民華餐廳

營業中

休息中

夜晚都有得食常餐，環境舒適，冷氣夠晒冰凍，位置唔算好迫，坐落都算舒服。牛肉米粉仲要係番茄湯，入口酸酸甜甜好好味，而且牛肉用嘅係新鮮牛肉，入口爽口彈牙，牛味又重，米粉份量好多，難得配上呢個湯底越食越好味。話明係常餐就梗係配有多士啦，加兩蚊，仲可以將佢成為奶油多，果然抵呀，雞蛋今次我選擇左太陽蛋，餐肉厚度適中，唔會好似某啲茶餐廳咁，薄過紙，果然夠正餐飲方便我選擇咗鹹檸水，唔好睇小呢杯鹹檸水啊，有成全國咸檸喺入邊，真係沖多兩杯都仲夠味呀。喉嚨痛飲佢真係一流啦。燒賣，新鮮蒸起，一份仲有成四粒，雖然表面冇蝦喺上邊，但係食落依然爽口彈牙，粒粒都好大粒。

今早趕著工作，早餐草草了事😩，又咁啱開工前經過民華見到個炒蛋好鬼吸引，令我這個餓底整個上午都心思思想食佢，幾經辛苦先捱到12點，放飯！拉著同事要她陪我吃🤣12點過少少來到，應該未到最多人的時間，但餐廳只剩下中間四個位，無晒卡位！都幾多街坊鍾意來！好在我今日早了放lunch啫。點了兩個常餐，飲品先到，我飲奶茶，奶&茶比例剛剛好，幾芳香，是我喜歡的味道😌茄牛通，牛肉粉粉嫩嫩，幾新鮮，蕃茄湯底有一定厚度，"掛"到通粉，微酸甜，好醒胃！個湯最後比我飲晒😋炒蛋及多士都到了！讓我掛念了成朝的滑溜炒蛋，我終於吃到你了😋😋 多士比一般茶餐廳的要厚一點，加上烘完，零舍好味！食完個常餐，餐廳已經爆滿，我跟同事又有啲事未傾完，又唔好意思齋坐，決定叫個邪惡甜品－西多士！上枱的那一刻我們都嘩了一聲，好大塊牛油呀！咁慷慨既🤣，淋在西多上的是煉奶，下單時店員有提及，如果不喜歡煉奶也可以用糖漿，奶油這個配搭是賣飛佛，仲好味啦！食完真是十萬個滿足呀！

見到朋友食民華餐廳吃得頗滋味，於是收工便到附近民華餐廳飽吃一頓。點了常餐$41:鮮茄牛肉通粉、火腿炒蛋多士+咸檸七(跟餐加$5)。鮮茄牛肉通粉:濃郁的蕃茄湯味，帶有蕃茄碎粒。湯底跟牛肉十分合襯，牛肉都好嫩滑。 炒蛋滑溜，蛋味十足，師傅火喉精準，炒得剛好熟透，還帶著少許蛋汁。烘多士咬落脆口外層烘得剛剛好不會濃掉，外脆內軟。 西多士$20:即點即炸，厚切大件，一咬鬆軟香口，配搭牛油煉奶一流。秘製金錢肚$17: 金錢肚十分入味，口感亦不錯，還有三條蘿蔔舖在底下，索晒醬汁味道﹗咸檸七潤喉

今晚未夠8時，路過見冇乜人就入去幫襯下。餐牌本身已經唔算多選擇，仲要有好多野都沽清 - 窩蛋牛肉飯沽清、鵪鶉蛋燒賣沽清，唯有轉章魚肉餅飯同普通燒賣 (冇幾耐已經聽到連章魚肉餅飯同普通燒賣都沽清埋)。章魚肉餅飯正常，小鹹，但啲飯硬。燒賣啲皮淋哂散哂。另外要左鮮茄火腿通，配滑蛋餐肉，多士。鮮茄火腿通唔錯，好夠熱，份量同味道都正常。滑蛋係凍既，唔知係咪冷盤。多士真係要特別講，咬左勁耐先咬得爛，香口膠咁，應該係牛油搽左太耐成塊包淋哂咬唔爛… 最正常係杯熱華田 ;)服務態度都冇乜，沽清左既食物一啲歉意都冇，仲要等好耐先有人收錢，明明間店都唔多人。附近咁多食肆競爭好大，希望可以做好啲。

