愛文生

營業中

休息中

睇完MM介紹, 近排又想食大排檔,仲趁住要FAREWELL朋友移民, 就去左食愛文生喇。唔洗介紹大家都知佢係深水埗最出名既大排檔之一, 用火水爐，街邊炒爆小菜, 非常有風味, 係香港係買少見少。宜家好先進喇, 可以GULU APP 拎飛, 下午6點幾已經大把人食緊,都要排緊隊喇。我地一行8人6:30 等左一陣就有位🗨豉椒炒蜆 🗨黃金蝦 🗨避風塘虎蝦🗨小炒皇 🗨薯仔牛柳粒 🗨椒鹽豆腐🗨炸大腸 🗨金古菇粉絲肥牛煲 🗨椒鹽鮮魷🗨腐如炒通菜 🗨炸蠔🗨白飯 X 5? 🍻大啤酒X 10?唔逐個講, 係呢度要叫炒野比較有獲氣, 炸野類都好唔錯~~炸蠔比起出面食既有少少唔同, 粉會多D但炸得好脆, 一D都無炒既感覺。我推介黃金蝦同避風塘虎蝦, D 蝦粒粒都新鮮大隻,有肉地,食落好咬口。小炒皇食得出真係好有獲氣既。全部份量都好足, 一大把人去食大排檔就最開心, 因為可以喪叫同試唔同既款式, 大排檔又可以除時大聲大笑~爽皮!!

一直想打電話去訂位，但一直無人聽，試埋The Gulu 都係無反應！無計喇，唯有排隊食頭輪啦。四個人叫八個餸真係唔過份，凈食餸丫嘛。加左兩條單黎叫，都唔係等好耐，全程食左兩個鐘啦，完全無被人趕既感覺。唔想等位，真係要去食頭輪，如果唔係唔知要等幾耐。叫左小炒王，覺得海味唔夠啫。椒鹽九肚魚，以前食開既九肚魚咬落去有滑潺潺嘅感覺。但呢碟好乾身，卜卜脆。豉油王鵝腸，竟然覺得佢唔夠咸喎。鵝腸爽口既，夠晒多蔥。煲仔點都要叫既，叫左啫啫雞煲，d 雞唔會話得骨，豬肝切得薄，無乜彈牙感覺。配菜永遠係最正既。叫左避風塘炒蟹，一隻幾個分，有大隻同細隻㨂。夠晒辣呀頭輪都無晒蟶子，後尾先知佢細既賣晒，有大隻既。但聽到果陣已經太遲喇。叫左其他野咯。無蟶子就叫左蜆。豉椒炒蜆唔夠辣，硬係覺得呢d 要辣親個咀唇先過癮。最後加既兩碟又黎多個煲仔，今次啫啫田雞。真係好耐無食呢味喇！而且由細到大都係食田雞髀啫，夾牙厚肉炸大腸結尾。有乾晒身，又有肥膏響度。個人都係鍾意脆卜卜多d. ，有肥膏果d 我咬走左一半😜埋單每位$320 唔洗！可能因為無咩食海鮮！但依家出去食餐飯都差唔多啦。

早幾日為咗慶祝女朋友搵到新工，即刻上網搵下有咩好嘢食啦，佢話想食地道小炒，即刻諗起愛文民😍愛文生位於深水埗石硤尾街，開業超過60年，最大特色係佢地堅持用火水爐，相比起石油氣爐，鑊氣十足，等枱期間見到廚師大火炒菜，已經流晒口水🤤我哋2個人坐低望到隔籬枱，碟碟都大份足料，所以2個人都只係叫咗3個餸，而且價錢唔算貴，兩個人埋$500唔使🤩下次真係要約齊人多叫都幾款🤣家鄉小炒王-佢哋嘅撚手小菜，入邊有腰果/蝦乾/韭菜花，再配上菜脯兜成，唔會太鹹，加支啤酒，簡直一流🍻黑椒薯仔牛肉粒-薯仔即炸，之後再將椒鹽兜亂，牛肉粒亦唔會太亁，咬落去十分juice💦豉椒炒蟶子-唔好以為佢細細碟，細蟶子都大大隻，隻隻都肉殼分離，食到最底都仲有蟶子，啲豉汁又唔會搶咗聖子嘅鮮味，好出色🤭

