妹記生滾粥品

營業中

休息中

🍽妹記生滾粥品📍旺角街市熟食中心呢一間粥鋪真係由細食到大，對於我嚟講真係好多美好既回憶。由細細個爸爸做完運動買返黎比我食，到而家大大個我食完買返比屋企人食，感覺好得意，佢係一間陪住我成長既粥品店。介紹一下我最喜愛既食物：1. 爽魚皮灼熟左咗嘅爽魚皮上面有勁多薑同蔥，再加上佢哋嘅麻油海鮮豉油，夾埋一齊食，真係不得了。聽落好普通，但呢一種味道充滿着好多香港人嘅回憶。2. 妹記豬肉丸豬潤生滾粥妹記嘅粥底係人都知好出名，佢個豬肉丸都係自己手打㗎，咬落去都幾有口感，有少少豬軟骨夾雜着喺裏面，食落去有少少爽脆。佢嘅豬潤都做得好出色，一啲都唔柴，咬落去好滑好嫩，值得一試。3.凍檸茶佢比新式嘅茶餐廳嘅檸檬茶真係好飲好多，飲得出去自己沖出嚟嘅，而唔係嗰啲人哋一早預備好嘅現成檸檬茶。檸檬茶嘅茶底好香，但佢今次落多咗糖漿俾我，平時唔係咁，不過今次有啲甜。如果有外地既朋友嚟到香港，我會推薦呢一間粥品店比佢哋，呢一間歷史悠久嘅粥品店，真係能夠代表到香港。

今日去左旺角花園街市政大廈，食返以前成日同媽媽去食既妹記生滾粥品☺️☺️因為得自己一個食，所以只係食左一碗粥，無加爽魚皮魚片肉丸粥 （$44)粥既面頭有生菜絲，撈埋入粥，好爽口！粥係用魚湯熬製，又綿又鮮甜～入面有蔥段同薑絲，一啲都唔會腥，魚片大大片，鮮味十足又無魚骨，肉丸就夠晒爽口彈牙，感覺好鮮味應該係加左魚肉材料新鮮，粥底好味，雖然未算好平，但真係好好食~ 不過佢3點就閂門，要食趁早！一定會再回頭既粥鋪~

一早起身（其實都成一點先起Lol）想食生滾粥，random search 到呢間旺角妹記，一於去試試佢。老實講我本人唔係好識食魚頭魚胶個啲位，因為成日形住會腥，平時食蒸魚都係交返比啲識欣賞嘅人，但係今次，見到個個都讚佢個魚胶粥，就拎起勇氣叫。無厄你！！！好有驚喜！佢個啲魚係用生鐵鑊煎香左，再放落去個粥底度煲，一啲腥味都無，仲要係好香好有鑊氣，個粥底食得出係有濃味嘅魚湯，同檯的老公叫左肉圓粥，個粥底味明顯唔同，一向唔食魚胶嘅我食哂成碗！

心血來潮想食生滾粥，上網爬文搵到呢一個好多blogger推介嘅一間熟食市場老店。見到大家都推介嘅魚鮫生滾粥，諗都唔諗就叫咗啦。唔知猶自可，一試就返唔到轉頭。有魚嘅生滾粥，原本諗住多多少少都有腥味，要靠啲蔥啊蒜啊胡椒粉啊，咁樣去辟未，點知佢呢一種生滾粥一啲腥味都冇！！非常之鮮味！而且啲魚鮫係好滑，好好食！應該係超新鮮嘅魚先至可以做到呢一個效果。另外，不得不提嘅就係佢用來做生滾嘅鍋。唔知係邊一種金屬啦，佢嘅味道係令到你覺得好有鑊氣咁樣！簡直係食過返尋味😋另外叫咗碗肉丸粥，相比之下就失色好多啦。雖然肉丸都唔錯嘅，但係如果兩者選其一，必然係揀魚鮫粥。至於炸兩腸粉就正正常常啦，一試無妨

