牛角日本燒肉專門店 (大埔超級城)

營業中

休息中

係牛角FANS，見到有新PROMOTION。到七仔買兩支可樂，黎牛角食滿$200就送價值$98既極上牛柳，優惠至到4月4日。叫左兩個午餐，好美味，價格合理。加左$22一隻蝦，黎到比想像中細好多，好貴，去超市買唔駛$5一隻。呢個就係送既$98極上牛柳，都幾大舊，但肉色暗沉。另外有一兜錫紙兜，裏面有兩片牛油同幾粒蒜頭，放入爐度溶左啲牛油，燒肉後就可以點呢個汁黎食。個牛肉肉質唔錯，點左牛油汁後好香，因為牛油汁彌補左唔太新鮮既牛肉味道。用左呢個優惠後係唔可以用會員價惠，即係唔可以有九折，所以自己可以計吓數先!

本身牛角dinner價既份量已經唔係大 點知原來lunch仲更加細牛油帶子仲細到得返5豪子size🤔如果唔係白飯任叫同有杯野飲既話得果幾片肉仲要細份左都幾難飽下 可能我大食啦🙈

第一次黎大埔牛角食，次次經過都見要排隊，令我卻步。夜晚9:30黎到攞飛，都要9:45先有得入座，真係好生意!! 門口個樓面都好有禮貎，仲推介聽日開始奧海城、香港仔、旺角分店會出放題添呢度係用平板落單:芝士雞腿肉$52，雞腿肉好彈牙，單食都好入味，沾埋濃濃芝士醬，冇得彈鹽醬雞翼$39，得三隻，但好好食，要慢慢燒到雞皮變脆皮，要好好心機月見牛肋肉 $59，個醬汁好好食，燒一陣就好，好快燶架鹽味牛油帶子$52，帶子好細，仲要好咸好咸，呢個要叫個飯先好食鹽醬石斑魚柳$49，肉質嫰，但真係好考燒既技巧，無論魚肉同魚皮都好易黐網，最後食到既肉好少黑胡椒蜜糖豚肉$49，呢個好好食，每次必食之選，有一層層肥肉，冇咁易黐網牛肋肉四品盛合$148，四片既骨付牛肋肉顏色暗淡，味道亦都差。兩片牛角上級牛肋肉好食、兩片特上和牛係勁好食，好JUICY好多牛油。而壺入面都有好多牛肉，同埋好多洋蔥，唔太鍾意食洋蔥既我都覺得好食埋單時送上一碟糖果，太窩心~~~走時大約10:45，員工都準備收舖，但全程都冇催過我地走，太好~

星期五day off 訓醒已經下午，放假第一餐當然食好d，約左朋友一齊食最鐘意牛肉，每人簡左一個套餐，有湯，小食，野飲加牛角飯特上和牛牛肋肉+牛角嚴選和牛牛肋肉很肥美嫩口，不太用調味料都好食肩脊肉油脂多，牛油味香濃厚切牛舌，一定要要半生熟，入口即溶 好味到冇聲出腹胸肉油脂少，質地都會難咬，不過比較有肉味另外牛角上級牛肋肉&腹胸肉脂肪分佈唔平均，勁大舊肥肉，同menu張相好大出入，牛肉都香架～就係唔岩減肥既我囉整體上來講都不錯, 侍應服務態度都幾好，分量適中，配前菜同牛角飯絕對夠飽，下午茶仲有7折，一個人都係百幾蚊好味又抵食！

大埔中心牛角，新，外面裝修好chic，行過見到有午後軽食，又試試。入到去感覺空氣清新，侍者有禮。快快趣趣點了D3，普通飲料無料追加，喜歡凍飲的好著數。送上來一份整齊漂亮，5片肉方整漂亮冇欺場。烤爐乾淨夠熱，夾菜泡菜蒜子好韓式。唯一問題是菜葉太多水份，包卷前要先用紙巾抹乾，否則吃起來煞風景呢！吃過後埋單連加一，60.5元，肉靚場新服務不俗算滿意呢。離去時，嗅一嗅外衣，沒怎麼沾上味道，抽風系統十分不俗。