港式大排檔買少見少，最啱一班人一齊食愛紋身係一間好有歷史嘅大排檔有綠色嘅貼皮屋起家，做到今時今日有兩個鋪位，再加最原始嘅鐵皮檔，而且佢哋仍然都係用緊火水爐去炒餸，所以特別有風味。我哋星期六7:00去到已經座無虛席。好彩我哋兩個人，大概等咗半個鐘到就有位。如果人多，我建議早啲嚟等位，因為佢冇得訂枱。嚟到大排檔，當然要試吓最出名嘅菜式我哋叫咗三樣餸小炒王 ❤️❤️❤️❤️❤️佢所有嘅配菜，腰果，蝦乾等等。樣樣都有份量。絕無冷場。一食落去，完全感受到鑊氣。好耐都冇食過咁有鑊氣嘅小炒王。豉椒炒蟶子❤️❤️❤️❤️🤍 ($178)好足料，食到落底都仲有。完全唔係炒完，得返啲殻係到。薯仔牛肉粒 份量薯仔多個肉粒牛肉粒望落去乾爭爭但係原來食落去一啲都唔乾爭爭。食落極為驚喜。總括然而，大排檔真係要一大班人一齊嚟食。因為兩個人太多嘢想食，但係食唔晒。

椒鹽鮮魷拼九肚魚 - 可以雙拼啱哂人少又食到多款, 鮮魷外皮非常酥脆, 肉質彈牙; 相比九肚魚就炸得比較乾身, 唔係魚肉軟嫩果種, 下次再嚟會試埋鮮魷拼炸大腸桂林炒生腸 - 幾有驚喜, 桂林炒比豉椒炒多份辣椒醬味, 生腸爽脆入味, 正過食豉椒炒海鮮咕嚕肉 - 唯一比較失色菜式, 粉漿同肉質比較實, 傳統口味Xinomavro係希臘西北部原生葡萄, 地位彷如意大利酒王葡萄Nebbiolo, 不過Xinomavro香氣更特別, 呢支Kir Yianni Ramnista 2017除咗帶有紅莓果、梅子醬, 仲有花香、蕃茄、煙絲、茴香、胡椒同乾香料味道, 入口唔算霸道, 酒體適中, 單寧同酸度都算高, 個人覺得配中菜大牌檔幾好, 夠鑊氣夠香口惹味, 同Xinomavro特性杷得益彰🤭

呢間深水埗嘅大排檔長期爆滿，就算係星期一至四佢都好多人，建議去之前用GULU APP攞飛先就唔使等咁耐，呢度每一碟小菜都超級大碟，非常抵食，而且好有鑊氣。避風塘虎蝦 $208雖然食得出係冰鮮蝦，不過炒得非常有鑊氣，避風塘嘅辣椒同埋炸蒜炒得勁香，直頭有少少辣，非常惹味。椒鹽炸鮮魷 $138啲魷魚炸得超級香脆，同時又唔會好油，仲要非常彈牙，而且椒鹽份量落得好夠，餸飯一流。黑椒薯仔牛柳粒$138薯仔同埋牛柳粒都非常之多，牛柳粒唔會好韌，加埋用蜜糖同埋辣椒去炒過，兩樣一齊食超級夾。

最鍾意呢啲充滿香港特色嘅街邊大排檔，一班人食住小菜飲啤酒吹吓水，輕輕鬆鬆又過一晚～.嚟到呢度梗係要食佢出名嘅黑椒薯仔牛柳粒，但係比我預期中失望，薯仔唔脆口牛柳一般般，下次未必會嗌啦。.至於個豉椒炒鵝腸，味道正正常常唔錯。咁啱見到有乳鴿就叫一隻試試，反而外脆內嫩滑多汁，比想像中好食🤤 .椒鹽鮮魷都係一如既往咁出色，每次必嗌。再叫咗個我好堅持想食嘅西檸雞。堅持係有回報㗎，因為個西檸雞炸得好香口，個汁都好開胃食完就知冇伏！.傳統嘅大排檔鑊氣好足，但一要預咗環境唔會好好，但係都別有一番風味～

