梅之味 (麗都大廈) (已結業)

香港人去台灣去到好似番家鄉咁, 飛過去又近 物價指數又低過香港 所以係好抵玩。以前我一年都會飛幾次台灣, 但依家冇得飛冇計啦! 咪唯有食下台灣思下故鄉情咁囉 第一次食梅之味, 有幾個職員係用普通話落單, 原來佢地真係台灣飛過黎架! 所以未食個餐我已經估到 手「嗯, 依間野應該幾正宗既」果然不出我所料, 米粉真係正宗新竹米粉, 好幼身既. 同平時街外食既米粉係唔同架! 佢個炸雞排都好好味, 夠哂熱又夠新鮮。跟珍珠奶茶要另外加錢既, 咁當然乜都要試下啦! 叫左珍珠奶茶少甜。事關香港實在有太多太多有質素既台式飲品專門店, 依間野的珍珠奶茶真係比下去。飲得出係用粉沖出黎! 下次我一定唔加啦

而家開始多左同朋友夜晚食飯聚會，我地個個都好耐無見，我地就約左去食台灣菜~皮蛋豆腐涼拌皮蛋豆腐岩哂而家熱辣辣嘅天氣食，開胃又消暑，豆腐有好濃郁嘅豆味，加埋皮蛋，味道豐富又好味! 擔擔麵配香炸雞扒雞扒係即叫即炸，擔擔麵有香濃嘅花生味，食慾大增~ 入口仲有微微香辣味，而麵質好滑好順口。配上香炸雞扒真係一絕，我就鍾意啲雞扒浸上擔擔麵湯底，惹味十足，所以話擔擔麵係必食架~左宗棠雞食落會有少少辣，加埋鹹鹹甜甜，味道層次非常豐富，呢道菜送飯一流!!! 雞球香炸後再上醬汁，雞球KEEP住肉質嫩滑，極多肉汁。珍珠奶茶同凍豆漿我就叫左杯熱珍珠奶茶，好滑好香茶味，珍珠軟淋淋，好煙韌，味道唔會好甜，好易入口好順滑。食到好飽好滿足，每款都好好食，下次再帶朋友黎食先~

因為太耐冇見啦，仲要限聚令，搞到我地3個人都食吾到飯所以叫左個外賣去朋友到食，而家都真係慣左外賣食～食左一個滷肉飯，櫻花蝦炒飯，鹽酥雞，台式香腸，牛肉撈麵。每間台式餐廳都會嗌嘅滷肉飯鹽酥雞同台式香腸都不過不失！但係個牛肉撈麵就好失望麵條黐埋一舊！個味道仲好奇怪，可能係我唔鍾意呢個味啦！佢啲飯係好大盒嘅，四個人就食唔晒！！！每個人$100鬆啲，都叫做貴嘅台灣嘢食！我諗下次唔會再嗌佢嘅面囉！！！！！

星期六要到灣仔上堂落堂後男朋友過來接我 再一起去吃飯突然想吃台灣菜的我們上網找了找找到了這一間 — 梅之味 便決定試一試簡約裝修 環境舒適食物選擇多元化 樣樣都好吸引呀水煮魚(小辣)有小、中和大辣可以選不太吃得辣的我們選了小辣湯底味道麻麻辣辣 加上芽菜、芫荽等作調味整體味道多層次 又香又好味魚肉大大一片 份量很多 很足料還有薯粉 滑滑彈牙沾滿湯汁好過癮台式炒米粉幼如絲的正宗台灣米粉加了蝦米、香菇、紅蘿蔔、菜和豬肉等一起炒吃下去很香口好味道 和男朋友都好喜歡冬瓜檸檬夏日炎炎最適合選擇冬瓜檸檬甜甜的又清新 解渴之選幸福團圓最後點了一碗作結滑嫩嘅仙草 綿密嘅紅豆 彈牙的芋圓還有粒粒珍珠和原條芋頭 好充料不會太甜好味道 大滿足呀

