文記車仔麵 (福榮街)

營業中

休息中

Queued for 30mins until I was able to order, went for beef brisket, pigs ears, chicken wings and tofu skin.Given the long queue and michelin guide ratings I expected more, paid close to $80 so wouldn’t say it was cheap either.Was a very average bowl of noodles, chicken wings were pretty decent- strong flavour, but felt everything else was average.

文記車仔麵 真係無得輸!點解可以連外賣都咁好食每次去都係要排隊先食到不過其實咁多人來講 都算快手今次10幾分鐘就有得食湯底一定要揀瑞士汁，雞翅，豬腸，通菜，同牛柏葉。每次都係必點！

依間嘢長期都多人排隊，同一條街有4間分店就知佢有幾好食🤣今次無叫車仔麵，叫咗其他試試佢😗如果食車仔麵大推佢嘅大腸同魷魚喔🤘🏻酸辣粉🍜 💰32 ❤️‍🔥9/10分🎀Foodpanda外賣💰41唔知自己落單有冇得自選麻、辣、酸嘅程度，喺app入面係可以嘅〰️我就揀咗走麻，微辣，多酸😝好多芫茜，正💥薯粉夠煙韌😋花生同肉碎都好香，酸菜夠酸，又爽口🤤湯底都好酸，辣度對我依啲食kfc脆辣雞係極限嘅人嚟講啱啱好🤩⚜️整體性價比 8/10分如果係自己買嘅話會有8.5分，32蚊已經少少貴，因為無餸得配料（肉碎對我嚟講唔係餸），41蚊就不了，唔係有男友俾錢唔會食嘅程度🤣（我真係好老實）

晚上宵夜時間仍然大排長龍，幸好朋友早到場排隊，才有機會一試。雞翼和大腸水準中上。西洋菜餃不過不失。以兩餸米線份量而論，定價合理。但雞翼定價稍貴。可以再食的一間店舖。

💛文記車仔麵·呢間我次次去深水埗都好想試 不過佢條龍實在太長 我地真係有少少驚 所以一路都無試🤣🤣今次夜晚放工黎呢邊買野見到佢個蛇餅得一排就決定食佢 雖然最後其實我地都等左20幾分鐘😂·招牌瑞士雞翼$15 l 美味酸齋$12 l 清甜蘿蔔$11 l 上湯花膠$15 l 玻璃辣魷魚$15 l 自製墨魚角$14 l 招牌自製韭菜餃$12因為佢所有餸係分開嗌嘅 加埋$11既麵底 所以都要$5x一碗車仔麵 所以都真係偏貴少少 不過佢配料嘅選擇係幾多既😈我自己覺得最有驚喜係佢個瑞士雞翼 佢呢個雞翼好大隻 煮都岩岩好 唔會話淋到霉曬 調味都唔會太鹹🐤之後個酸齋都好味 佢係索晒湯 質感好好🤤🤤蘿蔔都好甜無渣 個花膠都好大塊 不過佢呢個就唔算炆到好透 而且佢係就咁煮既 所以本身無咩味 我自己覺得任你點既花膠好味啲🫢😂魷魚就正正常常啦 之後我哋本身以為墨魚角係好似魚角嘅墨魚版 但係原來佢好似魚皮餃咁嘅 所以我個人冇咁鍾意🤣最後嗰韭菜餃就真係少少失望啦 佢呢個唔算好飽滿 而且個餡都無咩特別 食落比較普通🙈·#rbyeat#rby港式#rby💛#rby深水埗·📍深水埗福榮街121號地下📍深水埗福榮街123號

呢間車仔麵真係好誇張，好受歡迎。由一間開開下變咗一條街有成四間🫢不過車仔麵黎講，佢的確好好味😋基本上每一個餸都係有用心製造，唔係白烚。係呢度，你可以係APP任選湯底，粉面及餸菜，直接係APP付款。(得一間可以俾現金）我就叫咗幾個餸配米線。咖喱魷魚：用咗咖喱汁煮，煮到入晒味陳皮魚蛋：好重陳皮味，魚蛋軟硬適中豬油渣：味道香脆濃郁羅白：清甜，冇渣湯底：我揀咗瑞士汁&加辣，所以係甜甜地帶香辣飲品：甘蔗汁，非常清甜！如果想再食得濃味d，佢有大量調味料提供！ 仲有佢自家製嘅辣菜脯唔可以錯過 😁我自己就encore 咗好多次，我有朋友離開香港多年後回港第一時間都要食佢！ 可想而知佢既魅力有幾大 🤭

去開深水埗，一定要試試文記車仔麵，長期都見到有人排隊，不過就好快手，大約5分鍾就排到我。今次叫左玻璃魷魚，蘿蔔，韭菜餃最多人叫一定係玻璃魷魚，前面排個幾個都係有叫，份量多，魷魚彈牙，好味:）蘿蔔夠晒鮮甜，韭菜餃就一般般，佢地個秘製辣醬真係好惹味，令整個車仔麵味道昇華～覺得鍾意食辣既人一定要試試！

i wonder why this is so popular.i know the answer now, the high food quality.i hv heard this long time ago. man kee cart noodle.today sudden walk pass the area.looks at the stores around.u see 4 shop are in their same name.holy mother of god.no historical hk record can do this. managing the 4 store at the same street.they must have balls to do that.......same chef same kitchen, distrubute to 4 store manually. quality controlled. very nice.will be back.❤️ps, a little bit spicy.#food #likes #delici