聽人講好食，就諗住過黎見識下，誰不知個體驗真係“完美”味道一般，唔算突出，仲有多少味精感燒賣其實好正常港式點心店果類既量化雪藏野，意料中事下，並無投訴。而且價格跟外邊點心舖相近 (HKD 17)，所以無投訴吧常餐前文所講，就係想試佢，所以先點多士唔算厚，不過醬夠味，而且整得夠脆，真心幾好火腿係煎過既翻熱，唔係就咁焗熱，幾好 (我鐘意)炒蛋味道及口感只屬一般不過最極致既體驗，原來係佢個炒蛋有條毛髮😫😫😫薑絲牛肉通，薑味唔夠出，牛肉都略為粗糙，口感一般凍檸茶冰夠多

這間民華響屯門開業幾個月，一直處於試業狀態，而服務同食物質素亦符合試業二字:服務員唔熟悉餐廳流程，上菜速度慢，完全唔符合一般茶餐廳水準，食物質素亦飄忽。但隔左一個月再去，近幾次食物質素終於keep到一定水平，炒蛋keep到蛋香，亦都夠滑，其他食物都唔錯。而服務員亦有禮貌同埋快手左

叫左個滋味常餐 $41火腿通粉 配香腸炒蛋 凍檸茶(Ham with macaroni in soup, scrambled egg with sausage)湯底夠濃，蛋夠滑😬選左我最鍾意的厚底多士多士三文治 french Toast $20因為鍾意多士，另外加多個多士三文治，選左練奶再加牛油，多士又夠厚燒賣 （pork & Shrimp Dumplings) $17鵪鶉蛋燒賣 （pork & Quail’s Egg Dumpling) $17蒸飯套餐 飯+咖啡/茶 $35鹹蛋肉餅飯 Steamed rice with minced Pork & staled egg煎蛋牛肉飯 (steam rice with minced beef & fried Egg)

下午茶時間要揾一間又有西餐廳加中餐廳既餐廳原來唔係難事常餐 $41火腿通、腿蛋、炒蛋加多士 ，飲品印象最深刻係份多士民華既面包非常鬆軟 有彈性夾埋份炒蛋一齊食 非常一流當我食通粉常餐既時候老公就話要盅頭飯同點心正常要分兩間店舖才可以滿足我地既要求而家一間過搞掂哂滑蛋牛肉飯蛋可選擇太陽蛋或菏包蛋飯蒸得剛剛好唔太林亦不太硬牛肉有牛肉味最緊要係太陽蛋蛋黃唔加鼔油 用蛋黃撈飯蛋味十足除盅頭飯當然仲要叫多個點心一碟四粒好抵食哦

新開的茶餐廳，今天就試一試早餐。雪菜肉絲米粉，炒蛋，腸仔，多士。湯底都不錯，米粉都幼身，湯不會過鹹。炒蛋嫩滑，加上剛烤好的多士，厚多士很有口感，外脆內軟，加上溶化的牛油，剛剛好。

記得年前到東涌逛街時，朋友帶筆者到了「民華餐廳」的東涌分店醫肚，其中對它的鮮茄通粉非常難忘。後來發現「民華餐廳」在筆者家住的屯門區也開了分店，今天便和家人一起來吃一餐。筆者當然是選回鮮茄湯底的通粉了，順帶一提，通粉可以轉為麵或米粉。鮮茄湯底味道濃郁。質感頗稠，感覺是用了不少蕃茄膏所致，但還是有吃到鮮茄粒的。通粉煮得剛剛好，入口不會太腍太碎，配以鮮茄湯底頗為滋味。炒蛋入口香滑，不知煮餐是否有下鮮奶，好像吃到了一點牛奶香。餐桌旁的一幅小海報更寫著炒蛋跟鮮茄湯底一起吃會更美味呢。烘多士烤得香脆，方包非常軟熟。外脆內軟的麵包再加上牛油香，令筆者家人對其讚口不絕。「民華餐廳」的餐牌寫明點心是每天新鮮製造，每顆燒賣上還放有杞子作點綴。燒賣內包含了豬肉跟蝦肉，啖啖肉又頗為鮮香。想不到可以在中式酒樓以外的地方找到好吃的點心。41元的常餐份量足料，家人吃過後均大讚物超所值，可以再encore。

