小曼谷泰國菜館

營業中

休息中

放假入屯門嚟到康景花園「小曼谷泰國菜館」食午餐，呢間「小曼谷」英文係Small Bangkok，應該同平日食開的Mini Bangkok係唔同沒有華麗裝修，環境舒適度只屬一般；勝在價錢非常貼地，適合附近居民用餐的好地方；餐牌選擇以小店嚟講幾豐富，午市飯類$3️⃣7️⃣起有交易==========🔹冬蔭功 (小) $39冬蔭功加入大量的秀珍菇，仲有少量體積不大的蝦肉淡淡的椰香，突出的香茅及南薑味道，酸辣度調配得宜，層次感豐富而不油膩推介指數：8.5/10==========🔹餃子釀雞翼 $423隻飽滿的雞翼被煎至金黃色，配以酸辣醬雞翼外皮香脆，雞肉軟嫩；豬肉餃子餡發揮正常；蘸上酸辣醬可減微膩感推介指數：8.5/10==========🔹肉碎生菜包 $60肉碎及生菜份量皆充足，餐廳毫不吝嗇生菜新鮮爽甜；肉碎煮法正宗，調味及配料比例拿捏精準，味道會較一般泰國菜館較輕一點而辣度高，非常醒胃；豬肉肥瘦適中帶肉香；整體味道層次感豐富推介指數：9/10==========小店免加一服務費整體食物質素令我滿意，選料不錯而味道正宗；加上定價親民，性價比極高，絕對會回訪！

初嘗屯門名物——小曼谷✨😋不愧為屯門名物🍽夜晚 7:30去門口有十幾二十人等緊😰不過入座都算快！另外小店坐落可能會有啲擁擠👀👀香葉炒蟶子 $79出街食蟶子通常都偏貴🥲但餐牌見價錢相宜就諗住一試無妨，點知食落好有驚喜！份量好充足！一份有4隻細蟶子✨👀炒得好惹味，海鮮質素一定唔係最好但呢個價錢絕對超值肉碎生菜包 $60大多數餐廳嘅生菜包肉碎偏辣，呢間嘅肉碎會偏酸✨馬拉盞炒通菜 $45份量絕對對得住價錢，偏向濕身，鍾意食辣嘅人唔好錯過！菠蘿海鮮炒飯 $41有魷魚、臘腸、蝦仁、三色豆、菠蘿、肉鬆但飯粒比較乾身，同其他食物相比就較為遜色青檸梳打 $21原枝勝獅梳打水👍🏻但糖漿份量偏多，飲品會偏甜🫡建議大家飲之前最好先撈一撈底🤣

今日輕食 因為上次叫太多今次叫左2個最鐘意食既餸泰式豬頸肉 同牛仔骨同一個炒金邊粉超大份 成個碟都滿哂呢間係一間好抵食既泰菜館黎印象中埋單吾洗200蚊好平民價 質素超值

早兩日去咗屯門呢間泰國街坊餐廳，一個字，抵！叫左三樣嘢加埋都唔洗$150，當然對食物嘅要求唔可以太高，但真係對得住價錢之餘又好食嘅！先講泰式黃咖喱雞肉飯，有微微咖喱香同椰漿嘅甜味，但啲汁略嫌較稀，但整體而言係入味嘅肉碎生菜包口感非常清爽，肉碎調嘅味道亦非常開胃，生菜葉同豬肉碎相當匹配，非常美味。而且，這道菜品嘅熱量非常低，啱曬女士當作健康小食享用。除此之外，炒金邊粉都好出色，夠曬火喉！呢間泰國餐廳選擇豐富，價錢非常親民，住呢區嘅相信都一定食過，推薦大家有經過屯門嘅一定要嚟試試！

小曼谷喺一間平靚正的泰式菜館，店舖雖小，但客似雲來。如晚市來進餐，特別假日，好多時也要排長龍。店內座位較逼，木系枱椅。 今天中午跟家人一起到這裏午飯，我地order了一個泰式金邊粉(甜酸咸集一身，甜味來自羅望子和棕櫚樹糖，因此層次較豐富😋)生菜包$60(香料層次豐富，酸辣清爽開胃)泰式豬頸肉飯$37(我地選左香茅汁，其餘還可揀黃咖哩汁個豉油汁)黃咖哩豬扒飯$37整體感覺:又便宜，又好味，一定會再來食👍👍👍

