唐宮小聚 (新港中心)

營業中

休息中

🫖🥢唐宮小聚既點心實在太精緻啦😍仲要唔會淨係得個樣，味道都好ok😋而家仲有會員優惠，即時入會埋單扣減$50✅「得意小豬」- 草莓乳酪凍，可愛又好味😍😍「沙田乳鴿」- 嫩滑多汁，必食！「和牛啤梨」- 黑椒和牛鹹水角，辣辣地，造型特別🍐「焗鮑魚酥」- 原隻鮑魚好矜貴🤩「松露紅菇」- 好香黑松露味呀🍄「炒蝦腸粉」- XO醬炒，好惹味🤤「椰皇燉雞」- 清甜可口，秋冬要進補下🍂📍尖沙咀新港中心3樓

今日同為食小妹嚟呢度嘆過靚茶🫖，點心好精緻，好適合打卡，我哋點咗七樣嘢：🌟鮑魚酥～原隻鮑魚配上香脆撻底。👍🏻🌟松露紅菇～外表100%似菇🍄，咬落去有少少黑松露味，加上雜菌，幾惹味。👍🏻🌟和牛啤梨～外皮似咸水角皮，饀料有用黑椒同洋蔥炒過既和牛肉碎，份量唔多。👍🏻🌟沙田乳鴿～熱辣辣咁上碟，油香十足，肉質嫩滑。👍🏻🌟椰子雞湯～原個椰皇咁上，湯底清甜，雞肉較結實，唔油膩。👍🏻🌟炒蝦腸粉～用咗XO醬炒，好入味，好辣，好有獲氣。👍🏻🌟小豬草莓布丁～外型可愛，唔捨得食，草莓加乳酪做既。👍🏻兩個人埋單合共$379，即時入會可以用$50 Coupon，仲可以用優惠價叫指定點心！🤓

約左朋友係尖沙咀行街，行到咁上下肚餓搵食，上左新港中心3樓本身想去酒樓飲下午茶，貪佢平又多花款，但知客姐姐話已經截左單，鼎泰豐又早排食過，於是就轉去唐宮啦。由於抱住想飲茶既心態，覺得唐宮既點心款式比較少，可能商場唔想大家賣既野差唔多。不過唐宮出名係精緻。我地點左兩個涼菜，一個係鴨舌，一個係豬手鴨舌就一般，反而豬手就俾到驚喜。平時唔太愛食呢D既我，今次對豬手係無反感仲爭住食。佢個醬汁真係做得幾好。之後叫左乳鴿，一個海鮮粥，水煮魚春卷乳鴿做得非常好，係招牌菜。海鮮粥就樣樣都有D，都幾鮮甜。水煮魚春卷就幾特別，我唔食太辣既人都覺得OＫ而且好脆。食完正經野就叫侍應上堆個甜品呢隻豬仔真係幾得意，味道就一般。打下卡係OＫ既整體而言菜式味道都好好，環境都幾乾淨同舒適。

承蒙朋友仔既愛戴相約出黎食個晚飯約左係方便既location tst最終定左係新港唐宮.我地book 左8:30就哂所有人放工時間去到基本都唔算多人位置亦相對坐得舒服.我地就嗌左1. 原味& 麻辣乳鴒2. 醉大閘蟹 & 炒大閘蟹年糕3. 麻辣鴨舌4. 炸蝦多士5. 紅油炒手6. 鮑魚so7. 唔記得咩既啤梨外型咸水角8. 唔知咩既茄子外型蟹肉咩咩角9. 肉鬆手抓餅.係 真係好多4個人食飽到嘔我淨係點名覺得好好食架先.首先係隻原味乳鴿超好食 熱辣辣又比埋手套你好體貼味道又唔會太咸or 無味外皮脆肉又juicygood.個麻辣鴨舌好入味唔會麻辣分開既感覺鴨舌lun lun 下慢慢趙喜歡.大閘蟹我無食醉大閘蟹但聽朋友講酒味香濃而且尚算有糕係唔錯ge.鮑魚so 仲有d 類似菌類既係底個撻底似似地豬古力味反而味道又幾fit幾夾喜新鮮不妨try 下.其他就normal 啦都幾好食朋友一齊食咩都好啦.btw 因為朋友請ge 一餐就無問價錢喇開心生日飯本集。完

同兩位朋友黎食唐宮小聚，之前係荃灣分店食過，味道唔錯終於再黎round 2-沙田乳鴿必食的，皮夠脆，肉唔會好「鞋」不過今次食有少少咸，食完好口渴！-牛肉叉燒幾特別又豬肉又牛肉咁味道好夠 岩岩好，但有啲肉質比較un -椰皇燉雞好好飲，好有椰香味！唔會好咸，下次會再飲-非常山竹個名好得意，其實入面係蟹肉為主，外皮好脆好似咸水角咁-冰鎮咕嚕就同平時食既咕嚕肉差唔多，多叫左冰係到搞到佢凍哂😂都係鐘意食熱既咕嚕肉多啲-大肚婆炒飯唔會再叫，冇特別，仲衰過普通既炒飯味道好淡-酒釀丸子好多粒丸子，好味，甜度岩岩好