呢間餐廳好特別，餐廳只有常餐同點心，我地係年三十既晚上，就黎左試試通粉口感不錯，份量好多，媽咪非常鍾意食仲有清甜既蕃茄湯底選擇炒蛋嫩滑，仲有隻煎得好靚既太陽蛋添糯米雞正常份量，沒有太黏嘅感覺，而糯米都夠煙靭，材料亦都夠足料，分別有雞，鵪鶉蛋，叉燒等鵪鶉蛋燒賣嘅賣相唔錯，有層好薄嘅皮包住，豬肉味道OK，而鵪鶉蛋好香，好有蛋味鮮竹卷一份有3條，外層腐皮沒有太多嘅芡汁，入面包住西芹、蘿蔔絲、木耳同埋豬肉餡，西芹味幾突出，咬嘅時候有少許嚼感，整體味道都不錯

和老婆食晚餐，我們來到這間新開的餐廳。晚市時段有常餐供應，有湯麵，蛋及多士。此外，還有點心供應，選擇多元化。我點了一個常餐，老婆點了一個盅頭飯，再加一些點心。餐肉炒蛋配多士炒蛋很滑口且有蛋味，值得推介。餐肉煎得香口，多士厚切又香脆。沙嗲牛肉公仔麵公仔麵軟硬適中，沙嗲味香濃。鳳爪排骨飯一貫傳統酒樓的風味，鳳爪尤其出色，老婆很滿意。燒賣有隻隻鮮蝦置頂，非常鮮甜雞札有雞肉，豬皮，用腐皮包著，足料又新鮮。牛肉球大大件而牛肉味突出。西多士新鮮即炸，花生及煉奶味突出。鴛鴦奶茶與咖啡味道調配得恰到好處，為我們這個晚餐劃上完美的句號。

今日年三十晚，附近好多嘢食都開始加價，跟住黎到民華餐廳門口，見冇加價於是就入黎食，呢度嘢食唔算多選擇，都係主打通粉，蒸飯同埋啲中式點心點心款式唔算多，但係勝在平時茶樓食開嘅呢度都有，而且價錢一D 都唔貴雞札好足料，入面有魚肚，雞肉，竽頭，火腿，同普遍茶樓分別不大鵪鶉蛋燒賣鮮茄叉燒通粉，蕃茄湯好濃，而且叉燒一d都唔韌炸菜肉絲通粉由於年三十晚關係，好多材料都已經賣晒，連多士都唔例外，所以就將多士換做一款材料比我地，我做簡左太陽蛋，煎得好靚呀

行開呢頭，求求其搵啲野食，行過民華見有常餐又幾好喎，間中想食下簡單野。店不大，但夠光猛感覺幾乾淨，店員同廚房都忙得團團轉。鹹魚肉餅飯（$25）老媽子點了一個盅頭飯，上枱時熱辣辣。加啲豉油靚仔哂肉餅勁厚口感十足，飯一粒粒的無蒸爛，加埋甜豉油幾好味。常餐（$41）要左餐肉炒蛋，餐肉唔係得粉頭，幾好味。個炒蛋好得，夠嫩滑。配牛油多士，厚麵包多牛油，做到外脆內軟，烘完都無硬實實。仲有鮮牛蕃茄通粉，大大碗㗎。湯底好有茄味，酸酸地幾對胃，牛肉嫩滑份量多，好食。雞札（$18）再加左一碟點心，而加仲有豬肚嘅雞札買少見少啦，啖啖肉幾正。奶醬多（$26）想食甜野就加多份奶醬多，同樣是厚多士，甜甜地好正。熱奶茶（+$10）熱奶茶夠香滑，用上煉奶來沖，茶走？超勁熱正呀，最鍾意熱奶茶夠熱呀。凍奶茶（+$3）仲叫左凍奶茶，同樣都係煉奶沖泡的，甜甜地正。出品快，價錢合理，想食常餐或者蒸飯的好選擇。

七點鐘餓啦，要搵地方食嘢，呢間茶餐廳門口幾靚仔幾企理，就呢間啦。睇吓有咩好食先，呢度竟然有盅頭飯同點心。北菇雞飯，雞件幾滑，盅頭飯有雞味，唔錯！鵪鶉蛋燒賣，我好鍾意，而家酒樓都未必有得食。秘製金錢肚，金錢肚爽口彈牙，微微辣，好食。番茄牛肉通粉，紅紅嘅湯底，好濃嘅蕃茄味，真係食到有蕃茄。配火腿炒蛋烤多士，炒蛋炒得好滑，多士又香又脆，仲可以加兩蚊有花生醬，果占同煉奶。跟餐加錢可以轉特飲，有熱柚子蜜，同檸樂煲薑。