吉壽日本料理 (已結業)

食品有改變，炸野出黎都係熱辣辣，時間入座差5六分鐘未人齊，帶位員有禮貌安排入座，安排得唔錯服務員工都好有禮貌，比之前改變左好多以往，快，但冇質素但而家，員工禮貌多，值得一讚價錢方便中間，野食多選擇，刺新好新鮮

因為係平日下午去食，人都唔算多，環境幾舒服。不過，唔知點解個梳化背個度有個好大既洞，好難俟，坐得唔係奶舒服🤣🤣刺身好新鮮，甜蝦好好味，不過有少許比order送少左既情況。🤔食物款式唔算多，但質素唔錯架！都有湯，有小食同甜品。🤗特別推薦羊架，唔硬，有羊味，好味道！值得一食呀！🤤🤤🤤🤤仲有榴槤波波都好食！一次過食左3個，熱辣辣，脆卜卜🤣🤣🤣🤣但個雪糕杯就真係麻麻地.....d味有d唔自然

街上看到寫$180一位在八點四十五分都好抵食就和朋友訂座再來這裡吃放題，來到都幾多人，坐下來用qr code就可以叫食物，飲品方面都幾多，但熱食就偏少，雪糕一人一杯，食物質素刺身都不錯，不過吞拿魚就太瘦。壽司份量細細粒可以食多幾件，熱食夠新鮮，雞粥二人份粥底可但雞得2舊。天婦羅凍左少少而皮有點厚身，雞翼好食夠惹味，通菜同炒蜆都食了二碟。八點半都差不多坐到十一點，每人結帳加一都不用二百抵食，但如果想要多點選擇就偏少。

以前食放題都係食夜晚，呢幾年多咗中午嘅放題，質素拍得住晚巿嘅放題！我地一行9人有大有細，最擔心嘅係限聚令要分開坐，不過餐廳好貼心，安排咗大長枱，有晒隔板，仲要坐得好鬆動一啲都唔覺得逼，畀個讚你👍我全家幾乎係刺身怪，所以一開波即刻叫咗2盤刺身，好新鮮😋三文魚厚切，吞拿魚無筋，章紅新鮮好令身又爽，仲有帶子、甜蝦、虎蝦、北寄貝，真係食完不停要encore😋😋😋壽司都值得order，飯唔太大舊，反而上面係厚切嘅魚生，食完唔會飽晒食唔落其他嘢然後係燒羊架，真係好好食，啲肉又林又滑，一啲都唔會乾憎憎同柴口，四大長老食完忍唔住再番兜咗幾次阿妹皮膚敏感慘慘豬乜都唔食得，點咗個雞粥竟然好好味，一口氣食咗2鍋🤣當然仲有鵝肝手卷、海膽手卷，一啖一個食唔停，最後唔少得雞軟骨、燒牛舌、榴槤炸彈、燒有機蕃薯仔、燒菠蘿等等，估唔到我地呢家人食咗咁多嘢🤣我地由12點食到3點，食足3個鐘，而且咁多嘢食一啲都唔貴，午巿放題人均消費都係150上落，65歲有長者卡仲有得平啲，夠貼心👍

食物新鮮，上枱快，每樣細細件，可以試多啲食物，我最喜歡食炸榴連球，炸芋球和燒菠蘿。好好味！我哋見到門口的收費牌，有長者優惠和小童價，於是多口問一問店員😅，為何沒有傷殘人仕優惠和如果大人只有小童的高度，會怎樣計算。店員禮貌地回覆：「不好意思！現時沒有傷殘人士優惠，不過，會特別善待有需要人士，例如：會幫助盲人點食物，坐輪椅的就會被安排較闊落的位置。侏儒也會當作小童計算....」我在廁所洗手時，剛剛見到員工，她會禮貌地提醒我小心地滑。因為放題收費平，所以沒有抱著什麼期望，但估唔到食物和服務一流👍所以下一次會再去食及介紹給朋友！😋😋

我食得最多次嘅日式料理餐廳入面呢間係唯一一間，無論晚市定係午市定食還是午市放題暫時都係首選呢一間！因為無論佢嘅食物質素定係服務態度我都認為係一流！亦俾個正評呢一間餐廳！我喺附近返工，lunch 有時都會上來食！因為佢價錢平，除咗定食仲有前菜湯飲品甜品再送小食！今日上來食，有少少失望！加價其次，無左小食，我都唔計較！最慘嘅服務態度令到我有啲跌眼鏡！！！！有位個時冇問題，平時一樣好好態度！但去到落order, 要劃紙，我睇唔到枱號喺邊所以漏空無顛！之後個男職員過嚟收紙，話「你下次寫返檯號窩！！」我聽到第一感受係「喝」！！我真係眼都凸埋...「哦！」左一聲！我望咗佢成2秒先識得俾返反應佢！如果唔係食放題，以後午市定食都可以唔使考慮！原本覺得加價都合理，但小食都無左，同平時其他餐廳定食有咩分別！仲要無啦啦俾人喝狗甘喝！！

星期六即日用openrice book 左5 點鐘放題，去到吾洗點等就有位，計埋加一二百蚊都吾洗，真係好抵食，食物種類都吾算少 。刺身推介虎蝦同帶子，雖然帶子切到細細粒，不過衣然好鮮甜。虎虾刺身都好新鮮，入口吾會霉，吾腥，試得過。另外海膽手卷d 海膽吾係伏，食得落口。😙😙炸雞軟骨脆卜卜，好香口，好味。男朋友就推介黃金虾， 熱辣辣咸香味濃，好正，佢一個人食左十隻都有。😂😂燒牛脷燒完一d 都吾老，吾乾，有肉汁。🤤🤤

