巴蜀軒豬扒酸辣米線

營業中

休息中

行過銅鑼灣諗住食lunch, 印象中呢間都幾好食，點知入到去見疑似老闆坐喺門口，口罩拉低，好心提醒佢，佢仲鬼咁惡，問我咁點丫，仲叫唔叫嘢㗎？我即走，以後都唔會幫襯。

有人講巴蜀扒嘅炸豬扒係世界第一咁好食。今次就去試下。因為唔食得辣叫咁炸豬扒涼拌烏冬。豬扒外脆內軟，有肉汁，的確十分出色。涼拌嘅醬都好有特色，配埋烏冬食另有一番風味。同行友人食左少辣酸辣米線。佢地嘅辣都好勁。如果唔食得，唔好隨便試。真係會辣死人

完全無禮貌，呼喝客人。坐得超級迫。唔會再去。當客人係狗咁喝。唔認錯，做錯野，落錯單好小事，但佢一句“無得改“。想有呢種待客之道，想受氣就去食啦。記得睇埋其他人的評語。

見呢間鋪都好多人推, 特登去試下 "招牌豬扒米線" bb 辣. 期待好耐, $44 一碗, 以為會驚為天人一咬落去, 干身又無味, 再試第二舊, 仲干......湯底真係好似網友咁講, 水溝辣油.....最後, 張相就係我食完既情況😥

由於好多人都推介而平日實在太多人排隊所以我都會比較建議直接嗌外賣方便好多同埋又唔使等咁耐.我就嗌咗酸辣豬扒經典招牌然後要酸辣薯粉而家睇返張相都有流口水嘅感覺.首先雖然係外賣因為分湯嘅關係所以嚟到都保持一定嘅質量起碼唔會冇晒啲湯先.佢裏面都有輕微嘅肉碎因為我係唔識芫荽嘅所以走咗青.佢夠豬扒大大件但係亦都好細心咁剪好晒一嚿嚿方便食用同埋佢嘅調味實在太好食呀佢又去香口嘅外皮但係不失味道嘅肉肉omg絕對可以一試.薯粉方面保持應有既彈性軟硬適中very 骨！.得閒會再叫小辣已經好惹味喇

位於香港大學站附近的這家米線店，主打豬扒米線及麻辣湯底。麻辣米線的湯底麻得發痺，配料榨菜、筍絲等等份量甚多！作為店內招牌的豬扒，外表酷像上海酥排，面頭焦香🤣🤣🥺

酸天唔系好開胃，晏就就想食d酸辣野刺激下味蕾，呢個情況下最岩就系食個酸辣粉喇好耐之前食過一次巴蜀軒，印中個豬扒米線幾唔錯，但係豬扒份量就唔系好夠食<墨魚九酸辣薯粉$42>今日試下新搭配，墨魚丸配薯粉薯粉+$1 轉到，都幾抵始終唔系食開，叫左個BB辣試下先，BB辣已經好辣薯粉索味，食左一啖即刻加番杯凍飲解下辣加飲品要半價餐牌價，有d貴，不過真系太辣唔飲食唔到Overall 黎講，食物質素OK ge，但系姐姐態度認真麻麻，成日落錯單，錯完又唔認，出邊D外賣單麵系咁嘈話等得耐

平時好多餐廳嘅推介菜我食完都會唔理解有咩特別，但係嚟巴蜀軒一定要叫嘅係豬排酸辣薯粉。佢啲豬扒真係一咬落口就明白咩叫好食。豬扒比得唔吝嗇，碗碗都有好幾塊，而且每塊都有一定嘅厚度，肉質夠鮮嫩唔老，亦多汁。我叫開小辣，次次都食到流曬汗，但試過微辣會變到唔夠味，所以都睇你點取捨。雖然呢間係sell米線，不過我個人好鍾意食紅薯粉，而香港真係好難搵到好食嘅薯粉，呢間算係我心目中top 3。啲薯粉係比較粗身嗰種，唔似某啲舖頭（eg雲xx）嗰啲會有扭紋搞到嚼落冇咁滑。而且佢啲麵底真係有薯粉應有嘅彈性，所以總體而言非常推薦！唯一缺點係食完唔係好夠飽，希望份量可以多啲😂