今日一班人唔知食咩好，黎開深水埗一於就食下啲地道野啦鑊氣小炒呢啲野真係可遇不可求架啦🥘🛎 $138 黑椒薯仔牛柳粒雖然薯仔多過牛柳就一定架啦🤣但啲薯仔真心好食煎到外層都有啲焦脆感👍🏻牛柳粒易咬，唔會靭記得要趁熱食🔥🛎 $108 豬潤啫啫雞煲雞煲爆得好香識食一定係豬膶夾埋啲蔥頭&洋蔥配料一齊食🥢呢啲鑊氣野屋企煮唔到，黎到點都要食下～🛎 $68 蒜蓉炒芥蘭食左好多肉，一定要叫碟菜平衡一下🤣芥蘭都幾靚🥬少少咸香咁～普普通通～🌐 環境/服務而家啲大排檔環境已經好咗好多，乾淨左，又冇咁逼但我反而幾享受喺街邊開張枱，大家圍埋一齊食嘅風味😳呢到有啲室外位依然係咁～呢啲有得用Gulu拎飛，但其實感覺上店員都唔係好跟啲飛派位😂

喺深水埗大排檔，有幾個地舖，度有冷氣座位，可以幾個涼嘅嚟食大排檔美食，好正啊。裝修同一般大排檔無分別，圓枱圓櫈，白色膠枱布，膠茶壺，玻璃杯。豉椒炒蟶子，好鑊氣，一大碟細蟶子，新鮮有彈牙，味道鮮甜，豉椒好惹味。黃金大蝦，蝦好大隻，咸蛋黃香甜味濃。薑蔥桶蠔，生蠔大隻新鮮，卜卜有啲酥脆，蠔肉鮮美，薑蔥味唔錯。金銀蛋莧菜，份量大，莧菜嫩滑，加咗豬肉碎，鹹蛋同皮蛋味道啱啱好，湯底清甜。

第一次慕名而黎 都幾失望晚飯時間兩個人專登叫左5樣餸 大部份都係大排檔常叫菜式, 包括啫啫生菜煲 椒鹽九肚魚 薯仔牛柳粒 豉椒炒蟶子 豉汁蒸鱔, 其中有有兩個係招牌菜逐個講啫啫生菜煲都尚可接受, 足料, 但個蝦醬太重手 好似生啪個蝦醬咁椒鹽九肚魚- 上碟已經涷冰冰,個粉炸到硬哂, 勁乾, 完全無果種外脆內軟既口感 最致命係得陣粉漿味 似食舊炸粉薯仔牛柳粒- 又係上碟已經涷哂 牛柳粒又係炒乾哂 剩係食到陣醃肉既豉油味豉椒炒蟶子 - 依個真係不能接受 個豉汁太鹹到苦 食一啖都要飲水/食飯黎沖淡 蟶子又唔算好新鮮 口感霉霉地豉汁蒸鱔 - 味道就ok 但啲口感都係少少霉 唔係爽口彈牙服務環境就正正常常 , 大排檔風味 侍應好爽手 埋單7百幾 依個價錢好多選擇 未必再黎

唔駛講，老店即係老店，夠食力，上菜快，夠鑊氣，基本不失手勢，但今日叫了隻文昌雞就真係有點失望，冇底味，冇雞味，要獻汁已凝固！不過其他餸都好正，熱辣辣的，下次聚會必定再黎多鍋。

全網吹到咁，就去下。埋單$998 空腹感既我好奇心驅使睇下張單3支啤酒炸大腸1份 1XX炸魷魚1份 1XX蒜蓉開邊蝦 4XX豉椒炒蜆 2XX?????好味咩？唔覺wo紅磡/土瓜灣/荔枝角大把好食過佢，平過佢4XX死蝦？我容龍食游水蝦都得啦。老闆笑笑口，新年嘛大家開心🥳我都笑笑口，你都幾好野🤭覺得佢好食既，覺得佢平既，建議你地日日黎。如果係個正常人，我奉勸「揀過間啦」！