呢間位於屯門嘅泰國，餐廳已經開咗十幾年，一直都以平價又好食深得屯門人嘅心！泰式生蝦（六隻）$70呢間嘅生蝦價錢算平，$70就已經有六隻大大隻，會係新鮮剝殼嘅生蝦！醬汁亦都好夠味，唯一可以改善嘅地方，就係如果蒜片可以再大塊啲就好啦！💓💓💓燒豬頸肉 🐷$47$47大大碟，果然係又平又抵食！豬頸肉外層有少少焦脆，咬落去仲有少少油香！🥰🥰雞肉泰式炒飯🍚$41呢個炒飯幾香口，但係對比之下，尼度既蝦膏炒飯同埋菠蘿海鮮炒飯更加出色！建議大家試吓～椰汁紅咖喱配牛肉 $47呢度嘅咖喱調味都幾出色，椰汁味幾重，而且入面嘅配料都好多，每一個咖喱仲會配一碗白飯添～$47簡直係無可挑剔啦，勁抵食！香煎薄餅 $22食得泰國咖喱，又點可以唔叫返個煎餅點咖喱汁呢～呢度嘅薄餅全部都係新鮮即叫即整！每一塊都熱辣辣架！超讚！芒果黑糯米$18當然唔少得飯後甜品啦！呢度嘅芒果糯米飯嘅份量比較細，咁就唔使諗食飽咗，都唔知嗌唔嗌甜品好呢個問題啦🙈呢度嘅芒果又甜又多汁，黑糯米就仲係熱辣辣，配上椰汁真係冇得輸～💓💓

哩間泰國菜係我同朋友經常諗唔到食乜就會黎哩度食既一間抵食泰菜雖然鋪頭無裝修食物又係d打唔到卡既樸素樣但佢質素唔差想平價滿足食泰國野哩間就係其中一個選擇喇😄推薦：3.5/5今次同朋友晏就黎夜晚時間係幾full但我係過左lunch先黎所以好多位置🍴沙嗲雞肉豬肉串燒燒雞肉豬肉都合格，略嫌沙嗲汁俾得唔夠多，我本人係勁鐘意多醬🍴豬肉生菜包合格豬肉生菜包，幾辣下，生菜俾得好充足，唯一可以俾食肉獸食多d菜既款式🍴咖喱豬頸肉飯好鐘意果咖喱汁係好香嘅椰汁味，比較溫和，香甜，加埋豬頸肉啖啖肉，好爽口，好正！😋😋仲要俾勁多汁，撈飯食一流👍🏻哩度好得意，一坐低，擺係你面前既唔係茶，唔係水，而係龍眼水😋👍🏻哩一點我勁鐘意！平時去食泰國餐都係飲龍眼冰，唔使專登叫嘢飲都已經有得飲😄😄正呀！

The rice here is really cheap, unexpected price with nice quality. Highly recommend to have the lunch and dinner here. Can see that most of the staff are local Thai people佢既價錢真係好平 雖然份量唔算話好多 但都真係好值得推介 仲要有正宗泰國人坐陣 感覺都好地道 

難得嚟到置樂呢面，六點左右已經肚餓，就決定食小曼谷，小曼谷一路以嚟都係覺得份量細細，價錢又平，咁就可以叫多幾味，試多幾款🤭🤭鳳爪沙律10分好味，酸酸辣辣，好岩做開胃前菜🤤泰式炒金邊粉味道偏酸，同埋我認為可以炒得乾身少少😅泰式通菜味道還好，食多幾啖就覺得咸左少少🫣蝦膏炒飯，老實講唔係好食到蝦膏味，同埋飯炒起上嚟比較濕…串燒豬雞，肉質OK，但無乜味，點埋醬都係唔夠味。冬蔭公味道夠，但成碗都係啲秀珍菇，啲雪藏蝦好難食🥶另外叫左龍眼味，味道好甜😅😅建議食中午既海南雞雞，男朋友聲稱抵食😅

之前聽過好多人都推介既平價泰國菜一直都好想試，咁啱係附近做完gym就試試佢聽fd講日日排長龍😎好彩6點幾入場冇咩人入到去位就唔想闊落啱啱好坐到兩個人叫左🍲冬蔭功，蝦醬炒通菜，生菜包就已經放滿左成張枱🍲冬蔭功 味道普通，唔夠酸辣只有甜味😢蝦醬炒通菜不過不失既味道但都40幾蚊正常價，冇話特別平生菜包🥬令人好失望🫠一望落去成盤都係油冇鍋氣亦都炒得唔夠乾爽 成盤都濕凹凹埋單都唔算貴，2個人200有找可惜食物水準普通🫠