星期日係尖沙咀上堂, 約朋友落堂後聚會由於係5點幾落堂, 一心諗住時間早可以walkin任何餐廳!但真在太天真了, 海港城間間都爆滿, 閒閒地都等1.5-2小時於是行去新港中心, 點知上到3樓 平時好墟冚 今日竟然唔洗等位!1. 非常山竹 $49/3個個名好得意, 個樣仲得意 內裡係龍蝦汁+蟹肉, 好新奇! 味道都唔錯! 2. 沙田乳鴿 $39/隻每次食唐宮必叫! ! 好香 肉好嫩!! 皮脆汁多! 3. 牛肉叉燒 $159又係唐宮必叫之一!! 好好食, 牛肉好嫩, 好香黑椒味!4.  椰皇燉雞 $69/位超香椰香!! 好清甜既燉湯, 無其他多餘既配料同味道!唯一問題就係雞件比較柴5. 冰鎮咕咾 $109睇落去份量好少, 點知食極都仲有仲食唔曬啖啖肉, 表面少少脆, 唔會太酸太甜 !6. 酒釀丸子$39/位最後食埋個甜品埋尾! 丸子超多, 不過就略嫌唔夠味, 應該唔會再叫 最後埋單$847! 

🇭🇰唐宮小聚的新派點心 造型吸引～book mark左呢間野好耐🤣題外話 一去到坐低 見到隻碟有幾隻蚊嘅圖案喺隻碟度 幾得意幾搞笑🤣🤣今次去左試佢嘅晚餐😆見到d特色菜式 樣樣都想試😍😍封面呢個拼盤 係自由選擇3/6款唔同嘅小食 組成嘅拼盤～我哋揀咗鴨舌 好似台灣老天祿咁入味 麻辣👍🏻黑松露雞 雞好滑 加上黑松露香 呢個應該要單點嗌一碟 好食‼️而茄子就冇咩特別～鮭魚燻蛋 煙三文魚加上似溏心蛋 但蛋黃比起溏心蛋 更濃～好正 呢個配搭我中意😋蝦多士 炸粉太厚 多士好脆～但好油🥲唔推介黑金流沙包 見好多人有打卡所以嗌左～果然名不虛傳 雖然啲餡唔係特別多 但係d奶黃味 勁濃郁 好好食‼️‼️👍🏻辣子雞 佢好特別地配左一個芒果醬 以防有人唔食得辣 可以點呢個醬 意外地無唔夾 反而覺得呢個配搭幾新鮮🤣同樣佢哋d炸物 都做得唔係咁好 偏油 炸粉厚～牛肉叉燒 肉質勁軟淋 重牛味 必嗌的一道菜✨✨冰鎮咕嚕肉同臘味煲仔飯一般水準 不過不失🤭但係個外型兔仔嘅榴槤糯米糍 超級難食！好似一舊麵粉咁 完全冇榴槤肉 麵粉同榴槤嘅味道比例係9:1😂😂😂😂總括而言 呢間餐廳 有好多新穎嘅小菜🤭而且性價比極高 嗌咗13樣嘢食

唐宮小聚幫襯過兩三次，尖沙咀同埋荃灣分店都試過，兩間都覺得水準不俗。因為可以用優惠價換乳鴿，所以我哋每人一隻，乳鴿外表有光澤，亦都醃得好入味。椰子燉雞湯清清地都幾好飲。每樣食物嘅擺盆都有啲心思，冰鎮咕嚕肉會用一大盤冰咁上，影相一流。芥蘭都會佳𠝹成鋸齒型，有個好好聽嘅名叫做龍鬚芥蘭。三文魚溏心蛋嘅三文魚都會整成好似一朵花咁。最後我哋驚唔夠飽仲叫咗個荷葉飯，點知一上碟嘅時候嚇親，真係非常大呀，最後我哋都食唔晒要打包拎走。

唐宮小聚曾經係我幾鍾意嘅餐廳之一，可惜隨住越來越多啱口味菜式下架，已經越來越少幫襯。手頭上仲有少量coupon年尾到期，啱啱好呢次用完應該都會停一停。-🍖沙田乳鴿 $39男朋友最愛，每次嚟都堅持一人一隻唔肯share😃乳鴿係呢度嘅招牌菜，基本上係每枱必點。肉質嫩滑又有油香，對得住招牌菜頭銜有餘😎-🥘炒蝦腸粉 $89是日MVP🏆 XO醬辣辣地好惹味，大蝦爽口彈牙有調味，整體配搭有驚喜，再嚟唐宮會encore👍🏻-🍍火焰菠蘿 $139試新野，呢個其實係紅咖喱炆牛肋條，上枱嘅時候會點火，名副其實🔥🍍！另外加左$19白飯諗住撈咖喱食一流，點知原來無乜汁🤦🏻‍♀️好在牛肋肉份量都唔少，咖喱滲入左菠蘿香味幾特別唔會唔夾。呢道菜整體質素不過不失，試一次🆗-總結：有特色中式點心小菜，希望可以保留或者出返更多啱我口味嘅菜式🙉整體還是推薦的✔️