好耐冇食過台灣野啦，星期六去左灣仔1間新開嘅餐廳ff下自己去左台灣😂😂平時我食台灣野多數都食面，今次試下新食法。二人行，叫左櫻花蝦炒高麗菜，三杯雞，紅米飯。飲品叫左珍珠奶茶同埋凍檸檬茶。都幾好食，上菜速度快，但每樣食物都係即叫即整，熱辣辣，幾好味！兩樣主菜都好好送飯！而且份量都唔細，櫻花蝦炒高麗菜88蚊，三杯雞128蚊，幾抵食！講下個高麗菜先，佢好大碟，加左櫻花蝦去炒後好惹味，但又唔會好咸，菜炒得剛剛好，唔會仲係生嘅。三杯雞好正，都係好惹味。雞冇雪味同腥味，加左醬汁同香料去煮，好好送飯！總共都有成十件雞😂😂😂熱珍珠奶茶少甜，入囗香滑，奶味香濃，珍珠數量滿足到珍珠控嘅我，煙煙unun，幾好味。當日叫嘅野其實3個女仔都夠食嘅，我兩個人食就有啲飽😂😂

上一次嚟灣仔食咗蘭度小籠包，見到隔離有間叫梅之嘅台灣菜，好有興趣試吓，於是我哋今日收工之後又嚟到灣仔覓食。雖然係夜晚，但係又焗又熱，一坐低梗係叫杯仙草奶茶驅暑先啦！茶香奶香都好明顯，但係又唔會互相搶味，甜度適中，配埋QQ彈彈嘅仙草，真係一流。首先嚟嘅係乾煸四季豆，睇吓佢大大碟，份量好足，而且真係菜如其名，又乾又扁，加埋啲肉碎，要來送飯真係一流。之後嚟嘅係三杯雞，用煲仔上菜，鑊氣十足，啲雞都好嫩好靚，非常入味，仲要一讚嘅就係黑色嗰舊應該係糯米，好煙韌，甜甜地，同三杯雞又出奇地夾。最後我同朋友叫多咗個紅燒牛肉麵share，麵質比較偏腍，我自己鍾意有𡁻口啲，但係朋友覺得OK，牛肉味道都好好，首先好有牛肉味，再嚟就真係好腍佢呢度除咗單叫，仲有晚市套餐，下次都可以試吓

真係咁岩，又係附近收工....所以又可以搵下野食~上次係隔離食完...見到呢間都好似係新開....就佢喇....入去坐但6點9.....可能仲早...真係一個人都冇...想偷睇下其他人食咩都唔得...咁就叫喇.....諗住小小叫...一個小食一個湯一個主食一杯野飲...唔會食唔曬掛...點知就出事.....一開始個皮蛋豆腐都好正常.....唔算好多...同埋我鐘意佢的皮蛋切到一粒粒...咁樣野唔會食到成口都係...佢個汁都真係台式....甜口醬油加小小醬油糕....豆腐都夠凍....所以合格有餘~第二個係香茜魚羹....一上台...心知不妙....好大碗....最後飲曬係足足有5飯碗咁多.....仲要碗野係超級多料......真係嚇一跳...味道係好食既....因為莞茜好多....岩曬我口味.....同埋佢好好咁有配埋黑醋.....真係台式先會係咁.....再黎就係台式酸菜魚...雖然我未係台灣食過酸菜魚，但我估全世界的應該都差唔多吧...但又係一碗超級大碗......大碗到最後我竟然食唔曬...魚係迎鮮的魚....但唔係平時食開好滑的魚...但佢收咁既價錢俾咁大碗...算係咁嫁喇..

今次又係信openrice嘅推介，今次到灣仔搵台灣菜食～呢度雖然鋪面唔大，但係枱同枱之間都會有隔板，而且唔會身貼身。佢仲有提供酒精搓手液，所以我都唔太擔心會中招。左計右計，因為唔太肚餓，所以冇叫二人餐。佢嘅飲品以餐廳黎講都唔算貴，同埋都有好多選擇。左邊係炭培烏龍奶茶，右邊係普通嘅珍珠奶茶。我覺得炭培烏龍嘅茶味好自然，幾順口，而且揀左少糖，甜度岩岩好。呢個係三杯雞，一上枱非常之熱辣辣，仲好香。見倒佢好有心去做，因為個煲都係熱嘅，食得慢都唔怕。佢嘅雞肉俾得好多，而且好厚肉，係靚雞黎嘅仲有幾件米糕，更容易飽肚呢個係XO醬炒三寶三寶分別係茄子、苦瓜同四季豆。茄子十分之好食，應該係炸過之後再炒，好香好淋！呢個肉燥飯我真係大大力推介，做得十分認真十分出色。雖然跟餐都要加$15, 但佢係絕對絕對值呢個價！佢俾好多肉燥，肉都煮到好夠火候，真·入口即溶。調味仲係好濃郁好正宗台灣味，食到我好感動，真係好掛住台灣！

