蚊蚊豬老火鍋

營業中

休息中

<雞煲/ 烤魚+刺身及火鍋放題>💕位於大子這間火鍋店, 集合左雞煲, 或者可以揀烤魚, 加任食火鍋. 另外仲有可以任點任叫刺身, 包括三文魚, 甜蝦, 仿鮑片, 墨魚等. 雖然係任食, 但質素依家不錯, 算頗鮮甜.這個任食火鍋套餐, 包送一碟安格斯牛, 雪花分佈平均, 入口有口感牛味. 絕對高質. 基本上其他火鍋配料都可以任叫, 全部都不錯. 整體價錢唔係貴, $2百幾蚊位, 絕對可以食到飽一飽😎🍲餐廳: 蚊蚊豬老火鍋🥘地址: 太子汝州街11號地舖

旺角多嘢食係人都知，不過估唔到太子都咁多嘢食，仲要咁近地鐵站，早排有個friend試完，極力推介，咁見今日屋企冇煮飯，就同老婆兩個嚟試下喺港鐵太子站（d）出口，行幾分鐘就到，好易搵。好早去到都有幾檯客喺度食緊，原來真係幾受歡迎。呢度最出名係烤魚放題同埋雞煲放題。$228任食，仲有安格斯牛任食，順帶一提，張紙冇嘅，但可以無點，只要同店員講就可以。張任食紙好多選擇。我哋嘅烤魚好快就到咗。我哋揀咗小辣，黎到見到條魚我同老婆都呆咗，點解會咁大條，成條手臂咁長，仲要係我哋最鍾意食嘅鯇魚，一啲泥味都冇，啖啖肉，由於佢一早已經炸熟，所以只係等啲湯底滾熟就得。安格斯肥牛：肥瘦適中，好重牛味，呢個價錢仲要係任食，真係唔知邊度搵。炸魚皮：每次我食烤魚，都一定叫炸魚皮，因為炸魚皮點落啲烤魚麻辣湯汁度，索曬啲汁嘅時候，就係最好食。川汁皮蛋：川汁調較得剛好，唔會太辣搶咗皮蛋啲香味。三文魚刺身：我成日都覺得食火鍋嘅餐廳，刺身一定係冇咁新鮮同冇咁好食，原來都有例外，呢間啲刺身好新鮮，好似出面食放題嘅質素咁。大合照當然唔少得，成枱美食，淨係條魚已經贏咗。條魚要4個人先食得晒。ps:下次要叫多幾個朋友一齊嚟食埋個雞煲先

朋友介紹我去蚊蚊豬老火鍋試吓佢嘅任食火鍋。🍲〈各款刺身〉🐙🐠🐟任食火鍋仲有刺身揀，有三文魚、八爪魚、甜蝦、鮑片、馬刀貝同埋墨魚。刺身都好新鮮，抵讚！〈重慶麻辣雞煲〉🐔🥘雞煲揀咗微辣，雞件好夠味，啖啖肉，非常出色。〈安格斯肥牛〉🥩我哋揀呢個套餐每枱有一點安格斯肥牛，肥牛入口即溶，好有牛味，食得出係靚牛。〈各款小食〉🧆🥠🥜呢度都有好多唔同嘅小食可以揀，特別推介嘅係川汁皮蛋、黃金饅頭、芝麻八爪魚同埋辣味螺肉。〈火鍋配料〉🍖🥩🥗呢度有唔同嘅肉類、內臟、海鮮、蔬菜同丸類選擇。我比較推介黑柏葉，因為喺出邊比較少機會食到，而且好新鮮。〈蟲草花雞鍋〉🐣🍲食完雞煲之後，我哋就轉咗個火鍋湯底繼續打邊爐，係咁多個湯底裏面就揀咗蟲草花雞鍋，雞湯味囉，而且仲有好多雞肉喺入邊，食到捧住個肚走。