新洒樓嘅營運方式，有別於一般茶樓，今次呢間亦都冇問我哋要咩茶，但食物方面就好fusion，好多傳統嘅點心亦都加入左新嘅創意，造型亦都好精緻吸引。 環境方面，都坐得舒適嘅不過就好凍，啲茶同埋上菜好快已經凍哂，唔知係咪marketing嘅手法呢要你早啲走。等位嘅人都好多，相對上酒樓嘅人手就比較少，所以舉手嗌點心嘅時間都相對較長。 食物方面我覺得唔錯，點心嘅選擇未必有一般嘅酒樓咁多。但味道方面都唔輸蝕，流心奶黃包，包皮都夠薄，咬落去啖啖汁。涼拌方面揀咗三樣，黑松露雞，鴨舌同埋茄子，不過份量就好小，黑松露雞味道好唔夾，唔好食。。。特別想提大肚婆炒飯，入面有藜麥紅米，薑米，感覺上好健康，但炒出黎都粒粒分明嘅，係低卡選擇。

唐宮小聚經常聽朋友提起，說點心很精緻/打卡很好看什麼的，一直以為只是點心賣相可以，今次一嘗之後發現點心味道跟新派造型的賣相匹配得上。 黑金造型流沙包，每台必叫的點心，包體鬆軟，一口咬下去奶黃和鹹蛋黃配搭恰到好處。超級喜歡💕 水煮魚春卷，咬下去要小心滾燙的麻辣汁，真的有釀進魚肉，味道趣怪。

🌟牛肉叉燒🌟超正好好味真係食一碟完全唔夠喉，如果你同我一樣都係咁鍾意食牛嘅就一定要試😋，仲有💯炒蝦腸粉💯連我個嘴刁老公都讚口不絕👍🏻，另外個👍🏻蟹蝦蜆粥👍🏻(入面真係見到成隻蟹咖)果然真材實料唔怪之得碗粥咁入味👦🏼仔仔連食咗2碗都話未夠要再食😂，另外仲有籠好得意嘅😍豬仔包😍係爆漿咖(未食之前朋友仲話應該係普通流沙餡，點解一咬係爆漿，佢食完直頭讚有水準)如果熱食更加無得輸👍🏻，乳鴿唔使講一個字正😍必食下次一齊會再去😋😋😋😋😋

因為在公司附近，所以偶爾都會去social place 用膳。一向都很欣賞他們點心的創意：）一向都會點的是松露紅菇、黑金流沙包和三色蝦餃。松露紅菇造型特別，黑金流沙包奶黃味很香濃。三色蝦餃有點新意，食落也新鮮，不過就不太適合一班人嗌黎share，始終三個都唔同味！一個人都會想試晒三隻味。那次還點了和牛啤梨包。牛肉餡好香，外皮煙韌。用百力滋黎做個的啱啱好，好睇又好食！午巿去，人比較多。位置不太大，但也和其他客人也有一定距離。個人而言我覺得味道不錯，但價錢比較高，又不太吃得飽（他澱粉餐單選擇不算很多，不合我口味便嗌不了）。適合帶長輩去食！

💎總評分：7.5/10-呢間中菜館一直出名食點心，創新好食賣相特別，啱晒打卡📸。小編今日6大2小嚟到dinner，menu太吸引，唔太肚餓都叫左成20樣野🤭，個個食到超級飽。1️⃣ 沙田乳鴿 $39/1隻乳鴿係呢度signature之一，好多枱都有叫，一坐底已經俾定手套你方便食乳鴿👏🏻。水準的確唔錯,外皮香脆，唔好睇佢細細隻都幾多肉下🐦，咬落有肉嫩多汁，每人半邊剛剛好👍🏻。2️⃣ 和牛啤梨 $55/3件 ；非常山竹 $49/3件兩款點心異曲同風，都係咸水角D FD，外皮放左一陣先食都keep到脆身，煙靭得嚟唔會痴牙✅。啤梨外型馬上諗起GagiNang 嘅咸水角，前陣子小編都review過！不過呢度入面嘅餡料就用左和牛配以黑椒調味🐂，好香口。「山竹」入面嘅龍蝦汁🦞同蟹肉🦀味道濃郁，同時滿足到視覺同味覺～推介🌟!3️⃣ 黑金流沙 ; 小小熊仔 $49/3件兩款包都熱辣辣，做到超級爆漿效果💥，用手MID開一定掂到湧出嚟噴泉，食時要小心。流沙包充滿蛋黃香味🥚，好食；熊仔入面係朱古力餡🍫，小編覺得有點太甜，作為甜品倘可，小朋友應該會好鐘意。4️⃣ 松露紅菇 $49/3件呢款包唔係流心款，但一MID開就已經聞到陣

火焰菠蘿好多人以為係菠蘿炒飯，但其實入面係紅咖喱牛肋條，同菠蘿🍍冇乜關係～食開小辣嘅人表示幾辣花雕醉雞$79份量都算多，酒味香濃，但雞可以再滑d醬汁鴨舌 $79麻辣味好香，味道唔錯，份量唔算多 總括點心比肉類出色