Tried it after seeing a recommendation.Taste is good, I like the taste of the soup/congee base. And the fish tasted great as well. First time to order Fish belly instead of sliced fish at a congee shop. I read about wok hei in their congee, and I could really tasted it.If you're willing to pay extra, then come here, cause price is higher than normal congee shop. But for me, other congee shop will suffice.One thing to point out, I don't like the excessive use of plastic here, even the need to lin

一間旺角街市熟食檔能夠提供中英日韓餐牌、新加坡有分店，絕非等閑之輩，雖然妹記仍然營業由太子接手、質素比較飄忽、所以我10分懷念以前老闆坐鎮的日子，絕對可以與上環生記匹敵，甚至乎比他更好味。薑蔥魚皮：正常不過不失，始終彌敦粥麵才是第一名，可惜已經結業每一碗魚粥，放落粥鍋前都會輕輕用薑蔥煎煎辟除腥味，足底食到尾不會瀉水、100分的粥店名物：大尾魷，太子新鮮手釣，輕輕灼灼，配上薑蔥及豉油，爽脆、鮮味無窮，一樂也肉丸：堅持自家製作、每粒大小不一，咬落去10分大牙，而且仲有啲豬軟骨係入邊卜卜脆，個人必食之餘也會買半斤返去打邊爐也滑牛粥可見師傅功力，佢應該係香港唯一一間煮滑牛粥出嚟嘅滑牛係半熟狀態，少少粉紅色，10分軟滑，有牛肉味，唔會淨係食到成口鬆肉粉

是日的久違而久午餐🌞.位於旺角花園街市政大廈3樓熟食中心的老香港味道🇭🇰 - 妹記生滾粥品.已經講咗好耐，小弟終於都嚟到喇😍.雖然老闆今日比較忙，但係佢個人應該都唔錯的😂今次品嚐有《生滾及弟粥》粥品方面採用銅鍋煮的勁有火喉之餘，味道仲好足料好有明火的味道.除此之外，見到《炸兩》及《爽魚皮》都好似好吸引，於是就叫埋一起品嚐了.不過炸兩還可以接受，而爽魚皮配埋薑蔥就Bery Good.配埋冰鎮可樂，呢個Lunch真係爽😊

相隔廿年，感覺依舊；魚咀魚卜粥，魚卜煮得較老有點硬身，粥底入口帶一股焦燶味，可能個煲經常用來爆炒食物所致，粥味好甜不過這種甜好唔自然堆砌出來嘅。爽魚皮新鮮爽脆不過如果有幾粒花生更加正。食完兩個鐘喉嚨依然覺得好乾估唔到師傅竟然咁勁

今日天氣有啲凍，下午去左旺角熟食中心食妹記生滾粥。地方都算大，不過唔好預好乾淨企理，有時要食地道好野，就要有啲取捨。白焯墨魚👍🏻，新鮮好食，加左姜同蔥，仲有豉油麻油，已經足夠帶出鮮味。及弟粥加魚腩👍🏻，生滾出嚟既粥底係真係食得出有分別，非常有鑊氣，香濃。魚腩粥加肉丸👍🏻，呢個粥底係非常鮮甜，肉丸食到好豐富既味道。******************************👍🏻好食 | 👌🏻可以 | 😔 難食評分 : 8/10簡評 : 地道有鑊氣既生滾粥

雖然熟食市場環境冇一般餐廳咁好，仲好多時都冇冷氣，不過入面其實臥虎藏龍。難得天氣凍番啲，緊係要探索下啦。————————————————🐟 生滾魚腩粥, $44（4/5）粥嚟到嘅時候好熱，裏面有3-4嚿魚腩、一啲生菜同薑絲。粥底口感綿滑，食落有魚嘅甜味，啲魚煮得啱啱好，一啲都唔鞋，仲有鮮味，十分唔錯。不過粥裏面有骨，食嘅時候可能就要小心啲啦。🐟 爽魚皮, $30（3/5）用輕灼嘅魚皮配上薑蔥、豉油同滾油而成。食落魚皮爽口，但配料嘅味道比魚皮更重，自己唔算好鐘意。————————————————