蚊蚊豬老火鍋太子汝州街11號地下今日跟左朋友出黎太子搵食，試左呢間<蚊蚊豬>任飲任食邊爐，睇見MEUN覺得都幾抵食，呢到除左打邊爐之外，仲可以試埋萬州烤魚或者麻辣雞煲，另外仲有部分前菜、小食同埋刺身都係任食，真係好吸引一開始當然係食左雞煲先啦，我地揀左微辣，雞煲上檯時已經有8成熟，入面混入左秘制既醬汁，仲有洋蔥同埋芫茜，炒多幾分鐘已經聞到香味撲鼻，忍唔住要即刻試下…..食落口雞既肉質都算幾嫩滑，唔會鞋口，再加埋惹味既醬汁，口感一流呀，而且餐廳都幾大方，需然我地得2個人，但份量都好足，有成大半鍋食完雞煲通常個鍋底已經好油膩，如果再直接加入清湯打邊爐真係未必人人接受到，而呢到好細心會換過另一個鍋先開始打邊爐，總共有8款湯底可以選擇，因為麻辣雞煲比較油膩，所以我地就揀左個比較清淡既蟲草花雞鍋，估唔到都幾足料，值得一試火鍋配料方面，最驚喜既一定係個安格斯肥牛，切得非常薄身，只要係鍋到拖一拖水已經岩岩好，而且脂肪比例好平均，唔會太肥，抵讚，除此之外，餐廳仲有黑牛栢葉，出面比較少見，食落好爽口，值得推介小食方面，我地試左芝麻八爪魚，辣味螺肉同埋川汁皮蛋，係打邊爐期間可以點d小食中和

今日去咗太子道買魚糧買完之後朋友就話去間餐廳度打邊爐見到呢間炆炆豬 有兩小時任食烤魚火煱放題 就決定入去試下烤魚係萬洲風格 雖然唔算好辣 但係都幾有麻味 香料非常足夠 除咗辣椒之外仲有回香同埋花椒味道 魚肉亦都十分嫩滑可口特選美國肥牛 顧名思義都真係幾肥 但係牛肉味都算重刺身方面有三文魚 魷魚 馬刀貝同埋甜蝦 質素同出面嘅差唔多八爪魚都係同出面差唔多雞肉味道都算重 牛栢葉就係黑色嘅 冇經過漂色 原汁原味脆肉鯇同豬大腸都同出面差唔多 豬大腸比較粉左啲

雞煲打邊爐不嬲都係我至愛。係社交平台成日見到有人介紹太子呢間舖，所以今日專登留肚夜晚去擦餐勁。入到去見樓面幾張檯都坐滿，開頭仲以為要等，點知店員話可以上樓上。樓上都有好多檯，坐低睇睇下餐牌突然間又full哂，真係好出名咁！叫左微辣雞煲加幾樣打邊爐配料，諗住食完再叫多幾round，點知個雞煲一上就比個size 嚇親，因為真係超超超大煲！個煲應該有起碼半隻雞，味道好香濃惹味又唔辣，雞肉又嫩又多汁，食到停唔到。食食下先醒返起原來仲有配料等緊打邊爐，真係唔講食雞煲都開始有啲飽。叫左店員加湯之後，開始第二輪邊爐時間。開頭叫左啲配料都係丸呀菜呀之類，又估唔到啲菜類都係幾大份下。最後食哂配料超飽超滿足，可惜冇戰鬥力叫多啲唔同種類嘅野試吓，如果下次約多啲人一檯share應該超開心！

中秋同四大長老聚會，揀熱食要好食又唔貴。2小時任飲任食呢個價錢真係唔貴，先食雞煲再加湯打邊爐。平日7點已經全場滿坐要坐2樓，2樓都同樣幾爆。坐底叫個雞煲，揀微辣岩我。因為同一時段有3-4枱叫雞煲，所以等左15分鐘左右，都ok可以食住涼拌口水青瓜同飲住果粒橙邊等邊食。雞煲熱辣辣即整，好香濃難得老爺仲話好食好惹味。雞肉滑溜重點啲醬汁炒過好香。出面食個雞煲都要呢個價錢，今次仲可以打邊爐任飲任食，坐足兩個鐘滿足。

見咁多好評去試下，話就話$228，但豉油$30再加一埋單$276@1人，限時兩個鐘，個半鐘截單根本食唔到啲乜，中途仲要漏單！睇好多食評話刺身鮮甜，完全唔覺！非常低質！三文魚腥臭有陣‘’壓‘’味，甜蝦腥臭到完全食唔到🤮👎🏻，馬刀貝算最正常，鮑片比其他放題差，八爪魚得個韌字😓烤魚完全唔掂！魚肉冇味就咁炸完擺落啲汁，肉質又梅又多骨！牛肉唔錯👍🏻有牛味又唔蘇，湯底唔掂冇乜味👎🏻👎🏻👎🏻，豉油好快點到淡曬，但冇得自助加😓第一轉火鍋料單漏單，個帶眼鏡嘅女侍應一句唔好意思都冇，大大聲話「冇落到！」講到好似我錯咁🙄黎左一轉就得返20分鐘截單，咁食得啲乜呢？牛胸爽勁漏勁蘇👎🏻😓啲丸都唔掂，街市$26/磅好食過佢，油麥菜就幾好食