我呢排因為疫情冇得去旅行，原本呢個時間應該去咗台灣去玩，不過冇辦法啦，唯有喺香港搵啲地道嘅台灣菜式。我同女朋友喺港島嗰邊收工，就上網搵到呢間餐廳，入到去都幾乾淨企理，人唔算好多，所以我哋都食得特別放心。蚵仔酥逐粒逐粒炸，非常脆，好有台灣地道炸物嘅風味。肉燥飯都幾大碗，有肥肉有瘦肉，食落都幾有台灣嘅特色，唔會太鹹亦都唔會話冇乜味。擔擔面我個人認為都唔係話好有咩特別風味，不過不失啦。而我最推介嘅就係佢哋嘅招牌菜，左宗棠雞，我之前真係未食過左宗棠雞，以為台灣只係出名三杯雞。左宗棠雞食落酸酸甜甜，而且有啲辣，嗰話調味好特別，我個人都幾鐘意，而且啲雞有炸過，亦加左一重口感。至於佢哋嘅飲品紅豆奶茶，我自己比較鍾意紅豆，飲落去都係好有台灣嘅味道，我個人就幾鍾意，不過唔飲得太甜嘅話記得叫少甜。

走在繁華灣仔一帶， 來到灣仔街尾金鐘頭的蘭杜街，看見這間餐廳用磨砂玻璃趟門，若隱若現， 充滿好奇就走進來試試，簡簡單單點了一個晚市套餐，一碗麵配一個小食，已經好滿足。宮廷醬茄子好食 上面灑了一些芫茜，紅椒粒，香蔥，他的醬汁比較酸甜， 這個醬汁跟茄子十分配合， 讓人一試難忘， 天時熱食瓜好過食菜 特別一讚是他們保留茄子紫色的外表，一口一條剛剛好。這個炸雞扒有道地的台灣感覺。雞扒炸得好清脆，還保留肉汁，旁邊的是辣醬，喜歡吃辣的可以點一下 。喜歡他的炸漿，不會油淋淋， 薄薄的包住雞扒，上面灑了少少椒鹽粉，不多不少，輕輕調味一下，正。炸醬麵，第一個感覺太多湯了，但吃下去又覺得不錯，可能因為他的湯底好重花生味，如果 弄得太杰身的話， 會將住喉嚨不舒服。 湯水上面還有一些櫻花蝦，麵質煙煙韌韌，份量足夠，非常好味。點套餐會送烏龍茶或者綠茶，我點了一杯綠茶沖沖炸雞扒的油膩。喜歡小店剛剛淨淨都是木櫈木椅，配上白色的牆身，感覺明亮，這間小店又是一個美好新發現，感恩可以在香港一嚐台灣味道。滿分為10分(1分最低，10分最高)食物：8.5環境：8.5衛生：8.5服務：8.5價錢: 8舒適度：8.5總分：8.5

啱啱趕完個大project , 約幾個同事一齊食個Lunch , 本身諗住來呢邊食個蝦麵or吔塊雞扒，但係人多到顛，所以唯有見無乜人等，唔使點等就入啦！估唔到就誤打誤撞食到好嘢Lucky~~🤣🤣✌🏻✌🏻✌🏻睇到個店名，開頭仲以為係食日本嘢，點知原來係食台灣嘢。。店面細細，等左一張枱就入得，本身個心都有啲擔心，覺得做乜得呢度無乜人等位，但係睇餐牌又感覺okay wo , 好似幾唔錯同價錢唔係太貴。🤣🤣一睇餐牌，唔使諗，雞扒擔擔麵呀唔該 （對擔擔面0抗體的人類😝😝）， 快手上菜，個擔擔麵醬好香，有蝦乾，但少左啲花生味，唔知係咪台式擔擔麵醬，麵係幼身既，都夠滑，個醬唔係好杰，但都掛到，食晒成碗都唔係太漏，我覺得幾唔錯，再來係個雞扒，分開上既同麵，好酥脆，唔厚粉，雞肉仲好嫩，仲好細心切左條外，仲中間切左一半，但老實我覺得擔擔麵同雞扒唔係好夾，叫做散叫多塊雞扒咁嘅感覺，分開食，感覺好好，用雞扒點擔擔麵醬，漏左。🤣🤣🤣🤣 不過總括係幾好食嘅。✌🏻✌🏻😊😊個set 仲送綠茶🍵，普通啦，茶一杯。我覺得要為佢平反囉，咁少人排，係好食嘛 （內心小劇場：但又怕下次等唔到位🤣🤣) 我會再食囉。👍🏻👍🏻

