小麵站

營業中

休息中

真係好正，一直食開呢間，紫菜雲吞湯底真係好好味，不過加左肥腸就變左令一種風味，酸味雲吞都好正，好足料又夠酸，酸辣粉更加吾使講，夠酸夠辣。小食可以試下涼麵同麻辣手撕雞，只可以講三個字：正正正。 呢間店入面個個都好好人，俾人一種好暖既感覺，好有愛。完全有家的感覺

其實日日都經過依間小店，因為之前好似冇乜人幫襯,所以對我而言好似少左可信性,只係有日放工後真係非常攰冇力揸鑊鏟,而依個反屋企途中只有依間同另一間既選擇,所以最後試左改依間.我點左個熱撈麵大辣拎走，老闆叫我如果下次拎走可以試下薯粉因冇甘快"林".一打開就聞到好香,個份量好夠,而且好多配菜,有青瓜絲,菜莆,花生..真係超正超級惹味😋😋😋😋好耐冇食過D甘正宗既味道,而且價錢好平民,味道絕對好過其他川乜川襪既麵店.之後試埋老闆介紹既熱撈薯粉真係愛上了😍😍可惜最近生意轉左手,味道真係比以前差D,仲要加價,但係依然係我最常吃既一間.希望佢地可以跟番足以前既配方啦.

好吃，味道很重庆，吃着就想家了。又麻又酸，还有凉拌土豆丝也好食。酸菜鱼片米也好食。但辣力不够，加到中辣跟小辣差不多。而且收银的姐姐好人，很喜欢她。希望他们越做越有。

天氣熱辣辣食乜好 最啱就緊喺食冷麵👅-重慶涼麵 ($25)呢個涼麵應該喺本年度暫時食過最好食嘅涼麵!!!!👅👅👅首先$25 咁大碗真喺好值食😍😍😍而且重點喺佢個醬汁真喺超級開胃 辣得嚟 帶啲酸 真心好好食💓💓💓而且仲而勁多花生菜甫 帶嚟多重口感😍😍😍而個麵亦都爽口彈牙 呢個真喺真心推介👅👅👅唯一要挑剔嘅喺佢只得室外街邊位 大家可能會覺得熱 會食得辛苦少少!!!😂😂😂

自從搬家之後便沒有再食過喇起碼有兩年幾呀～以前一個月至少食一至兩次琴日難得經過，當然要食返碗先走啦見到店內裝修過，好乾淨好整齊店外依舊有個雪櫃，客人可以自取冷麵和凍飲～冷麵有分小辣，中辣和大辣迎合不同客人細心低讚其實佢地既雲吞都好好食～以前每次去買都一定要排隊～雲吞同冷麵嚟講，個人偏愛冷麵所以我依舊order了碗小辣冷麵（2人份量）加上天氣實在太熱喇🌞要食d凍野降下溫先講個配料有花生，菜甫，白芝麻，芫茜同青瓜絲，配埋個酸辣汁不得了花生最爽脆，撈埋個麵食真係無得彈呀個味道仲係好好好好好好味啊即叫即製即刻食真係好fresh好最後仲買了支黑豆漿解辣仲有一讃店員姨姨好主動搬椅子給我們談不上什麼大服務，但會細心take care 每位客人相比其他街邊小店好得多喇希望食物水準會一直keep到咁正期待下次再嚟食

今日去到太子見仲未到食飯時間，朋友有少少餓，就話想去食少少小食咁。之後我哋就見到有間食辣嘢，好似睇落都唔錯，所以就諗住幫襯食個中碗麵食。麵19蚊，份量好大碗，朋友叫咗大辣，大約等左幾分鐘就有，都快，但係食嗰陣時係完全唔覺得有辣味啦，但係偏酸。有點失望。最後朋友要再加吾少辣椒油先至有辣的味道，比較好同埋可以減少d 酸度， 面質都算彈牙，材料配料都唔少，但如果拿到會再增加辣度可能會好啲，因為始終佢係標榜四川辣嘢。

辣辣麻麻的小雲吞，價錢相宜，食起來，令人想起童年時光。小店經營，唯一不好就是用上即棄的餐具，但也明白香港地聘請員工有困難的。即使是坐在路邊攤，下次仍是會光顧的！

呢間d雲吞辣得黎夠晒惹味，我平時唔多食辣都覺得幾好味，雖然都有味精，但食完感覺良好，飲返水就ok, 加上冬天食好正。間鋪前身都係賣雲吞，之後搬左，係原址開左呢間，之前經過都見有人食，有次想買外賣，經過就買黎試下，我鍾意佢d雲吞入面有菜碎，唔係齋一大舊肉，食落唔會覺得太肥膩。雲吞皮都幾滑，所以我食完都幾滿意。之後都食過隔隔離個間，味精仲勁d, 所以我都係鍾意呢間多d, 趁仲未開始熱要食多幾次，天氣一熱就未必想食啦。

平視喺呢度返工，都會經過呢一間專賣重慶雲吞麵嘅鋪頭，Lunch嘅時間好多人去排隊買，但係今次佢竟然改咗名，我諗佢係轉左手比人做，裝修格局都好唔同，不過買嘅嘢都係一樣以重慶雲吞為主，佢有湯麵同埋涼拌麵去揀，依家冬天梗係揀熱辣辣嘅湯麵呀。今次叫咗雲吞湯麵小辣，返到公司食原來都幾辣架，平時我都食得開辣，我覺得今次嘅辣都算係中辣，但係就好滿足，好惹味，一個月食一次都幾好，不過我其他同事就話味精比較重，食完會好口渴，但係我就唔多覺，下個月會再去食多一次。