【抵食☺️任叫雞煲火鍋】睇呢間火鍋店個名，仲以為佢係食豬🐷 點知原來佢係食雞煲同埋烤魚😂😂😂 任食兩小時放題都係二百零蚊，都算幾抵食。首先揀咗烤魚/ 雞煲，然後再叫火鍋料打邊爐。火鍋料同埋刺身都係任點任食😌 如果想任飲汽水同啤酒，就每位再加多$28當我仲苦惱緊揀「#萬州烤魚」定「#重慶麻辣雞煲」，同枱老友已經叫店員落左雞煲😳🙄🤫 雞煲嘅份量都唔少，最重要係多芫荽🍀🍀🍀😍！老友揀咗中辣，雞件全部都好入味，個麻辣汁味道幾有層次唔會淨係得個辣字。食完雞煲之後就加湯打邊爐，#安格斯肥牛 淥一陣就食得，肥瘦均勻有油香，肉質軟滑😋其他配料嘅款式算多。肉類方面，雞牛豬同埋內臟都有，最估唔到真係有牛柳粒同埋牛黃喉。丸類就十幾款，海鮮類就有魚、青口等等仲有成廿款蔬菜揀。仲有一啲小食，例如涼拌雲耳拍蒜青瓜子薑皮蛋辣味螺肉芝麻八爪魚川汁皮蛋同黃金饅頭都有。Btw, #炸饅頭 好耐無食過，正呀！😝我地當然唔係每款都食晒，其實食完雞煲已經飽咗一大半，不過咁多嘢揀真係好開心仔😎😎😎

雞煲同烤魚，你會揀邊一樣？其實我毫無疑問就會揀雞煲，因為我勁鍾意食雞😌喺太子發現咗呢一間任食放題嘅小店，地方唔算大，所以如果想食最好就訂位。價錢係每位$228，火鍋料任點任叫，加多$28仲可以享受埋飲品放題，除咗常見嘅汽水，竟然仲有加多寶同果粒橙，仲要連青島啤酒都係任飲！！首先嚟嘅係雞煲，芫荽鋪面，下面嘅雞件每件都沾滿左麻辣汁，唔好講笑，食完個雞煲都已經飽飽地。食晒啲雞之後就加湯開始我哋嘅火鍋，安格斯肥牛肉質軟腍，同埋油花均勻。其他火鍋料都係常見嘅款式，有唔同嘅海鮮類同埋蔬菜，最驚喜就係竟然有牛膀、牛筋、豬肺。呢啲都係坊間比較少見嘅款式。丸類有10幾款，自己最鍾意就係陳皮魚蛋同埋午餐肉🤓🤓🤓仲有幾款涼拌小食或者炸饅頭可以揀，總之係一定食得飽。

今日去咗朋友介紹的一間烤魚餐廳食飯。之前一直都好想食烤魚，可惜因為疫情關係一直冇機會食。結果，我同我朋友只係去左一次，真係會令你食上癮。因為烤魚烤得好香，魚烤得非常脆口，好似食緊炸魚皮咁。條烤魚亦好大條，兩個人食完真係可以唔使打邊爐😂😂。咁嘅既然係任食，又冇理由唔食多少少😉！我揀左安格斯牛肉，淋身有牛味，好味！任叫嘅美國肥牛都一樣好食！至於其他配料都係一般出面都食到嘅嘢食，OK嘅。不過喜出望外的是竟然有魚生食，雖然在烤魚火鍋店食，但完全冇因為在火鍋店食，而處理魚生處理得唔新鮮。魚生係新鮮兼好食嘅😋。食完之後，我同我朋友都話值得再去食多次，試埋餐廳個雞煲，我哋估一定同樣咁好食！😁😋😋😋

