217
63
41
開飯介紹
由大廚張錦祥主理的餐廳，主打多國菜，包括西式、法式、港式等。當中以「經典芝士煙肉長通粉伴溫泉蛋」、「祥仔脆脆豬扒飯」等最為熱賣。
繼續閱讀
營業時間
今日營業
09:00 - 22:00
星期一至日
09:00 - 22:00
公眾假期
09:00 - 22:00
公眾假期前夕
09:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
🐟巨型吉列魚柳滑蛋飯配青咖喱汁六款招牌排行榜推介，食咗巨型吉列魚柳滑蛋飯配青咖喱汁！原條魚柳份量大，外層麵包糠及脆漿糊香脆可口，魚柳厚肉滑口，無腥味。主要配味要沾上青咖喱汁，BB辣，非常椰香，惹味之餘同炸魚好夾。另外仲配有4.3牛乳滑蛋，份量可以升級增量，滑蛋顏色金黃，蛋香又嫩滑。🥩 澳洲西冷牛扒黑椒汁鐵板系列都有五款，點了澳洲西冷牛扒黑椒汁，自助點餐無得選擇牛扒幾成熟，不過應該預設了五成熟，容易切開，肉質及色澤粉嫩，配菜都相當足料，放滿了鐵板，另外可以選擇配薯菜或飯。🥣套餐都有餐湯及餐飲，份量足所以提升性價比，而且環境，服務都非常好，食物係要等待，由大㕑張錦祥Ricky打理做生招牌。
繼續閱讀
其實👧🏻一直都好鐘意睇張錦祥Ricky師傅既教煮餸片，今次終於搵到機會去佢開既餐廳試下！位於K11既祥仔定位算係Fusion西菜，比起出面食既鼓油法蘭西西餐更精緻。雖然以港底西餐嚟講定價唔算低，但一分錢一分貨，咁岩經過附近值得一試。🌟重量級雜扒配燒汁雜扒餐有齊澳洲牛柳、蒜香雞扒、太陽蛋同芝士煙豬肉腸。雖然冇得揀生熟程度，但牛柳煮得剛剛好大概五成熟，夠晒厚身（估計有一吋厚），富有肉香又淋，絕對有驚喜。煎雞扒既雞肉厚度平均，一切開肉汁湧出嚟就知有幾Juicy！配埋燒汁好匹配！而配菜就可以揀薯菜/飯，👧🏻揀嘅薯角外脆內綿滑。🌟巨型吉列魚柳滑蛋飯配青咖喱汁話明巨型吉列魚柳，魚柳果然長過👧🏻既手掌🤣，唔太油膩，魚質幼滑冇腥味。而青咖喱汁就比預期中惹味同辣，撈飯一流！🌟蘑菇湯//兩日兩夜羅宋湯是日餐湯係蘑菇湯，入口有細細粒磨菇碎🍄，加上少量黑椒調味。而令👧🏻印象深刻嘅就係Ricky師傅喺YouTube都有介紹過點煮嘅羅宋湯（睇完都係覺得出去餐廳飲好過🤣）！蕃茄味相當濃郁，同時亦都食飲到各種蔬果嘅果香，最特別係配檸檬葉牛油，令到羅宋湯層次非常豐富，更清新！絕對值得加$3轉飲羅宋湯！🌟檸檬兄弟之茶館冒險//鹹青檸柚子梳打檸檬兄弟之茶館冒險就係用齊黃檸檬同青檸檬，茶味唔澀又富有兩款檸檬香🍋。而鹹青檸柚子梳打就比起平時飲嘅鹹檸檬梳打多咗柚子蜜香，多少少甜味👍🏻。🌟葡撻跟餐可以加錢配甜品，可以揀疏乎厘芝士蛋糕/葡撻！呢度嘅葡撻酥皮香脆，富有牛油香，蛋漿幼滑唔算好甜，再灑上少少朱古力粉令到味道更有趣豐富。
繼續閱讀
有時想食吓港式茶餐廳野食，但又想啲環境好少少嘅，好推介可以去K11間祥仔，本身喺餐廳門口見到有大電視機影住大廚張錦祥Ricky Sir介紹，先知道原來係佢主理嘅餐廳，食物水準一定有保證，晚飯時間超多客人，到我哋臨走先唔使等位，入面坐得舒服之餘，套餐亦都包埋餐湯同飲品，性價比高。我同朋友喺招牌排行榜同埋鐵板系列入邊各選一款。〈澳洲西冷牛扒配燒汁〉🥩牛扒預設嘅熟度煎得啱啱好，唔會過熟或者過生，保持到肉質嫩滑嘅同時亦都有好濃嘅牛味。薯菜份量亦都好有誠意，有洋蔥、薯條、西蘭花、椰菜花、蕃茄仔同粟米。〈鴛鴦叉燒煎蛋飯〉🐷🍳🍚果然係餐廳招牌，叉燒分咗兩款，包括有肉質嫩滑梅頭同油脂豐富五花腩，一次過食晒兩款嘅唔同叉燒品種，而且仲要係燶邊叉燒，再配埋蔥油同煎蛋，係超高水準嘅叉燒煎蛋飯。〈鹹檸七梳打〉 🍸〈黑牛〉🍫🍨杯梳打唔會落糖水，啱晒健康人士。而想邪惡嘅梗係要嗌黑牛，朱古力雪糕再配上可樂，好多餐廳而家都冇得飲㗎啦。
繼續閱讀
平時lunch有時都會去祥仔辣辣食lunch覺得質素都幾好，知道同一個集團有西餐，今日經過K11見到大廚張錦祥張相就諗住試一試佢🤪入面簡單裝修夠光猛寬敞❤️-套餐包括有埋餐湯同飲品餐湯蘑菇湯好多蘑菇🍄🟫💗-澳洲西冷牛扒🥩黑椒汁 $198冇諗過佢哋嘅西冷牛扒質素都幾唔錯大概五六成熟左右熟度真係啱啱好仲好多好多肉汁肉質有少少咬口又唔會起渣👍🏻切到細細嚿咁食好滋味非常之香肉味😝黑椒汁味道調得啱啱好食得出質素薯條大大條無論配合蕃茄醬或者黑椒汁都唔錯配埋蕃茄粟米仲有少少菜整體好滿意👍🏻-牛油果柚子藜麥鮮果沙律 $128另外一個餐就健康少少特別要求咗想牛油果轉其他生果店員好好幫我轉左除咗有啲沙律菜之外仲有菠蘿、柚子、紅菜頭、哈密瓜、蕃茄仔酸酸地好開胃🤤-咸青檸梳打 $14鹹青檸大大粒☺️-新鮮菠蘿冰 $28超多菠蘿好解渴😉
繼續閱讀
祥仔Ricky’s Kitchen 今日放假經過K11見到門口廣告先知原來由經驗名廚Ricky 主理即刻入咗去試吓。坐低睇吓menu 招牌排行榜同鐵板系列都好吸引。兩款系列都配是日餐湯及咖啡/茶。我哋叫咗兩款餐各一個仲加$3升級左兩日兩夜羅宋湯個湯好好味加$3絕對值得升級。美國安格斯牛柳粒配秘製黑椒汁 意粉牛柳粒肉嫩稔口，牛味香濃，意粉配上秘製黑椒汁好惹味。澳洲西冷牛扒•黑椒汁西冷牛扒厚身牛味濃肉質鮮嫩多汁。餐飲叫咗凍檸茶同雪糕紅豆冰
繼續閱讀