👌🏻招牌豬扒麻辣米線 $42豬扒略嫌乾左小小，醃得唔夠入味，份量都幾少，得3舊仔，話哂都係招牌，咁樣就有啲失望既🥴麻辣湯好油，湯底好稀，基本上係辣油+水咁😖米線偏淋身，唔彈牙🤥sosad味道：7/10性價比：7/10- 👍🏻巴蜀麻脆雞扒 雙拼 +$10雞扒反而幾好食，肉嫩皮脆，面頭灑左少少麻辣粉，有好淡淡既麻椒味🤩味道：8/10性價比：7/10-👎🏻火爆腩肉酸辣米線 $39完全唔知火爆位係邊😂唔辣淨得個咸字，似用鹽醃完就咁烚熟極厚切，但肉質鞋口😵加上成大舊肥膏，完全唔想放入口🥴酸辣湯底已經叫左中辣，但完全唔夠酸又唔夠辣，簡單黎講就係辣油溝水加酸菜，極失望！😩味道：4/10性價比：5/10-📍#巴蜀軒豬扒酸辣米線灣仔駱克道368號百玲大廈地下G1舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #灣仔 #灣仔美食 #灣仔好去處 #灣仔打卡 #銅鑼灣 #銅鑼灣美食 #銅鑼灣好去處 #銅鑼灣打卡 #麻辣 #酸辣 #酸辣米線 #麻辣米線

💛巴蜀軒豬扒酸辣米線·呢間係我上次去對面食臘味飯見到所以好似都幾多人食所以就嚟咗試啦😌·招牌豬扒酸辣米線$42 (轉紅薯粉+$1)我上網見好多人話佢啲米線偏淋 所以我今次就揀咗紅薯粉 我覺得佢個紅薯粉質感都唔錯 真係好彈牙 而且好滑溜😌不過佢個酸辣湯就好似唔係好酸咁 主要得辣味 佢食落第一啖唔算好辣 但係就越食越辣 好在唔算太油😈😈佢個豬扒都幾惹味既 花椒味幾重 不過就偏乾🤔·#rbyeat#rby港式#rby💛#rby灣仔 #rby銅鑼灣 #rby西環·📍灣仔駱克道368號百玲大廈地下G1舖📍西環石塘咀德輔道西362號地下

呢間鋪門口傳出炸野嘅香味，的確係幾吸引人行入去，店舖係超級細，喺疫情底下，佢得4張細枱，而且完全完全無任何隔板，所以注意衞生嘅網友要留意返，今日我同3個陌生人坐得勁迫咁食野有個阿銀阿叔囂張跋扈，態度傲慢，應該係下等粗人，我一入門口，企左10秒，都見無人招待，咁我就諗住坐低先，坐低左先整個安心出行，點知呢個阿叔用呼喝嘅聲音叫我（喂，你量體溫啦），我當堂o左咀，心諗（咁有d鋪頭係用人手量，有d鋪係有部固定機比人自動量，我第1次嚟又點會知你部體溫機擺喺咩位置呢），個大叔指一指收銀機上面，原來真係有部體溫機，我隨即去量體溫然後坐低再諗住嗌野食，有個應該係打工嘅姐姐好有禮貌問我食乜，我就話食豬扒米線，不過唔洗飲野喇，呢個時候呢位無禮大叔再次出場，佢又態度惡劣咁問我寫左紙仔未，我話我已經掃左安心出行喇好不容易落完單，我自己衰，帶左枝水，就除低口罩飲淡水啦，呢個阿叔雖然好忙一腳踢，但都比佢昅到我飲緊水，佢隨即再大叫（喂，呢度唔比飲唔係鋪頭嘅野，同埋野食未到，唔可以除口罩）我知道大部分餐廳都唔比外帶食物or飲品，我自己理虧，但呢個無禮叔真係超級無禮貌各位網友，碗米線就6/10分啦，但係堂食要有心理準備

