敏華冰廳

營業中

休息中

叉燒炒蛋飯凍檸蜜等足二十分鐘冇影，講緊係計落單唔係計坐低，當時餐廳並未坐滿，終於同佢講太耐唔等啦走嘅時候得一句「7 B嘅單取消」⋯⋯並唔係同我講嘅。公平啲食物質素我唔知因為冇機會食，不過服務同態度嘅質素就肯定0分。我見到好多枱都投訴緊等咗好耐，對面個人早過我座低都只係喺我走嘅時候有碗羅宋湯，不過我都見到有一個人遲過我座但係有得食，佢應該係較為好運。我問自己係咪叉燒炒蛋好難煮？定係凍檸蜜太複雜？結論都係佢哋嘅運作好大問題。

叫咗兩個咖喱套餐，包飲品。過咗一陣，其中一杯飲品嚟咗，先飲；再過十分鐘，第一個咖喱飯到，但係服務員話唔夠咖喱，請另行order。我話我想食嘅另一樣嘢唔係套餐，但係飲品就嚟咗嘞，咁可以點呢，飲品會唔會收正價呢？服務員問一個高級啲嘅阿姐，阿姐話咁收番杯嘢飲，我話其實俾番你哋都冇賺格，都飲咗咯，就算未飲，你收咗唔通會俾另一個咩？阿姐話我唔知你飲咗呀，收咗唔會俾人啦！跟住篤住部機一邊自言自語話點解cancel唔到，一邊行咗去，都唔知究竟有冇落單。服務超惡劣。