添！🍽️印式香蕉薄餅～ 非常喜歡吃香蕉薄餅， 唔係間間泰國菜都有㗎！🍽️香芒糯米

我諗人生有一啲地方總要特登去一兩次，我諗西沙茶座就係呢個地方啊！佢真係好難去除非自己有車，如果唔係真係要轉咁多賽車真係唔好攪啦！對我來講佢嘅嘢唔係特別好食，蝦餅普通但係環境真係好舒服，可能我哋住喺城市好少有一間咁大嘅餐廳又有露天又有音樂，未試過可以一試

首先，橙黃色帳幕裏，實在很難把圖片拍好。這應該是我寫過的食評𥚃圖片質素最差的一篇。關於味道，一般般的泰菜，沒有什麼特別。冬陰公較失準，需要微微踩一下。反正路過，沒有什麼期望，也沒有什麼所謂失望。

Lovely place with nice food and live band; romantic ambience too. Snack was served as soon as we were seated. It's dried squid shreds and beans. And it's good! I couldn't stop nibbling. Lol...Greedy me ordered a large Sai Sha Platter: spring rolls, satay chicken and beef, deep fried fish cakes, deep fried shrimp cakes, chicken in pandan leave. Regretted coz it's too much, also satay and chicken in pandan leave were not as good. Could have ordered the small one with only spring rolls, deep fried

見朋友特登入黎西貢食東南亞美食，都忍唔住山長水遠收工同老公一齊入黎享受美食.外型裝修好泰國感覺.椰青係我最愛😁仲有埋配菜👍🏻2個人叫左5樣嘢，好似有啲誇張，但係同老公兩個人樣樣都好想食😬.*叫左個串燒豬都雞不會燒得好乾身，配埋好似沙爹醬既醬好好食.甜甜地.*冬陰功一定要叫，每人起碼有兩碗，仲有好大既塊既蝦，湯方面辣辣地甜甜地好開胃.*薄餅同生蝦都一樣唔得輸👍🏻差不多每台都點*豬頸肉更是可以彈牙，不會硬身.可以配上辣醬食，不過就有小小辣.總體黎講都唔錯，唔怪得多人.可以黎嘗試🤤🤤

西沙茶座 名就聽得多，今次終於黎食。環境夠大，分室內室外。不過室內都擺得多枱唔叫闊落。不過一方面又因為太少人所以好闊落。今次嗌咗個4人餐同散嗌咗少少野，只有影部分相。生菜包 普通。但當食過好味嘅生菜包後，呢個就唔會想食多啖。泰式鳳爪唔入味，呢碟係走時影。睇下食凈幾多。冬陰公湯，過得去蝦醬炒飯，較淡，叫食得落薄餅，食得落囉食完之後完全唔明點解會出名。原來以前係出名有車必到嘅餐廳。但而家，係出名難食。真係無下次。好失望。泰菜都係九龍城中伏率低啲。