真係好耐冇食過放題了，依間都算開咗好耐嘅放題店樣樣食物都平均唔會話有啲乜嘢特別唔好食，我覺得好過其他放題店，有時會覺得某啲食物唔好食。 價錢來講都算抵食，值得在你嘅一間放題店。

屋企人生日又唔想食太貴 緊係食放題😋食過好多次吉壽啦 覺得呢個價錢嚟講 吉壽係有好多種類揀 野食高質刺身好厚 啖啖肉嘅感覺好正 見到一大盤嚟到即刻好開胃🤤最後仲要每人有一杯Haagen-Dazs 為成餐畫上完美句號💜🤑 每人$210 加一

今日係新工第一次出糧緊要同🤴🏻食餐返豪少少！諗住6:00放工，6:15去到銅鑼灣牛大人，點知都係話要11:00先有位😫😫咁就轉戰旺角去🤴🏻幾鍾意嘅吉壽食放題😃😃上到去唔洗等位就開始用QR Code點餐，點完後約5分鐘食物就到枱，好快啦😆😆款式就大同小異，較出色嘅係蝦刺身幾爽口彈牙，羊架味香，食落有羊味又唔腥，炒青菜🥬夠新鮮改善嘅都有幾款：海鮮烏冬略嫌淡咗少少，但個粥品又鹹咗少少😣😣，手卷d紫菜係‘淋’嘅😕😕但比起同區其他放題係比較高質,唔單單係食物，服務、上菜速度、甚少漏單！憑呢幾點真係低讚👍🏻👍🏻

刺身好新鮮自助落單好方便服務生服務非常之好 羊鞍好好食😋 啲嘢食落單好快嚟雞軟骨有啲失望冇影到 嘢飲好多選擇👍🏻👍🏻👍🏻👍🏻👍🏻👍🏻💪🏼💪🏼💪🏼💪🏼💪🏼

半年了，疫情加減肥，終于要食啦！一揀日式放題，唔想失望，就係要揀穩陣嘅吉壽。果然，三文魚，甜蝦，燒鰻魚，吞拿，無令我失望！而羊架，今次我竟然食咗兩隻。滿足了。只失望咗一樣，就是飲品無咗椰青水，希望之後可以補充番！！！ 下次凖備去試下一間燒鵝店，試完話你哋知喇！！88！

因為疫情，大家好耐好耐冇約出黎。難得約到出黎，大家呢一餐都食得好放肆！！今次大家決定去旺角吉壽食個放題 (我應該未去過呢間)訂左位，夠鐘入座！直接講野食喇！我地四個人都覺得刺身同壽司都幾好食！燒物都ok，唔錯呀！天婦羅就麻麻地了！而我自己最鍾意食佢既壽司、油甘魚刺身、芝麻雞翼同燒羊架喇！整體黎講呢度既食物款式都算多，飲品都好多選擇，座位唔太迫，放題黎講，今次既體驗我比85分！P.S. 最後每人可以有一杯哈根大師雪糕！

難得終於有得晚市堂食啦🥳🥳🥳今次我就去咗呢一間吉壽日本放題🍣🍱🥟本身都唔係太大嘅期待 因為始終係第一次去食呢間野 後尾發覺呢間野嘅食物質素普遍來講都唔錯😍😍😍而且如果係7:30之前離座個價錢仲更加抵添啊唔單止啲嘢食唔錯 連啲店員手腳都好快👍🏻👍🏻基本上叫咗嘢食之後冇幾耐就會上齊而且食完嘅碟都好快手收返唔會令到張枱好亂👏🏻👏🏻👏🏻小弟都幾鍾意食鰻魚㗎呢度嘅鰻魚味道都唔錯😍而且比較驚喜嘅係 佢有一樣創意料理：係用沙律醬、芝士、鰻魚同玉子整成嘅壽司🤩味道相當唔錯唔覺意encore左好多次😋😋😋仲有一間唔錯嘅放題店呢度嘅雪糕當然唔係維記雪糕啦🍦🍦🍦但係就只限一杯不過既然係Häagen-Dazs咁我都滿意㗎啦😻😻😻整體來講係一次唔錯嘅放題經驗🤗🤗🤗如果想慳錢嘅話可以好似我咁早啲去食重抵啲㗎🤑而且人又少啲冇咁迫都冇咁驚會受疫情影響啦☺️☺️☺️

吉壽日本料理 (旺角) 📍旺角彌敦道655號胡社生行5樓實在太耐無食放題啦，忍吾到口，而疫情有所放緩，決定黎旺角吉壽大吃一餐。🍣🍱🍥🦪🍲入座後即送上兩個膠袋比我地笠住口罩😷，進出拎飲品野食都需要配戴口罩。另外，已經轉左做電子下單，不用再好似以前咁用✅紙。減低同店員接觸之餘又環保♻️食物方面，一如既往刺身是重點，希靈魚應該浸左糖水，無理由甜得不自然。甜蝦刺身🦐鮮甜滑捋捋，蘸豉油同芥辣可提鮮。最無得輸重口味之選一定係榴槤波波，熱辣辣，入面糯米非常軟糯，加埋爆漿熱騰騰的榴槤，口腔充滿榴槤香💕紫芋圓都好好味😋食飽之後仲每人送一杯哈根達斯雪糕🍦，今次是草莓🍓味，奶香重，草莓🍓味濃😍總結：午市放題加埋一都係193元一人款式種類繁多 抵食#旺角#吉壽日本料理#榴槤波波#放縱#放題#新鮮熱辣#刺身壽司🍣