大街餅店

營業中

休息中

😍迪士尼一日遊🎃～～～～～～～～～～～～～～～～～～～🧀芝士火腿包（$38）芝士同火腿都好足料，麵包夠鬆軟，上面仲有一塊米奇老鼠芝士。🍩ShellieMay Donut ($42)粉紅色嘅部份係士多啤梨加朱古力，藍色部份就純粹係糖霜，食完藍色嗰部份感覺有好多色素。🍩Duffy Donut ($42)呢個幾好，啡色部份帶點奶茶味，白色部份就係朱古力，食落去唔算好多色素。🍇野莓黑加侖子星冰樂（Venti) ($55)Grande同Vendi只係相差$6，但相差263ml, Vendi抵飲好多，大熱天時飲啲酸酸甜甜嘅嘢好好多。🍰阿Jack 綠茶紅豆雪芳蛋糕（$38）雪芳蛋糕嘅部份可以厚少少，甜度剛好，綠茶cream 有D太多，但綠茶味同紅豆配搭得幾好🐣韓式人蔘雞湯飯（$165）隻雞好大好厚肉，入面仲有糯米，湯底仲有人蔘同紅棗，食完好補身。～～～～～～～～～～～～～～～～～～

見到好得意的Duffy包就買了最初以為係冬甩其實係圈圈型的麵包不過都幾甜幾濟所以 一次都係食到一半左右同埋D藍色會染到到處但是外型太可愛了除左Duffy, 仲有ShellieMay, Winnie the Pooh, Donald Duck等等Duffy同ShellieMay比其他款式貴$10

入園咁多次都係第一次入去餅店，一見鐘情之下買左新出既Duffy 黎試就咁見到都唔捨得食呀⋯⋯一口咬落去既時候，面層朱古力硬得黎夠脆、真係外脆內軟，食到藍色嗰part隻手好似剛玩完藍色水筆既感覺成手變藍色，總之真係好好味啊⋯⋯食晒後成個嘴邊藍色紅色總之咩色都出齊，準備好濕紙巾先好開始食喔！

每次嚟廸士尼都會入嚟睇下有咩得意麵包西餅，近幾次都冇咩係好吸引嘅，可能太耐冇嚟，今次就被個winnie the pooh嘅麵包圈吸引住.....仲有另一款係唐老鴨，但只係圓形加藍白色嘅糖霜，望落冇咁得意，所以都係揀小熊維尼嘅~雖然知佢係美心麵包嘅出品，但都想試下，麵包上加上黃色同紅色嘅糖霜，口感同一般美心麵包冇異，勝在唔係太甜，麵包又好軟熟，整體都算冇後悔花咗幾十蚊。都幾搶手，晏啲再入嚟已經冇得賣喇~

同肥髀行完迪士尼馬拉松比賽，再入樂園玩！佢玩到尾段叫肚餓！但我又唔想佢食太多，會食唔落晚餐，所以到呢度食小食，門外有露天座位可以坐低食，不過環境衛生就一般，太多小孩子食嘢都唔會乾淨！店內西式懷舊設計！餅款式唔多！叫了個叉燒酥，店員加熱再入紙袋比我！經典叉燒酥（$34/3件）紙碗三件半月型叉燒酥，外皮唔夠酥，乾硬咗！叉燒餡唔多正常！味道唔錯！係外皮扣分了！店員有禮斯文！可以八達通比錢！樂園食物一向一般！

很早就被照片吸引了！！！今期2017春日限定的甜品很吸引呢！！！！來到迪士尼，少不免會走入餅店看一下，這裹的特色甜點經常帶給我驚喜呢！而家有些期間限定產品，令人甘心掏出銀包來！！！！今次買了2個甜甜圈，分別是唐老鴨及維尼熊呀！！！好可愛，＄38蚊樂園價都OK，平時STARBUCKS一件CAKE都要，SIZE 都夠大，小食1個已夠飽！位置： 在一入樂園門口向城堡方向右手面的美國小鎮大街上，看煙花，巡遊時剛好邊看邊食唐老鴨及維尼熊甜甜圈： 其實佢面層係朱古力黎既，2個味道都係一樣，裹面係原味的，薄薄一層不同顏色朱古力覆蓋外脆內軟既甜甜圈，朱古力甜度適中，維尼熊身有些一粒粒彩色朱古力碎，更有質感。賣相不用說，味道也不錯，有紙盒裝著吃得也方便。有佷多很多期間限定都好吸引！星球大戰流心芝士撻都好吸引 ，小白及米奇杯，仲有其同其他造型甜點，下次有機會要試下！

2017年1月，新的一年，好的開始，天氣有點寒冷，在樂園內玩得又累又餓又凍，對冰的食物全無興趣呀! 黃昏時份，穿過睡公主城堡，走到大街，找到市集餅店，太好了，不想吃得豐富，但求有地方吃點食物取取暖及補充體力~ 餅店是美心集團旗下，飲品有大路的樽裝鮮果汁、果汁飲品和汽水外，還有港式奶茶、紅豆冰、菠蘿冰、什果賓治、小朋友至愛的雪糕浮冰、像我般怕生冷的，有柚子蜜、生薑蜜、紅棗蜜供選擇，價錢嘛，當然是樂園價格啦! 三文治、蛋卷、慕斯蛋糕、啫喱、奶凍、意大利芝士蛋糕杯、果凍杯等，食物款式很多，加入迪士尼卡通人物元素，吸引力即時增加百倍，價錢大約是30至52元想吃飽肚一點，這邊廂有MUFFIN、牛角包、冬甩和港式芝士火腿菠蘿包等供應，外地旅客應該很受落想再吃得特色精彩些，燒汁雞扒包、流心芝士撻、叉燒酥和蛋撻，看見也流口水了好感恩，發達這裡的咖啡是來自Starbucks，我們選擇了一杯熱騰騰的cappuccino, matcha latte, 以mickey mouse紅色杯子盛載夠吸睛，還有暖暖的芝士潛艇。咖啡質素就是Starbucks水準，絕對是我們的精神食糧，中杯價錢，小杯份量，芝士潛艇是溫熱