係附近打完拳見好多餐廳都閂左，經過見到呢間餐廳仲營業緊就試下啦！·🍜火爆腩肉麻辣米線 (HKD 39)我同朋友都叫左最少嘅辣度，一開始食落都無乜野，食到中間開始有點辣到食唔到了😂腩肉好腍，亦唔算好肥，口感唔錯！·🍜招牌豬扒酸辣米線 (HKD 42)豬扒炸得好惹味，難怪成為招牌菜👍🏼完全唔乾身，肉質都好嫩滑。呢到就完全唔好要求會有咩服務😂都係好似一般茶仔咁，落單可以大聲嗌出黎，因為店鋪唔算好大，基本上可以直接與店員交流😂

我11點第一個客🌈⛅️⛅️相信由於疫情D圓枱收起哂我一個人細細張一至二人枱就剛剛好🥣🍽🍴🥢🧂今次無食出名正的豬扒喎其實我幾乎每次都係食呢個👇食物質素: 睇見就知好味丶可能時間早得好一個客所以同樓面氣氛好好丶記得如果好似我咁鈡意食蔥就要講埋多蔥喇你叫中辣丶食到最後一談後尾枕出汗添呀丶出到去要即刻護一護條頸丶以免比風吹病

經過呢個鋪頭，好多年前試過，打算再試下，因爲有得轉我最愛的薯粉我點左脆雞扒麻辣中辣，轉薯粉，總共$44，原本係$43，轉薯粉加$1等左無幾耐，店員拎左出黎比我，話呢碗係脆雞扒酸辣薯粉我話我係叫左麻辣，唔係酸辣，個幫我落單既店員話係我無講清楚後面個收銀阿叔就開始大聲喝罵我，好多人都望住，超級無禮貌不停話係我落單無講清楚，又對著我喝，問我想點我個下都有D被洗腦以爲自己真係無講要麻辣，所以我話唔好意思，我真係想要麻辣個阿叔話要等，同埋要加兩蚊，因爲麻辣酸辣唔同價錢，fine過左幾分鐘之後店員拎返碗正確既脆雞扒麻辣薯粉比我，我就拎起走人就係我離開鋪頭個一刻我望一望個餐牌，突然間覺得唔對路因爲原來如果係脆雞扒酸辣轉薯粉，其實只需要$42，但店員一開始根本已經收左我$44咁即係代表我有講到要麻辣啦如果唔係點會收我麻辣價錢呀？後來零拎碗酸辣出來屈我話我落單無講清楚都算，仲要聲大夾惡當衆侮辱我都不特只，仲要呃我比多$2？以後都唔會幫襯，連經過都唔想！本來想留步去理論，不過個個店員大聲到未開口已經想惡死你咁無品無恥！

一日一黃店-灣仔招牌豬扒米線（之後都繼續講下黃店啦 希望唔會比狗咬啦）呢間唔算出名 見到網上都有爭議之前有寫香港人加油 同派水而我去既果日 見到店內 有一張光時文宣（that all).⭐️招牌炸豬扒酸辣米線$42呢間炸豬扒真係高質嘅 去過3次😋每次行過呢間店外面都勁香炸豬扒味午市去到都好多人排隊其中一次叫外賣 亦都係最好食嘅一次因為會分湯上 炸豬扒夠香脆 米線都冇浸軟🤔但酸辣湯可以再重口味d.呢間店仲有麻辣挑戰俾大家玩.#巴蜀軒豬扒酸辣米線 (灣仔)地址：灣仔駱克道368號百玲大廈地下G1舖.⭐️評分：味道：3.5/5環境：3/5服務：3/5抵食：3/5