225
58
39
港鐵尖沙咀/尖東站 N2 出口, 步行約1分鐘 繼續閱讀
電話號碼
37217700
37217701
開飯介紹
供應「即時烹調」自助餐、地道美食及特色飲品,以「即時烹調,新鮮製造」的經營理念,既能欣賞廚師烹調技巧,顧客亦品嚐到最新鮮的美食。 繼續閱讀
營業時間
今日營業
06:00 - 00:00
星期一至日
06:00 - 00:00
付款方式
Visa Master AlipayHK 支付寶 現金 AE 銀聯 JCB Diners
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
當面支付
有關獎賞計劃
食評 (381)
等級4 2020-05-15
17138 瀏覽
好姊妹請我吃生日飯。 很久沒有吃自助餐的我,就選了不用自己出去拿食物的凱悅咖啡廳自助午餐。枱與枱之間挺寬敞, 讓客人可以安心享受食物。餐廳提供消毒濕紙巾,也提供信封給客人放口罩,很體貼👍。每位客人都會送上刺身及壽司拼盤,還有海鮮冷盤,如果不要就要先通知侍應。我和好姊妹都比較挑食,所以沒有點很多食物😜。好姊妹喜歡吃甜品,早早就取了這一碟。放暖一會之後才吃。我很久沒有吃魚了,今次要吃多些。有日式照燒三文魚,有西式扒三文魚,兩款都 試。 日式燒三文魚比較薄身,且燒得太熟。西式扒三文魚比較厚身,煮成半熟,比較嫩滑,好姊妹都說好味。她叫的美國西冷牛扒配黑椒汁也不錯,較薄身,也不大件。燒味我們只吃燒腩仔,很肥美,好好味😋! 姊妹專攻甜品,我就會吃其他小食。這個焗軟芝士幾特別,有提子乾,有果仁調味不錯,要趁熱吃才好味。蒸什菜一般啦! 烤香草新薯入味。焗千層茄子好味,亦都要趁熱吃。香味雲呢拿扒菠蘿也不錯,不過菠蘿較多渣, 如果切厚身一點,較多汁就更好味。這天的炒時蔬是小棠菜,我喜歡菜不太腍👍。姊妹叫菠蘿咕嚕肉,吃了一件就說好好味。 一人份量都有五、六件,所以她不能再安歌了!沙律是四份三飯碗的份量,咖啡廳沙律新鮮。印式香飯沒什麼味道,印式牛油薄餅不錯,只是烘得太燶。姊妹至愛的拿破崙,吃了四件!姊妹說提拉米蘇太甜,但仍吃到Rum酒味。沒有拍照的士多啤梨蛋捲也太甜。Puff 對我來說也太甜。最後我吃了這件黑白朱古力蛋糕,很軟滑,不太甜,好味😋! 原本想安歌,但還是少吃多滋味。現在回味也想流口水呢😋! 總括來說,環境清靜,食物不錯,甜品好味, 服務殷勤。 想快點再去吃多餐呢! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-04
0 瀏覽
由於疫情關係,很久沒有到外吃自助餐。難得二人都有假期,加上限聚令,估計人流會少,於是選擇了到尖沙咀海悅酒店食lunch buffet。經OpenRice訂座,現有七折優惠,非常抵食。酒店的防疫措施非常充足,員工很有禮貌,安排入座非常暢順。已經來過幾次這裏的lunch buffet,比較之下,現在疫情下的自助餐選擇和平日差不多。知道之前這酒店曾以點菜紙讓食客點選想吃的食物,但現在已經改為食客自行出外取食物,當然要帶着口罩才可以離開座位。雖然要戴戴除除口罩,但整體還算暢順,或者香港人已經習慣了戴口罩的生活。食物質素不錯,整體冷盤的海鮮還可以,蟹腳就一般,比較鹹而且鮮味一般。青口、蜆和凍蝦都可以。刺身都算新鮮,有三文魚、吞拿魚、鱆紅魚和魷魚,亦有一些件裝壽司和卷物。