一爿裝潢粗疏的路邊小炒，居然勞動到可用GULU機取票，着實大開眼界。原來是捧場粉絲多的是，而且有「咪諸連」推介美食加持，縱使當日及翌日皆非公假的一個普通不過的星期一，剛好晚上七點，三間相連舖位幾乎已座無虛席，好不容易攝到張大枱隔板搭枱，沒椅背圓凳，枱有點歪斜，隨身大包小包幾乎沒位放。沒有不點炸物的理由。最理想是可雙拼，椒鹽鮮魷拼大腸$188，就是還好是雙拼，其中一味失準也叫做「止蝕」，此回失準正落在鮮魷上，無鮮無味，類近似嚼硅膠；炸大腸倒板回劣勢，脆口、不靭、褪掉多餘肥膏，多嚼亦不覺牙累油膩熱氣。豉椒炒花甲$108隻隻開口，肉質脹滿。金牌乳鴿王$72件頭偏大，非孤雛格，食前有點擔心肉質粗糙，一啖之下，熱烘烘得來皮薄脆、肉質嫩滑，調味已夠而棄用淮鹽。因為同行有縮水阿伯，因而點了老少平安系列——鴛鴦炒飯$90，收費比平常太極鴛鴦飯收過百算比較經濟，份量稍減但夠4人份，汁和料幾乎𢳂兩𢳂都溢出碟外，要挑剔是菜心切粒可能煮過頭或沒走油顯得啞色。大概知自家多炸物，加上做火鍋等上火之物，所以提供竹蔗茅根等涼茶系列，每支$15、350ml左右，清清潤潤幾抵飲。環顧四週，客源不局限叔父輩，反而有不少西裝

前幾日朋友仔突然間話想食小炒，咁岩天氣又涼涼地，就去左試呢間老牌路邊大排檔😋🌫️🌫️睇住炒鑊底紅紅火光一路爬到勁高，聞住啲爆炒既焦香味，真係會不停吞口水🤤🤤❤️‍🔥🐮黑椒薯仔牛柳粒呢度既ℕ𝕠.𝟙 招牌菜，亦係港式熱炒必食菜式🔥薯仔非常鬆軟，牛柳粒有牛味，肉質都好軟嫩，大小適中，份量都唔小🌝美中不足係薯仔欠缺焦脆既口感，有幾舊仲燶左😂😂同埋有部分牛柳粒有筋～整體可以一試，味道幾好🫶🏻🐚豉椒炒蟶子皇 $𝟞𝟚/隻（時價）本身想叫一碟炒蟶子同朋友慢慢食，但當日已得返蟶子皇，就一人一隻試下佢😌😌蟶子皇大大隻，厚肉得黎好嫩口，豉椒醬汁都夠香濃❤️‍🔥但略嫌蟶子唔夠鮮甜，靠醬汁調味，爭啲🤔🔥椒鹽雙拼 - 大腸 & 鮮魷全晚𝕄𝕍ℙ我會比椒鹽炸大腸✨✨超酥脆，勁咸香，好似食薯片咁😍可以蘸旁邊既醬汁，帶有酸梅味，酸酸甜甜，解膩一流👍🏻鮮魷都好出色，又脆又鮮甜，係略為炸過火左啲啲，呢碟最推薦🫶🏻💓🌶️辣子炒田雞無乜肉食，骨位多🦴炒得過火左少少，肉質比較鞋，一啲辣味都無🤫整體味道還可以，咸香口，用嚟送下酒都OK既🍺

今晚約左以前同事聚舊, 一行四人決定食大排檔, 即時有人suggest深水埗呢間愛文生. 已知呢間每晚都勁多人, 所以起夜晚大約6:30已用The Gulu 拎飛, 親身去到7:00等左一陣就有位.一坐低舊同事就order左掛起牆上Poster嘅幾道菜, 椒鹽九肚魚, 小炒王, 椒鹽炸魷魚, 豉椒炒蟶子, 黑椒薯仔牛肉粒, 招牌黃金虎蝦椒鹽九肚魚同椒鹽炸魷魚都好有鍋氣, 而且粉漿做得啱啱好, 唔太厚, 同食得出食材新鮮, 可以話係必order 嘅菜. 係勁正嘅佐酒食物!小炒王就相對無咁有鍋氣, 不過黎得大排檔, 又唔想淨係叫碟菜, 小炒王都係不二之選. 雖然無前兩味送咁野味, 但腰果都算爽脆，蝦乾都幾多, 同韭菜炒得幾好食.黑椒薯仔牛肉粒就有少少失望, 老實講, 係無萬發咁好食, 無論薯仔同牛肉都比萬發差少少(皇申: 唔係唔好食, 只不過呢道菜萬發煮得太出色). 如果薯仔再脆D, 牛肉粒細粒多少少就更好.招牌黃金虎蝦都幾大隻，沾上咸蛋黃同大蝦一齊炸相當入味, 虎蝦亦好新鮮好彈牙, 蛋黃濃香同虎蝦鮮味夾埋真係好正, 雖然價錢貴D, 但係又真係值嘅....最後加單叫左個豉椒炒蟶子, 蟶子都