明發小食

營業中

休息中

第一次寫評語，因為真心覺得此店值得一試！最重要係用心經營和真材實料煮給客人！儘管位置上有點難找，因為在街市附近及排檔後面，但係無論餃子、醬爆肉上海麵、豆漿及豆腐花都很出色，特別係魚翅魚肉的口感，食得出其小店獨有的味道！

話說2005年 因在深水埗工作關係第一次來到明發舊店當時同事帶我到這間店午飯點了醬爆肉飯 煎鴛鴦餃 檸檬水就是這次讓我深深迷上了事隔十多年 很久已不再在深水埗區工作這十幾年閒時經過這區都定必回來明發轉眼間 店鋪也搬後了幾個鋪位新淨了 坐也舒服很多這碗我最愛的醬爆肉飯(一定要走汁)就由$17食到而家$33😂😂😂醬爆肉味道濃郁 野味 試過飯有汁 頓時失色了所以我去一定一定要走汁食 一啖肉連埋乾身既白飯食 就最一流👍🏻👍🏻👍🏻亦曾經試過配麵 都是太濕 突出唔到個醬爆肉味煎餃 以前舊鋪成日見到個婆婆係度包餃子阿仔就在廚房煮家姐就樓面幫客人點菜 有時又去包下餃餃子是非常薄皮 可選煎或湯 我愛香脆口 所以令次都選煎雙拼有椰菜餃同韮菜餃 本身餡料清淡 沒有過多調味 再讓客人可自行配上泰式辣醬or辣椒油 醋 等等檸檬水 是很濃郁的 不是很淡很淡混很多水的那款豆腐花 就算凍食都仍然很滑溜 豆味夠～

呢間舖頭嘅碗仔翅真係一流👍👍特別係啲菜脯，好辣但會上癮兩溝夠熱夠魚肉，加埋菜脯真係幾好味！另外佢地嘅招牌餃子🥟，菜肉餃，食落都唔錯，值得一試，記得加醬。豆腐花都ok，普普通通

N年前在深水埗工作時經常會來明發幫襯, 後來轉工後也會間中來嚐一頓。知道明發搬新鋪後一直都未曾到訪, 終於今天抽空過來一趟新鋪外觀比以前"企理"多了, 起碼有扇玻璃門, 以前舊鋪在夏天只是用透明膠門廉檔著以防冷氣流失。後來我更發現原來現在明發有分店了呢。我們來明發最愛之一的醬爆肉飯, 一堆半煎炒過的豬肉片放左飯上, 濃味之餘又香又脆, 十分下飯。而且一定要加辣菜甫加辣菜甫加辣菜甫(很重要, 所以說3次!!!) 他們自制的辣菜甫又香又脆又辣, 很受歡迎。辣菜甫配上醬爆肉飯一起吃, 超正然後來的是大兩溝, 滿滿一碗彈牙魚肉配上辣菜甫也是一絕碗仔翅也是不錯的~煎鴛鴦餃也是我們必點之一，金黄色的餃子由包滿椰菜餡或韭菜餡的餃子生煎而成，外脆內爽，因為有大量蔬菜所以不會覺得太膩餃子是這裡最暢銷的食品呢，你經常可以見到店員坐在一角密密手包著餃子。除此以外，記得要留肚吃滑喐喐又充滿豆香的豆腐花呀。雖然現在還是挺不錯，但感覺之前更好味呢。下次再來試真D吧

每次去深水埗揾食，必定諗起”明發金牌魚肉湯碗仔翅豆腐花”呢個舊舖嘅招牌!早係舊舖時已經開始幫襯，坐喺舊舖入面食係另有風味㗎!又係度想當年。。。而家搬咗去同一條街隔幾個舖位嘅新舖，裝修亮麗咗舖面積細咗座位狹窄咗，但餃子依然係最好味嘅!由於超肚餓，一坐底叫咗碗大“兩溝”!魚肉碗仔翅碗仔翅好多地方都有，不過都做唔到細個食果種味道，呢度就可以揾到比較接近嘅味道!魚肉雖然不是最好食但起碼唔係粉頭!碗仔翅冇勁多豆粉又唔會水汪汪!如果加d冬菇絲會仲香!醬爆肉上海麵上次食醬爆肉飯好好味，但配湯麵就唔多掂!事關醬爆肉放湯食沖淡個味，仲釋放晒d油落個湯度，成件事錯晒!鴛鴦湯餃(椰菜餃拼韮菜餃)呢兩款餃子真係好好味!皮薄大細又適中，椰菜餃入面有冬菇，韮菜餃入面有沙葛同蝦米，食落去感覺好fresh!配埋超勁辣菜甫食，簡直一絕!鮮檸檬水通常食完辣菜甫都會叫杯鮮檸檬水嚟止下辣，唔算太甜，有少少檸檬嘅苦澀味。

今天與媽媽逛深水埗佢帶咗我去一間佢之前食過覺得幾好味嘅小店-醬爆飯.豬肉煎得香脆 入味內有秘製醬汁加上白飯 撈飯食一流睇落平平無奇 但出奇地好食-鴛鴦餃.椰菜餃-內有冬菇韭菜餃-內有沙角 蝦米共有10粒配料爽口 不錯-.凍鮮檸水好清新 涼快-.新店環境亦好乾淨整潔

今日去開深水埗做野，專登搵啲餃子舖頭試食，OpenRice 見「明發」一於「食」。叫咗鴛鴦餃（椰菜/九菜）（淨食），湯底偏鹹，九菜餃內有蝦米及沙角但偏鹹，椰菜餃有冬菇粒好爽口。

今日去開深水埗買電腦配件，經同行朋友介紹下，去明發茶室吃餃子， 椰菜餃和韭菜餃，個椰菜餃價錢相宜，三十蚊有十粒，我試了一碗韮菜餃，一碗椰菜餃，一咬我立刻精神一振，怎麼這個餃子可以做得這麼爽脆 平時吃椰菜餃 都會吃到鮮甜，但沒有這強烈的爽爽脆感，真的嘆為觀止韭菜餃也不錯，很好吃我那天到步是晚上七點半，本來想試埋煎餃，但這餐廳是收八點的，所以已收爐，吃不到煎餃吃完這兩碗餃子後，我各樣也分別買了一打回家，還有，在店內有自製的辣菜脯，好吃到不得了 反而碗仔翅我就覺得麻麻哋了仲有自製檸檬水，也做得不錯，值得强力推介的小店，價廉物美

5点幾，晚饭未到但有点餓，諗住食D小食醫下肚，行下行下入了此黒店。食物—般，但這都不打緊，最黑人憎係服务態度，侍應唔應人，黑口黑面，去厠所兜大圈，仲要比洗碗阿姐閙，可能我不是明星，所以零招呼，勁黑面！

從大台的電視節目得知這小店，這是新店，是在舊店的街尾，食物一樣，入内從牆上的排介已能選定，選了一個牛腩飯，牛腩彈牙，飯軟綿綿，第二叫了醬爆肉麵，因是招牌，D肉果然香口同時叫了生菜魚肉和餃子，全也好好味，還叫了一杯豆漿，有豆味入口甜味剛剛好，最後叫了個豆腐花，超美味。