唯一雲貴川風味

營業中

休息中

喺香港米線關注組知道有呢間米線，好多人讚好，最近搬咗過嚟荃灣，終於都搵到機會嚟試吓～（幸好唔駛排隊等位）朋友叫咗個酸辣腩肉腐竹米線，我諗唔到食咩之下聽到另一個客好熟練咁叫「酸辣腩肉豬腸米線」～決定照跟！我食咗第一啖之後個腦有好多想法⋯就係⋯⋯點解咁難食嘅？點解咁多人排隊？米線個質感係我從來未食過咁難食嘅質感⋯我朋友嗰碗佢形容為好似喺垃圾桶撈翻上嚟俾人食咁樣⋯⋯酸菜食唔到酸菜味 酸辣但係又唔辣（朋友唔係好食得辣但佢都講～點解唔辣嘅？）佢準備嚟解辣嘅支裝茶成支無飲過～成碗麵就喺「好似辣油其實唔辣嘅厚厚一層油」裏面夾啲米線上嚟食咁樣⋯⋯真係無下次，食食下又要起身俾人出嚟（都唔緊要）坐低繼續食一陣又要起身俾佢執枱⋯⋯兜匙羹無蓋就咁放喺枱中間，湯汁、傾偈啲口水都隨時污染到啲餐具⋯對於咁多人讚好 又話必食 到底有幾多人真係食過覺得真係好食？米線好難煮得難食，但咁難佢都做到，係叻嘅⋯⋯

今次去左荃灣食米線，呢間可以話係老字號黎，開左好多年而且都出名既，我當然都要黎食啦🤓 黎呢度食，就預左要排隊，不過都好快有得入，佢地個坐位都幾窄幾迫下，大約6個人share一張圓枱，而佢地既餐牌有小小亂，其實唔一定要跟佢夾埋既叫，可以自己組合完再同佢講，都係跟番幾多餸就幾錢既🤨我地一碗就叫左雞翼尖+豬肚+腩肉（$58）小辣既米線，D餸都真係幾好食，雞翼尖係一啖入口即溶咁，豬肚爽，腩肉唔算肥，湯底雖然係偏油，仲有d酸菜係湯入面，個湯係好好味，間中食一次唔健康既都ok啦🤣另一碗就叫左雲吞+豬大腸+腩肉（$58），雲吞都大隻，皮就稍為厚左d，都ok既，豬大腸就梗係好食啦，幾肥美🤣呢間米線如果要排隊，千祈唔好覺得會好耐，因為坐位都真係幾窄，一般人都係食完就走，唔會坐低吹埋水先行，同埋咁多人等位，d客都醒水食完就埋單走人既😂

唯一雲貴川風味.呢間米線係小編由小學食到而家，都係心目中世一米線店！相信米線愛好者都一定食過呢一間！係荃灣開咗30年，老闆係昆明人，呢間米線只賣酸辣湯底，唔似一般米線舖都有得揀麻辣。由於小編係一個米線愛好者，基本上見到米線店都會入去試，覺得好多米線店嘅湯底都大概係差不多的味道，而呢一間唯一雲貴川風味湯底同坊間唔同！佢哋嘅餸菜都有做過醃製，比嘅份量亦都十分之多！佢哋嘅配菜酸菜同埋芽菜都俾得好足！.🔥三餸米線$58⭐️9.5/10⭐️.-炸醬：炒得好香好惹味！令到個湯睇更加香濃！.-腩肉：腩肉經過醃製，厚薄適中，好入味！比起坊間嘅腩肉瘦，但唔會鞋口，加上有啲辣會令到個湯底更加惹味！呢個係小編每次都必點！.-蘿蔔：炆得好琳同帶甜！.-豬頭肉：即係豬耳，有經過辣椒炒香，鍾意食豬耳嘅朋友可以試吓.-豬大腸：經過醃製好入味，炆到都幾琳，亦都唔係好肥膩既豬大腸，呢個都係小編必點！.⭐️總結：呢間米線小編食咗咁多年都仲係好想去食！呢間米線會比較重口味，如果有d人怕油就未必啱。但係小編就好鍾意佢比好多酸菜，每個餸都經過醃製烹調好夠味！基本上每次去都會爆場，如果佢嘅時間咁啱係食飯時間基本上都會排長龍，開咗30年