朋友極力推薦平，靚，正，小曼谷，餐廳環境略微迫夾，格同格之間距離略近，唔太舒適，而且好多人等位，要速戰速決！食物種類選擇多，而且價錢親民，好抵食泰式鳳爪泰式無骨鳳爪，酸酸甜甜夠開胃，份量仲好大份冬蔭功湯賣相好似好辣咁，但飲落完全唔辣，微酸口味岩唔食的辣既朋友印度薄餅香熱鬆脆熱鬧鬧，食落唔算太油膩泰式香葉炒硯份量不多，而且硯肉細隻，無咩肉食，下次可以食其他馬拉盞炒椰菜苗炒得夠火喉，熱辣辣，調味適中泰國象碑

食泰菜好多人會九龍城，我會選屯門小曼谷！去到屯門你想食泰國嘢問屯門人大家會介紹食小曼谷，不過要去食小曼谷嘅話就要預時間排隊啦，因為佢由夜晚6:00鐘開始就會座無虛席，門口都周不時出現人龍。你講食物味道之前，先講一講價錢先，價錢方面係非常親民，普通一個泰式豬肉炒飯都係$40，有見及此我就瘋狂地嗌嘢食！首先頭盤叫左半打串燒（豬、雞）各3串，即叫即燒，沙嗲汁好香濃；之後叫埋個豬肉生菜🥬包，好彩有生菜包住，中和返嗰個豬肉粒嘅辣味；之後嗌咗一個泰式炒通菜，呢個同飛天通菜唔同嘅係呢一個泰式炒通菜係唔辣，叫咗個青咖喱雞同埋薄餅，就無咩特別；叫左個明爐烏頭魚，個個湯真係無得頂，我飲哂啲湯咁濟！甜品就無叫，留肚食其他；飲品方面都無咩特飲好推介，不過個人認為，如果你要嗌椰汁冰嗰啲記得叫佢少冰！有樣嘢要留意嘅，佢座位就比較密質質，上菜速度勁快，所以好快就成枱都係嘢。同埋呢間冇分店只此一家。味道：8/10環境：7/10價錢：10/10服務：8/10衛生：7/10

屯門友必黎食嘅平價地道泰國菜🤩雖然份量唔多，勝在價錢抵食，價錢反映質素🤣兩個人可以叫多幾樣餸，食埋甜品芒果黑白糯米飯岩岩好😋平日6點黎先可以輕輕鬆鬆入座哈😆

好少嚟到屯門覓食 今日聽朋友介紹有間又平又抵食嘅泰國菜就試下🤣 一見餐牌對於港島人價錢真係抵到有點驚訝😱 雖然座位比較平民D唔算超舒服 但係食物質素有曼谷道地Feel🌆 如果Expect調味好Fine既就差D 但係食完好想即刻飛轉曼谷✈️⭐️ 醃去骨鳳爪 🍗鳳爪口感夠爽脆😛 酸度辣度平衡得不錯🌶⭐️ 泰式炒金邊粉 🥘鑊氣夠重醬汁偏酸🔥 炒得更乾身會更好👍🏻⭐️ 青咖喱南瓜雞飯💚咖哩椰汁味夠濃夠Creamy撈飯一流🍼 特別鍾意南瓜嘅甜味做點綴🎃 夠淋既口感配咖哩好正⭐️ 冬蔭功 🍲食到有蝦仁好足料 香料味例如香茅都好重🎋 但係酸辣度有D單調好似各種調味都差唔多🫣⭐️ 醃辣生菜包豬肉 🥬豬肉既香料調味夠濃🥩 炒得乾身但唔油 包上生菜意外地清爽🥙⭐️ 芒果糯米飯 🥭糯米真係有黏糯既口感好正🍚 加上濃濃既椰汁好邪惡🥥 芒果份量不算多但甜度合格💛⭐️ 椰汁冰 🥤椰味濃夠消暑解渴☀️ 甜度重左少少🤭

平日下午只有我自己包場內裝潢像網美店ㄧ樣很美，走進去很像來到異國，環境燈光優美，連餐點也美到很好拍照，喜歡泰國料理的朋友很適合來這裡，超適合朋友聚餐或者家人聚餐的地方☺️☺️☺️肉切的很厚，每種肉都可以吃出不同特色我蠻喜歡的椒麻酥豆腐這道椒麻酥豆腐我很喜歡豆腐熱熱的吃 表皮超酥 外酥內嫩的口感配上椒麻的調味很涮嘴