有現場即切的斑馬火腿配哈蜜瓜,火腿鹹鮮,不錯。沙律也有四五款,胃納有限,沒有試。但目測樣子不錯。繼續日式方面,有即場炸的天婦羅,炸蝦有水準,脆漿薄而且現場炸,夠熱夠脆。除了炸蝦外,亦有番薯、南瓜、冬菇及茄子的天婦羅䣏選擇。本來希望有燒牛排或羊架,但今天的特色是燒三文魚扒,沒有試了。咖喱檔口有水準,除了六七款咖喱外,亦有咖喱燒羊髀可以即場請師傅切件。熱盤方面,有大路的炒飯、咕嚕肉、紅燒豆腐、炒雜菜、紅棗蒸雞等等。另外,如果熟悉的人,應該知道這間酒店有一燒味檔口,若有食過凱悦軒的中菜廳,應該喜歡他們的燒味。在這裏,你可以點選油雞、燒鵝、叉燒等幾款燒味,醬料嘅充足。可以配搭粉麵檔的粉麵吃。燒味檔和粉麵檔都有師傅專門為你服務,你不會看見一盤被人弄致散晒的燒味,感覺非常良好。叉燒夠水準,燒鵝略嫌太肥,而且鹹了點。西餐有大路的燒豬髀和燒牛肉,配菜有芝士焗粟米片、甘筍、南瓜、薯仔、炒雜菇等等基本選擇。牛肉不會柴,半熟,亦有炭火香。很容易便可以拼砌出一碟靚主菜。行過些少有Pizza、千層麵、焗薯蓉等等西式主菜可供選擇。甜品選擇頗多,除了基本的件裝小蛋糕外,甜品杯也有不同的選擇。此外,有之前大熱的原味乳酪及椰子味乳酪,上面可配搭不同toppings 適合女孩子。今天的拿破崙餅是士多啤梨拿破崙,好吃!略嫌餅底未夠透,但吉士醬及伴碟的雲呢拿汁香甜滑溜。蛋糕卷有成四五款可以選擇,而且口味非常特別及創新,例如有百花魁蟠桃蛋糕卷、港式奶茶味、芒果糯米飯味、榴槤味等等。選擇更多有創意,當然未到太創新,不是人人可以接受。但對於喜歡新嘗試的香港人,甜品選擇真的令人眼前一亮。還有一些基本的選擇在此就不再列舉了。今天不是週末,人流比較少,座位闊落而且舒適。最值得讚是所有工作人員,服務都非常貼心。侍應經常加水,收碟迅速。而且親切有禮貌。企大堂的廚師們都努力介紹他們的食物,聽著他們親切的語氣及笑容(雖然戴着口罩,但亦都知道他們是笑容滿面,看眼神就知道了)。可見酒店仍然努力維持服務達高水準,讓客人得到稱心的服務。在這疫情下,作為食客,人不多,當然自己感覺是舒適、舒服,但對於飲食業,一定明白對他們打擊很大。看着提供的食物充足,但人流很少,你也會希望重回以前香港嘈雜、人流多,充滿氣氛的自助餐情景。希望疫情早日舒緩,重回香港昔日的好風光。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-21
42 瀏覽
係禁堂食前,有幸訂到凱悅咖啡廳既自助餐。因為無得去玩,只好去食好西平伏下心情。未食前,係滿心歡喜既期待。到現場後,發覺食物方面驚喜不太。比如冷盤都係青口,蟹腳,翡翠螺等。我自己疏忽,無問到有無生蠔供應就訂枱。到發現原來無係會幾失望。刺身選擇5多,得5款左右。唯一賣點係師傅會有即切原條吞拿魚環節。熱葷基本上係咖哩燒烤,即煮湯面。基本上係可入口既行貨。而較特別係有鵝肝。雖然名貴d,但呢d膽固醇好高,就算任食,我都係2件就算。5想甘快有3高!最後訂座,每人會送反一客龍蝦。可揀芝士,清蒸等等不同口味。如果要我揀,不想做回頭客。6百幾一位,價錢已經算中上。(因為搵自助餐食時,打哂電話比open rice 清單上既自助餐搵枱同問價)比起有d五百幾一位,又差不多款既自助餐已經輸一截。有d甚至已包生蠔供應。或我寧願食一次貴價放題,比6百幾蚊一位平之餘,選擇更多! 繼續閱讀