我地去到嘅時候唔洗等位坐低之後見門口keep住排長龍好彩早一步入到去係炎炎夏日嘅小確幸🥹不過試完之後個人覺得咁啱經過可以試下但係唔值得山長水遠專登去食🙈***🥢三餸米線(腩肉+豬腸+炸醬) $58湯底本身係酸湯加左炸醬之後好辣又超油🥹直情有一層紅油浮係面唔食得辣嘅我表示食得好辛苦😂腩肉係完全冇肥膏嘅瘦腩一如既往只要唔係肥腩肉係我心目中就係零分🤣豬腸正常發揮 係呢碗入面最好食嘅一款餸😗***🥢三餸米線(豬脷+豬頭肉+雲吞) $58豬脷切得太薄食落變左似普通肉 唔係好食得出係脷豬頭肉分別有豬耳 有豬皮連肥膏同酸湯好夾🤤雲吞係是日最最最唔推薦雲吞皮厚到一個極點似水餃多過似雲吞🤣***🥢涼拌雙拼(木耳拼皮蛋) $28涼拌木耳唔算特別好食 而且好辣皮蛋就好出色大粒得黎味道好好 而且有少少流心feel口感不錯齋嗌涼拌皮蛋就好了😗

店名: 唯一雲貴川風味地址: 荃灣四陂坊14號地下荃灣站B1出口，行7分鐘環境: 3/5價錢: 4/5味道: 4/5荃灣一向米線鋪林立，今次就試左呢間，好彩週末夜晚7點幾，都唔算話要排好耐，唔係嘅話大熱天時都幾辛苦🥵四餸米線❤️❤️❤️❤️$67其中一碗叫左酸辣，腩肉，炸醬，豬肚，另一碗嘅餸都差唔多，有豆卜🧐一上枱不論米線定炸醬份量多到嚇一跳😱入面加咗啲芝麻，令食落更香口，米線質地唔算硬，腩肉好入味，唔算太肥，肥瘦，豬肚就正常，唔算太硬，但個人覺得可以煮得更淋，會比較好😌整體黎講好大碗，但比較咸，適合重口味人士🙈生菜❤️❤️❤️❤️$24正常質素，普通烚菜，唔會太咸🥬

超級推介佢嘅酸辣酸汁仲可以另上好惹味好刺激味蕾但價錢又好抵有唔同嘅款式，可以自由配搭餸菜雖然位置迫迫地要搭臺但都要黎食 ！排隊人龍好長呀好早就會賣完d野因為太受歡迎啦

酸辣米線+豬腸+腩肉：$56🌕🌗/5 酸辣米線有少量配菜：肉碎、蔥花、酸菜等，都係正常過橋米線既配菜😂我食第一啖已經覺得好鹹，完全唔岩我口味🥲成碗都係油，食完會肥10磅嘅感覺🤢如果係好食都唔會介意，重點係又肥又唔好食💩啲腩肉係好鞋好硬☠️價錢仲要偏貴，性價比極低🙅🏿‍♀️坐既位置亦非常迫，係一張細細的圓枱⚪️同好多人搭枱😂隻手舉起少少都會撞到隔籬位陌生人😂😂

荃灣名物 成日行過土見佢好多人排隊 今日5點嚟到唔洗排隊就入去試吓啦 我就叫左碗腩肉米線 都幾辣 又唔覺得佢特別好食 不過地方就真係好污糟🤢佢生意咁好 應該都搵唔少錢 強烈建議佢重新裝修過 個環境好啲 人都食得開心啲！

「唯一」米線餐牌貼喺牆上面，一早就俾咗好多款配搭你揀，小鍋、酸辣、麻辣都有。基本上可以根據自己想食幾多個餸而決定價錢，兩餸$49/ 三餸$56/四餸$67等。嗌咗：▪️酸辣腩肉炸醬米線 $56 （小辣，跟蔥，走油）酸（小）辣湯底未及炸醬驚艷，可能關嗌咗走油事？炸醬份量多到嚇一跳，入面加咗啲芝麻，食落幾香口，米線偏腍滑。招牌腩肉好入味，好彩地今次呢碗嘅豬腩肉得一塊係有肥膏🤣 其餘都係瘦肉嚟（啱我）。米線同炸醬好似食極都未食晒咁（最後食唔晒）。-落單嗰陣姐姐會主動問要唔要蔥😗唔要青都記得自己提早講。餐廳環境係6/7張大圓枱，未到放飯時間去食，未有太多人，坐得鬆動。枱面上有一壺茶，應該問拎隻杯就飲得（估）。

荃灣名物開得早 繁忙時間會開埋後面鋪所以你見佢多人要排隊但其實都唔洗等太耐位置都好就腳 以上優點完勝咗另一間同區神級米線會坐得少少迫 上菜好快因為係門口排隊時姐姐已經會幫你落好晒單一坐得好快就有得食三餸酸辣炸醬豬頭肉米線 $56碗嘢上枱 feel到係會淥死人嗰隻熱要攤一攤先隻酸辣湯係好味道 宜家打字諗起都流口水 （酸辣計一個餸）炸醬都係必配嘅餸 老實講係幾油嘅佢地啲米線但次次嚟食都差唔多飲晒啲湯死就死啦……只收現金