🤩 旺角｜妹记生滚粥 HKD60#丁丁香港探店地址：花園街市政大廈3樓熟食中心11-12號舖-才知道花园街街市楼上有餐馆这家店之前朋友去吃了说还不错去hiking之前也来尝一下-「状元及第粥」「生滚鱼腩粥」我超喜欢猪肝所以点了及第粥看到推荐鱼腩粥就也试一下我更喜欢及第粥觉得鱼腩粥有一点点腥不过张同学更喜欢鱼腩粥觉得没有腥味-「榨菜牛肉肠」这是我来香港吃过的最好吃的肠粉！之前没找到过这种更软糯绵密一点的口感而不是滑滑的有弹性的那种

原來哩間食過唔記得寫XD哩間係劉健威經常去既粥店,佢對哩度評價好高,於是成日心思思想試下,我之前去過幾次都摸門釘,終於唔知幾時撞到開門食到.街市熟食市場大家都知環境係麻麻架啦,但哩度相對北河街街市既熟市市場已經算好靜同超級乾淨.叫左個生滾魚片粥,爽魚皮一碟,魚片粥份量正常,爽魚皮細碟d,粥底真係好綿好好食,魚都新鮮但唔算滑,爽魚皮味道正常,冇咩特別XD可能係幻想太多,同現實有D 落差,不過好開心發現樓下街市有成包急凍既爽魚皮賣,可以買返去自己整XDD

生滾魚腩粥 $44紋魚腩粥一上嚟呢， 個碗都唔係大個㗎喇， 仲要係粥入面呢得兩嚿魚腩，魚腩仲要唔係好大件的， 食過咁多次粥嚟講啦，真係呢一次嘅份量係超少， 你三嚿細魚腩都唔係好過份啫， 份量咁少，幾好味都唔得啦，， 何況味道又唔係好特出 係長X果間粥鋪總正哋，又大碗又便三滾及第粥 $38紋好一般， 佢仲要係用肉丸代替肉片，肉丸仲要鹹咗啲， 其他嗰啲豬雜都係冇乜味呀， 即是豬膶冇豬潤味， 粉腸冇粉腸味炸兩腸粉 $20紋不過不失啦腸粉 $17紋哇，呢碟份量真係超少，味道不過不失小妹應該唔會再幫襯多一次， 實在份量少得嚟又貴， 味道又唔係話值得再回味***食著一碗粥，加半份炸兩，，係唔飽的

妹記生滾粥品，究竟有幾好食，30幾度之下去個冇冷氣嘅熟食市場，究竟有幾癲喪想食，食完之後連底褲都濕埋，為咗食究竟佢去到幾盡，今次去食又再進步了💛大家都可以去支持下👍🏻👍🏻▪️魚腩肉丸粥 $51招牌粥品，魚腩有4大舊，好新鮮，而且滾到啱啱熟，鍾意食魚嘅朋友真係會覺得超級正，肉丸我嘅最愛，加咗蔥菜手打，暫時冇一間粥店嘅肉丸可以代替佢，所以成日都心思思想食💛💛💛▪️油炸鬼 $11雖然是一碟平平無奇嘅油炸鬼，今次要等咗一陣先至上枱，我就問嬸嬸點解要等咁耐，原來佢哋而家係自己即炸，之前係喺外面買返黎嘅，所以之前食咗油炸鬼係凍㗎，今次就唔同喇，即炸熱辣辣脆卜卜，小店每樣做多啲啲，就希望食客食得開心啲💛💛

今日中午12點半喺旺角，去咗花園街熟食中心（三樓），妹記買左一碗生滾魚腩粥，等左10分鐘就拎得了。😉餐牌上都是粥品，都有些腸粉，汽水野飲果d。👀👀$45 既 生滾魚腩粥外賣，在旺角黎講唔算平，不過，食落係有沙鍋味，成碗粥有三塊魚腩，感味都夠，魚骨都係好大條既鯇魚腩大骨，不過食都要小心。因為今次趕時間，唔係既話相信坐低堂食更有大排檔風味，下次有時間真係要試下堂食。