一直見到人地拎住食 咁岩又行過 聞到好香決定一試 話哂都可以影返張相呃LIKE 👍🏻排隊落完單 完全唔洗等就已經拎得 仲要係熱架即刻影返張令相先食落又幾正架喎衰鬼😍出面係脆脆地而入面係好鬆軟><. 夾埋d cream 都好正。好蠢既小妹食左一半先發現有糖漿同朱古力醬...前者普通，但覺得M記果d好似好食d..後者太甜啦 不過都幾好食既 50$都算比得過～

恨食左呢個米奇窩夫好耐只覺得價錢略貴，不過都買黎食過下口癮啦！窩夫口感軟棉棉，配有忌廉，朱古力醬同蜜糖係米奇既兩邊耳仔因為窩夫係熱既，都食既時候d忌廉都溶溶地賣相當然係滿分啦，可愛到唔捨得食呀！

由十月起迪士尼就開始了萬聖節的活動，上年年尾買左年飛的我，有機會當然要入黎玩下，影下相！食完個旱餐，下午２點幾入到樂園，影左幾隻公仔，３點幾就開始有少少肚餓，就在最近門口的餅店買個包醫一醫肚先！萬聖節將至，迪士尼已經充滿萬聖節的佈置，連食品都唔例外！我點了一個亞Jack的麵包($40)，內裡的餡料是忌簾芝士，餡料不算太多，味道少少甜，連埋麵包一起吃，兩者很配合。亞Jack 的頭子是用白朱古力製造，不過有點硬，用叉是分不開的$40一個包子其實有點貴，但算是應下節吧！另外，還點了凍檸檬茶($30)，糖漿是一早加了入去，不能自己調較，個人認為甜道適中，又不會太酸。其他食客餘下的食物還吸引了一大群麻雀！補充完體力，可以繼續玩埋餘下的行程！

在樂園當然想見到不同的卡通人物。 走進美國小鎮大街的市集餅店裏，也有不同特色及最受歡迎的卡通特色糕點，冰凍的凍飲也叫人眼前一亮。2極彩虹沙冰: 沙冰是在樂園內不可缺少的降溫佳品!! 這杯沙冰顏色十分吸引，出奇地不是藥水味也不太甜，藍色沙冰帶點檸檬味及紅色沙冰則是雜果賓治味道。 Olaf的夏日沙灘杯: Olaf 最愛夏天!!! 賣相絕對跟電影連戲，沙灘杯是木糠旦糕， 十分鬆軟! 甜度適中，奶味濃!米奇藍莓芝士蛋糕杯: 不是硬身的芝士，但芝士旦糕杯也做得出色，有濃郁芝士味! 藍莓醬上有顆米奇白朱古力! 其他飲品甜品也賣相不錯，連最新的反轉腦朋友的阿樂與阿燥也有登場! like爆!

每次經過美國大街都昅到實的... Cute到爆的米奇頭窩夫!!! 呢期熱爆... 你厚多士, 我呢個係改良版 -- 你米多士, 嘩咔咔咔!!!每次都係切咗2隻耳仔落黎先, 都幾兇殘... 窩夫口感鬆軟, 香味略遜, 若可以再熱一點更好... 伴碟的4份1粒士多啤梨看來有點虛弱, 果Jam亦不夠美味, 完全是米奇個人賣萌Show, 值不值就要視乎閣下對米奇的迷戀程度有多深...Honey就鍾情熱狗, 個人認為個包偏濕及鬆散... 環境方面, 好多麻雀在瘋狂搵食中... 在人群中穿穿插插, 有夠恐怖, 禽流感肆虐期間更令人不寒而慄, 但麻雀是大自然的一部分, 而且那裡是牠們的家, 我只好默默忍耐, 極速食完後離開...

當我看到那可愛的米奇造型窩夫，就馬上嚷著要買來吃，大約排了五分鐘隊，米奇窩夫就到手了。米奇窩夫 $45熱烘烘的窩夫質地沒想像中香脆，反而呈軟腍狀，幸好入口充滿雞蛋香味，可選擇加入糖漿、忌廉或跟士多啤梨同吃，不失香甜好吃。

好可愛既反斗車王麥坤紅豆夾餅！終於忍唔住一試，夾餅外脆內軟，紅豆雖然不算多，但味道不錯。如果個夾餅厚返少少會再好味d。一盒兩個售$50，我覺得尚算合理。下次會再order。

在樂園玩了一整個下午，肚子已經開始餓，但又不想隨便吃個快餐作為晚餐，所以在煙花表面未開始前，買點小食醫醫肚。排隊買東西的很多，食物選擇只有幾款，而且價錢不便宜，但有一部份已經售罄，在沒有什麼選擇下選了外形最可愛的米奇老鼠窩夫。米奇老鼠黑膠盤上的左耳配有一小杯士多啤梨，右耳則配上暖暖的糖漿，可選擇在雙耳上加忌廉。雖然人多，但都只是等了約5分鐘，熱烘烘的窩夫便送上，入囗蛋味尚算香濃，雖然質感有些軟，沒有窩夫應有的脆口，幸好造形夠可愛，整體感覺不錯。