今日去到灣仔修頓球場睇波 諗住去周圍睇吓有咩好食行過左幾條街見到呢度有勁多唔錯嘅餐廳仲有一間新開嘅台式餐廳😙左宗棠雞$118 🍗酸酸甜甜有啲似咕嚕雞球 雞肉都幾多可以補充下蛋白質 仲要辣辣地用嚟送飯都幾開胃㗎櫻花蝦炒飯$82🍛見到呢度主打台式嘢食但係有一個幾特別平時台灣餐廳見唔到嘅炒飯所以就叫試吓啦 櫻花蝦其實就係一隻隻細細隻嘅蝦乾 加埋炒飯蝦嘅香味入晒去 都幾特別又開胃台灣餐廳點可以唔試吓佢哋嘅台式飲品炭焙烏龍奶茶$28🥤下面係濃濃嘅烏龍奶茶上面就係芝士奶蓋 飲落去都幾開胃好快就成杯飲晒香芋奶綠珍珠$32🥛🥤係我最愛嘅芋頭奶茶 珍珠質地加埋芋頭嘅咬口 成杯野層次即刻豐富咗好多總括嚟講灣仔間台式餐廳嘢食都幾新穎特別而且份量都OK大加上灣仔附近有冇咩台灣野好食都值得一試㗎

無得去台灣旅行 只好食台灣菜一解思鄉之情多謝朋友介紹CP值超高既「梅之味」餐廳選擇多好多嘅 有好多款式既小菜天氣熱 點少得食涼伴一眼就好想揀「宮庭醬茄子」實物完全無失望 份量多 可以當食左一碟菜既份量 然後我最欣賞個醬汁 同茄子配合得好好 茄子肉身好軟 台灣菜點少得三杯雞 見到每一台客人必定會叫三杯雞 所以我哋兩個都想試吓到枱上好熱好熱 仲見到啲汁發出「之之」聲最驚喜係個內有平時好難搵到嘅米糕 依依unun店員都好細心提我地小心鍋邊好熱我本人係櫻花蝦愛好者 所以必定會想試吓櫻花蝦炒飯 份量絕對足夠3-4人份量 整碗飯鋪滿櫻花蝦 而且飯炒得好乾身 好正！我點左凍珍珠奶茶 最驚喜係珍珠有別於平時見到黑珍珠 而係用左透明珍珠 視覺上效果都好特別而且佢茶身好香 絕對值得一試呀！如果多人去既 絕對推介大家點套餐 套餐餐牌都好細心 有中英對照適合唔同國籍嘅人 整體呢間餐廳都店員都好好禮貌 好細心

灣仔嘅橫街小巷，隱藏著很多美食小店。 今日行過蘭杜街，見到新開餐廳 梅之味。佢主打台灣地道美食，無去台灣旅行咁耐，我好掛住佢哋嘅美食，今晚一於去試下！台式香腸正宗台式香腸切片 加蒜片簡單地道招式 味道香濃 喜歡佢 鹹中帶甜 軟熟唔硬身!蚵仔酥初頭以為是類似潮式一餅的蚵仔煎。蚵仔酥是一粒粒蠔仔醮粉脆炸。這種做法少了炸漿粉，一口一粒方便進食。 三杯雞用瓦煲上碟熱辣辣，肉香撲鼻，帶有淡淡酒香。雞肉鮮甜嫩滑，配料仲有豬血糕煙韌軟熟，醬汁調味濃郁惹味，拌飯一流！胚芽奶茶食台灣嘢一定唔少得珍珠奶茶 今日 就揀咗胚芽奶茶，幼滑順口厚身有奶香， 胚芽麥味香濃，豐富口感！全店不收加一，價錢都幾經濟實惠。

約咗朋友放工食飯，朋友話想食台灣野，搵到呢間係真係台灣人開嘅台式小店，鋪頭細細，裝修都好台灣風味。嗌咗一個三杯雞，菜甫炒蛋，牛肉麵，滷肉飯，再加多個珍珠奶茶。-三杯雞熱辣辣用煲仔上枱，好香九層塔味，好少見三杯雞會加埋米血膏入去煮，好有特色，呢個三杯雞送飯一流呀！牛肉麵相當唔錯，麵條好彈牙，牛肉鬆軟大嚿，好林，湯底好濃郁。誠意推介菜甫炒蛋，係家常小菜嘅風味！菜甫粒，再加埋香蔥，入口有層次。食台灣野點少得珍珠奶茶，最近減肥，所以專程叫咗極少甜，奶味好香濃！珍珠有兩款，都好Q彈！