我諗好多人都去過呢到食米線😋想食就一定要預時間排隊差不多排隊，姐姐會問你食乜落定單我多數叫兩餸———腩肉、豬腸唔辣（腩肉本身有啲辣）多酸加蔥鍾意食佢的腩肉，因為好入味又唔肥，豬腸洗得乾淨，每次食都會飲佢的湯，好好味，以前會食上引，一星期食2-3次，食完又食，今日食完聽日又再去，好誇張，依家有節制，隔好耐先食一次，俾自己多啲機會試唔同的食物😊另外，有個姐姐串串地，但係佢好可愛的，有時會走埋嚟同你吹水。

我係食譚仔都會覺得唔錯既人，加埋我老公更加係食咩都無所謂既人，佢係連爭鮮都當寶既人。聽過又睇過好多網媒介紹依間米線好多次，今日去試試佢。今日5點前去到間野唔洗排隊，但係門口睇到入面既環境已經覺得好污糟，都預咗。但心諗都黎到又無理由走就入左去食。我叫左小鍋米線口感：米線偏硬，肉碎無味，湯底偏淡。老公叫左個腩肉撈涼米線同蒜泥白肉口感：米線正常，但食咗幾啖之後覺得，好似一pat嘢，腩肉超硬。我食個咁多間既小鍋米線都唔會覺得差，唯獨依間真係唔好食，我加左好多辣椒油都唔好食。個蒜泥白肉好創新，極厚身，唔係一片片薄身既白肉。總結：唔會再黎食，而且張枱同地下都好污糟好難忘。

喺荃灣呢個米線集中營裏面唯一雲貴川係我心目中最有價值嘅米線由28蚊碗食到58蚊碗有時真係覺得自己唔係食緊碗麵食嘅係回憶心入面流嘅係時代嘅眼淚呢間米線舖值得一個版面🥹首先分享吓我食咗咁多年嘅小撇步酸辣/小鍋呢兩個詞語會各計一個餸但就算你唔講碗米線都唔會好大分別正常嗌返唔辣/大中小辣然後建議驚太油嘅可以嗌走油咁就唔會成個碗面有層紅油同埋佢有類似係酸菜浸出嚟嘅湯汁可以另外嗌姐姐俾碗你就有加酸嘅效果順帶一提佢嘅酸菜係未脫水涼乾嗰種同譚仔嘅酸菜唔同😌不過嗌得酸汁就唔洗嗌酸菜食得多都冇益😆嗌餸方面最辣嘅我覺得係炸醬之後係腩肉不過腩肉時肥時瘦捉摸唔到但我認為最值得食嘅係豬類豬肚豬耳豬脷豬腸豬潤豬頭肉可能好多人覺得佢處理得唔乾淨但如果腸胃唔好又好驚污糟我就一律建議唔好去食比較好😆最後講多少少就係唔建議加底因為個湯會變淡變稀冇咗原先最佳狀態嘅重口味不過如果怕過鹹過辣兩個人share都不失為一個好選擇嘅

荃灣好出名既雲南米線 🍜假日黎既話排左九個字先入到😌最好平日過黎店員都好醒目 會幫排隊既人落定單先 加快速度叫左 🥢腩肉 雞翼尖 酸辣米線 $49 小辣🌶️雞翼尖非常入味 腩肉肥美湯底個人覺得太濃 好重口味 好油太酸 酸到個胃唔太舒服🥲如果唔係食開重口味唔推薦叫酸辣湯底不過見枱枱客都係叫酸辣湯底🫣唔明點解甘多人食 有小小太過吹噓🤨⭐️CP值;⭐️⭐️⭐️👩🏻回頭指數;👩🏻👩🏻📸打卡比分;📸📸

🔹荃灣//唯一雲貴川風味🔹人均約$60🔹🎀荃灣四陂坊14號地下▫️腩肉酸菜大腸酸辣米線腩肉醃製過好入味🫶🏻酸菜切到碎晒好入味，夠酸好食😝推介！大腸正正常常都可以叫既！要講下啲蔥，唔知點解覺得好新鮮好綠😂😂聽到好多人叫多青🤣🔹好飽評語米線關注組推薦🔥已經食過兩次都覺得幾好食，不過真係幾油同重口味未必個個都適合😂我自己就覺得幾好食嘅🫢酸辣米線就係要食咁濃味🤣因為人流好多，通常會喺門口排隊揀埋餸，會坐到入去就直接食😉會節省更多時間😗🧠回頭指數：8️⃣🧏🏻‍♀️打卡港女：5️⃣🌬冷氣溫度：7️⃣🚽廁所評價：⏹🧾性價比呢：8️⃣