都隔左好耐冇食車仔麵，次次來深水埗文記都必定排長龍，晚黑用男朋友都諗唔到食咩好，行到深水埗見到文記就說不如食文記啦，前面都有成二十人排緊。不過好彩都算快，等二十幾分鐘就可以輪到我地啦。好似上次一樣我就揀返蘿蔔，因為真係好軟好清甜，跟住就係陳皮魚蛋，好煙韌，好有陳皮味，次次去都必叫。而男朋友就揀左鳳爪同牛柏葉。昇華嘅就係加左佢嘅蘿蔔乾，真係一流，真係點食都唔厭。食完想再食。咁多人排隊係有道理嘅😋😋😋

約朋友去深水埗文記食車仔麵。鐘意文記每種材料都煮得非常入味，但就要預咗油膩，濃郁湯底加埋油麵，簡直係減肥嘅敵人。今次點咗魚條、蘿蔔、豬皮、豬紅、豬腸等，豬紅最好味，口感實在，蘿蔔魷魚都好入味，唯獨豬腸就過肥，少少遺憾。兩碗加埋150蚊，少貴。

搭地鐵咁啱經過深水埗附近，又有啲肚餓，突然間醒起有間車仔麵好出名，就落車去試下。間舖好易去，深水埗D2出口直行轉右就到。我8:10左右去到，出面有條人龍，等左大約20分鐘先排到我。佢嘅運作模式有啲奇怪，係要出面排隊買完比埋錢先坐底食。如果係夏天/落雨嘅話，見到人龍我真係唔會排隊😢。大大個menu，令你可以一路排隊一路諗食咩。我嗌左一個三餸麵($45)🍜同埋凍檸茶($10)。麵底：河粉($11)餸：金菇($11)，蘿蔔($11)，豬紅($12)車仔麵湯底好重要。送到黎即刻飲一啖湯先，有驚喜！蘿蔔好清甜，冇渣，下次會再嗌！金菇索哂啲湯再食，👍🏻。豬紅就普普通通，唔腥。河粉份量都唔小（對女仔黎講）。凍檸茶偏甜，建議嗌少甜。可能因為我只係嗌左3餸嘅關係，$45一個麵唔算貴，$55食到一個飽嘅晚餐真係好抵食，性價比都偏高，下次帶埋男朋友黎一齊試下其他餸先。

黎到深水埗點會唔食文記車仔麵😻今次叫左豬紅、蘿蔔、玻璃魷魚、西洋菜，埋單先60幾蚊，淨係食餸都食飽咗🤣蘿蔔最出色，夠晒鮮甜，喺凍凍地嘅天氣最岩食返舊暖胃🤭豬紅就略嫌鹹咗少少😮玻璃魷魚係推介之一，微辣夠爽口🦑西洋菜其實係見到前面嗰個人點，而且份量好多😂😂😂嚟到文記一定要加佢嘅秘製辣醬同埋菜脯！食到流鼻水都要繼續加😂雖然文記既食物質素一向都有返咁上下，不過真係好唔明點解佢而家係要先排隊落單，勁無效率，起碼都等咗半個鐘以上，如果平日收工一定唔會排隊黎食😮

文記車仔麵 - 深水埗今次去開深水埗買野，所以去食返個文記車仔麵，當日不是太多人排隊食，所以大約排左5分鐘就可以點餐，叫左兩碗麵7個餸再加左文記既秘製辣醬紫菜、玻璃辣魷魚、瑞士雞翼、韭菜餃、白蘿蔔、豬紅、牛腩、粗麵、幼麵$113每次去到文記必定會叫推介的玻璃辣魷魚、瑞士雞翼，玻璃魷魚的份量都相當多，而且每條都非常脆口彈牙，瑞士雞翼的味道都很濃郁大大隻。至於，豬紅同蘿蔔都很入味，紫菜都很爽口。但今次兩碗既麵既麵質，兩碗都煮得偏淋不夠彈牙，而且牛腩肉質比較實唔夠淋，韭菜餃都一般。不過，文記既秘製辣醬真係惹味，令整個車仔麵味道提升了不少，推介食到辣既朋友仔都加少少試下

我係一個好少寫食評既人，今日終於頂吾順，要打一打呢間好多人食文記，我今日入去食都冇食就走左，首先入去佢話手機落單，吾收現金，甘我落單，佢個手機落單勁吾清晰，問員工，佢地勁敷衍甘答完你走左，完全吾想做你生意吾想幫你，好似要救佢地甘，一點服務態度都沒冇，做得自助落單，就應該清楚一點，門面仲要有算多員工，重點我問左二個員工都係甘，我先無奈😮‍💨走左，我知你每日都好多人食，好多人排隊，但服務同安排真係好差，我吾會再去食

嚟到深水埗，大家最熟悉嘅一定係文記車仔麵。之前一路都唔知道平時大排長龍嗰間原來先係最好食，旁邊新開的兩間現在只能使用電子支付付款，所以決定花時間到第一間分店排隊。第一間嘅豬大腸最為驚喜，另外亦都叫咗香煎午餐肉，煎得又香又大塊，真是見到都流晒口水，另外這間的餸菜亦好像比其餘兩三間更為多選擇，我亦叫了西洋菜，雖然整體價錢為中價，叫了五個餸連一杯飲品，大概已經要$80 ，同外面的拉麵比，其實已經差不多，不過車仔麵始終為香港情懷美食，間唔中食一次半次亦會感到很滋味😋😋