(以上食評乃用戶個人意見 , 並不代表OpenRice之觀點。)
去的時候已經變返普通自助餐選擇少到想像唔到 生蠔冇 蜆冇 大部份海產都冇 龍蝦只係每人得壹隻 一般中式小菜全部都冇 我估全場選擇加埋冇20款刺身先真係誇張到冇人有 連最基本三文魚都冇 件油甘魚 竟然有骨!我原本以為淨係我嗰塊有 自己唔好彩 點知我女朋友食都有!真係件件有骨 無一倖偭 真係咁大個仔食刺身未食過有骨嘅 爭鮮都唔會咁啦海產 啲蟹腳勁鹹 直情係苦 青口係垃圾質素 佢每人得壹隻嘅龍蝦 坦白講好唔新鮮 都真係幾難食 我自己叫咗清蒸同蒜蓉蒸好啦 本身隻龍蝦難食 咁食下佢每人送一碗嘅酥皮龍蝦湯 真係冇諗過感覺好似苦茶一樣嘅湯 竟然夠膽拎俾人飲 茶餐廳我估都唔夠膽 除非想執笠甜品係稍為好少少 個雪糕唔錯 所以個自助餐由六點開始 七點全場真係已經開始攞甜品 你以為我講得好誇張 我去到見到個食物質素感覺到仲誇張 好失望 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-13
403 瀏覽
好耐冇食過自助餐啦,就算係疫情前都唔多食個種😹今次真係生日先book嚟食,宜家book檯平日75折,星期五六日8折~原來尖沙咀凱悅係連住K11的,地理位置夠哂方便👍🏻·之前見凱悅係轉做落單形式,唔係比客人出去攞,但我當日食嘅自助餐已經變回自助形式了,未知遲吓會唔會又有變動~·入座後,侍應會先問我地落龍蝦嘅order,宜家每位會送一隻龍蝦,有四種烹調方式可供選擇,我地分別揀咗蒜蓉燒同埋芝士焗😍😍😍龍蝦比一般嘅大隻,多肉多膏,啲肉好易吉到出嚟,雖然唔係任食但好過其他任食龍蝦嘅質素😆我揀嘅芝士焗有好多芝士同粟米粒係上面,好正🤩·必食鵝肝多士👏🏻鵝肝係任食㗎,好正,質素幾好,入口即融😆回本值得encore之選👍🏻但我食咗3舊到咋,好肥呀同埋諗住要留肚食其他😫杏脯我就麻麻,冇食到·冷盤係基本嘢,有蟹腳、蝦、海螺、青口,擺出嚟嘅唔算多,有蓋係上方遮擋一下,望落衛生好啲,當日客人唔算多,所以冇攞完未refill得切嘅問題👍🏻呢四款我自己就偏好蟹腳,每檯都有鉸剪比你剪蟹腳👌🏻仲有濕紙巾抹手🤲🏻刺身方面,帶子同吞拿魚都係值得食嘅😛Parma ham同蜜瓜好夾,parma ham夠大塊,蜜瓜都好甜😋😋·熱葷方面,「慢燒原條頂級牛肋骨肉」有筋,韌得滯🙈,但係有牛味嘅,可能咁啱呢舊唔好食😢「意式脆皮燒豬肉卷」都唔得,皮硬肉硬🙈香草烤雞唔錯,問廚師要咗隻雞髀🍗🤩印度羊肉唔錯,有羊味,有羊肉應該有嘅羶味😂淮山燉豬展湯夠清甜,老火湯,飲完唔口渴,絕對唔係味精湯豆腐花豆味濃,硬身未夠滑,石膏粉太多😂雖然呢度冇生蠔,但佢有原隻生蠔蒸粉絲,較為少有(定係我大鄉里😂),味道都幾好😚·凱悅酒店嘅服務真係好好,咖啡廳入面嘅侍應好友善,好細心周到,個女仔侍應同我講咗兩次生日快樂😻🥰蒸蠔未預備好會主動講幾多分鐘後嚟攞;就算係餐廳外面嘅職員都好nice咁指示廁所方向同搭𨋢時講再見,好有笑容,真係有賓至如歸嘅感覺😍·參考吓,星期五晚市buffet八折咗埋單每位630!下一篇講我最期待嘅甜品篇~~🎂🎂·後記:自助餐要講食評真係有啲難講,唔知點入手,盡量分咗段,原諒我有啲相冇擺到出嚟了🙏🏻 繼續閱讀
(以上食評乃用戶個人意見 , 並不代表OpenRice之觀點。)