先黎一盤充滿香料的烤魚，烤魚份量也不少，用的是鯇魚烤魚外皮煎過，滾起來也不怕成條魚散開哂，食落一點腥味也沒有，啖啖肉非常好味，加上嗜辣嘅我點了大辣，辣湯加滑滑嘅魚肉，好惹味跟住再嚟一個麻辣雞煲，麻香辣味夠，雞肉嫩滑，食完雞煲就加上湯打邊爐這個套餐有安格斯肥牛，只睇賣相已經知質數唔差，食落又幾好味，牛味濃有口感另外點了小食，拍蒜青瓜，爽口的青瓜浸滿香辣的辣油，加上清涼的啤酒牛筋丸，咬落彈牙，有水準牛胸爽，雖然味道比較淡但很爽囗

睇YouTube有人介紹過，地點又係太子，二話不說同太太book位即刻去試下，因為我哋都鍾意食重口味野首先環境裝修有小小中國風，枱闊落，同隔離唔會太近，冷氣夠，平日都唔少人，建議去食book定位，我同太太叫咗一個雞煲加放題火鍋套餐雞煲：配料好足，令到個雞更惹味，份量多，雞入味算係幾滑，唔敢食太多，留肚食火鍋前菜：尖椒皮蛋，皮蛋質感有流心，味道唔會太鹹，食前小食開開胃一流刺身：不過不失，食得出係新鮮嘅，每次嚟嘅份量都好夠，同埋上菜都好快火鍋料：安格斯牛 ，這個牛一定係重頭戲，新鮮有咬口有牛味，送既一碟份量都好多，可惜只能叫一次魚皮脆口冇油益味未、豬紅爽口唔會一夾就散、水魷不過不失但份量好多、芥末牛丸呢個第一次食，芥末同牛丸撈埋異常地夾。總結：呢間嘅放題我覺得好抵食，睇得出老闆有誠意，雞煲有任食刺身同安格斯牛呢啲貴價食材，由於太太唔食烤魚，我覺得有啲可惜，下次一定會黎試下個烤魚，總體值得推薦

今天喺太子路過搵飯食，見到出面宣傳牌寫住$228/一位烤魚雞煲放題，好似幾吸引！平日星期一夜晚入到去，餐廳都坐8成滿，都幾多人食緊，不過樓下坐位有點逼，大約坐十幾人。樓上應該仲有一層。講返嘢食先，首先嗌咗雞煲，幾分鐘就上菜，因為本身唔係太食得辣，叫咗微辣。雞煲嘅雞好入味，而且雞肉都幾滑，份量都幾多。淨係食晒啲雞都已經飽飽地。哈哈。除咗雞煲，最開心係佢有得叫刺身放題，同埋一啲川菜小食。刺身都幾新鮮，見到廚房即叫即切，另外個川味皮蛋都好食，有d糖心皮蛋feel。重點黎啦！就係碟安格斯肥牛，每一片切得好薄，色澤好靚，脂肪比例好均勻。食落去真係幾有牛味。呢個推介👍🏼其他就只係一般火鍋配料，所以無咩特別。總體而言，每人只需$228，又有雞煲，又有刺身，又有小食，又有火鍋配料任食，性價比真係好高👍🏼值得一試👍🏼

任食烤魚加雞煲加刺身加麻辣火鍋放題，聽到都覺得好豐富先上一盤萬州烤魚，選用新鮮鯇魚，食落皮脆肉滑，啖啖肉，原來條魚用香粉，籽然粉醃製，再炸得皮脆肉滑，啖啖肉，湯底做出四川風味，花椒，八角，香葉，紅油等多種材料熬製湯膽再加入秘製炒醬，增加辛辣咁，魚肉索盡湯汁，非常好味食完咁大條魚，已經有點飽，好彩好友戰鬥力強，雞煲甪了磨豉醬，南乳等多種香料製成，質地濃郁，雞件沾上濃厚的醬汁，越食越辣，越食越過癮魚生點了三文魚，墨魚，八爪魚，甜蝦，新鮮鮮甜又美味雖然有啲飽，但係唔會錯過火鍋，分別有牛黃喉和猪黃喉，豬黃喉入口比較油膩感重立即食番個萵荀條清新一下毛肚即係黑柏葉，價格當然比白栢葉貴，咬落更爽口牛胸爽，爽口又唔韌牛柳粒，牛味濃郁，淥完仲係咁大粒無縮水鵝腸不要淥太耐只要淥幾秒就可以安格斯肥牛，色澤紅潤，肉質嫩滑，重牛味