影片
更多
2007-05-25
39 瀏覽
24-3-2007 1226這間印度餐廳，除了新發展碼頭外，係東涌都好出名，無記「原裝入口」又有介紹過，居然我係開荒牛，奇怪奇怪。臨走前幾日，係公司仲好忙，冇時間偷雞黎，唯有星期六再入黎，搭車時喜見同事帶著他父母一齊參觀新居，這裡唔需要搭10幾蚊既嶼巴，又者要等成粒鐘既34，其實只要係逸東村，在福逸樓附近行天橋過明渠已到下皮嶺村，當然閣下人多勢眾，可以打電話，要求接送啦。這裡有午餐供應，可以選擇羊、雞、牛或什菜，飯或烤餅(nann)，還包餐湯、胡椒薄餅(papadams)、什菜咖喱角(vegetable samosa) 及茶/啡/可樂。我就叫了羊，冇理由就咁樣，我就問可不可以轉cheese nann 及印度芒果酸奶(mango lassi)，只需加4及10蚊就可以，二話不說就轉，說明唔要湯，仲有就係羊要勁辣。先上mango lassi，好香的芒果味，甜味稍為重左些少，但應該是比較正宗做法，而且我覺得好好飲；然後便是一大塊papadams，味道稍鹹，只要伴著薄荷醬便可以抵消；再上便是一大舊samosa，剛剛炸起，酥皮裡面有薯蓉及青豆，而本身亦都唔辣；nann 同埋羊也上了場，nann 有
這間印度餐廳，除了新發展碼頭外，係東涌都好出名，無記「原裝入口」又有介紹過，居然我係開荒牛，奇怪奇怪。
臨走前幾日，係公司仲好忙，冇時間偷雞黎，唯有星期六再入黎，搭車時喜見同事帶著他父母一齊參觀新居，這裡唔需要搭10幾蚊既嶼巴，又者要等成粒鐘既34，其實只要係逸東村，在福逸樓附近行天橋過明渠已到下皮嶺村，當然閣下人多勢眾，可以打電話，要求接送啦。
這裡有午餐供應，可以選擇羊、雞、牛或什菜，飯或烤餅(nann)，還包餐湯、胡椒薄餅(papadams)、什菜咖喱角(vegetable samosa) 及茶/啡/可樂。我就叫了羊，冇理由就咁樣，我就問可不可以轉cheese nann 及印度芒果酸奶(mango lassi)，只需加4及10蚊就可以，二話不說就轉，說明唔要湯，仲有就係羊要勁辣。
先上mango lassi，好香的芒果味，甜味稍為重左些少，但應該是比較正宗做法，而且我覺得好好飲；然後便是一大塊papadams，味道稍鹹，只要伴著薄荷醬便可以抵消；再上便是一大舊samosa，剛剛炸起，酥皮裡面有薯蓉及青豆，而本身亦都唔辣；nann 同埋羊也上了場，nann 有四大塊，羊睇起來相當辣，nann 整得相當不錯，不過芝味過輕，好似食緊plain nann 咁，而羊都算幾辣下，但仍有羊肉香味，事後問夠唔夠，如果辣到阿媽唔認得，就失去原本的真諦。
埋單共56蚊，抵食的一餐，希望下次可以夜晚入黎再試。東涌呢帶其實有好多正野食，不只是走馬看花燈的東薈城及機場terminal 2。
出到門口落雨，諗下去邊度食甜品先。
張貼
