又一戟

營業中

休息中

記得之前出街要戴口罩的日子，想掃下街都唔太方便。到了2023年，依家終於可以除口罩，所以今個周末特登去葵廣掃下街先！葵廣掃街第五站，到又一戟食甜品！阿華田脆脆醬Ｘ雪糕班戟 ($39)最近係雪糕關注組見到有開心果雪糕班戟，本身打算叫開心果雪糕班戟而去的，但可惜當日已經賣哂，所以就改變主意食阿華田脆脆醬Ｘ雪糕班戟 ($39)。由於人太多，等左15分鐘左右終於有得食。一拎上手時，個班戟表皮仲要係脆的，所以一影完相就係咁咬！雪糕可以自選味道，而我今次揀左朱古力。阿華田脆脆醬佢比得勁多，咬到最後都仲要食到的，超正！以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分又一戟網址: https://s.openrice.com/QrbS0E5W000~uKZISBA地址: 葵芳葵富路7號葵涌廣場3樓85B號舖

第一次嬲到要寫劣評想卑人鬧既先好去幫襯店員無禮貌 問一句閙你十句嘈得滯聽唔到號碼只係想話大聲D聽唔到, 咁就不停比佢閙現場咁嘈聽唔到唔出奇個整餅女人就話你行開左 (其實冇行開過)叫我聽書要留心又話係得我一個聽唔到講真你唔想服務客人嫌辛苦就唔好開鋪搵錢啦多人幫襯就唔當客係人最後係退錢比我叫我唔開心唔好食 生意好就揀客做, 超巴閉佢應該唔記得左當疫情時冇咁好生意既時候P.S. 個整餅女人最惡, 另外個阿叔同阿嬸有樣學樣閙埋個客一份, 唔理乜事

每次嚟葵芳，我一定會幫襯托依間，因為已經開咗好多年而且係好好味🤤 隨著愈來愈多鋪頭競爭，鋪頭都增添左好多款式揀！但我都系最愛食佢既士多啤梨🍓班戟！😝😝雖然每次都要等候佢即時整，但都係值得嘅！

去到葵芳必定會去葵廣行下 入面有非常多小食店同女仔買野既地方 所以無論閒日定假期都人頭湧湧去到頂層 見到又一戟都排緊隊 我地好快揀好左士多啤梨班戟加雪糕 拎住number等食大概過左5分鐘有喇士多啤梨班戟+雲呢拿雪糕第一啖咬落去 食到一大pat Cream同士多啤梨 啲士多啤梨🍓都幾甜 小小酸 Cream上面仲有啲朱古力topping😋十分滿足呀🫶🏻 食到一半左右會食到雪糕 中間仲有小小餅碎 就到底都仲會有士多啤梨🍓佢呢個甜品兩個人食岩岩好

🚸 葵廣第一pancake又一戟由中學食到依家，係「歡迎埋黎試雪糕」另一老店！賣緊3️⃣0️⃣幾蚊之餘，即叫即整，班戟香脆又多料，希望呢個味道可以保存落去🥹🌮肉鬆+蛋+紫菜：招牌之一，足料又飽肚。🌮香蕉🍌+花生醬+朱古力：香蕉加熱完香甜似吉士，雖然高熱量但健康的小食。味道：🔅🔅🔅🔅新鮮：🔅🔅🔅🔅🔅衛生：🔅🔅🔅🔅（5🔅為滿分）

🍴法式焦糖燉蛋雪糕班戟 $42 (8/10)個皮微焦，香口煙靭，焦糖燉蛋個焦糖係脆嫁，好香濃雲呢拿味，好重忌廉奶香，口感好creamy好滑，勁好食！豆腐雪糕帶冰感，有豆香，忌廉香而不膩，全港最抵食又好食班戟🥺推薦指數: 8/10冇得輸，暫時食過最好食！

🍮焦糖法式燉蛋x豆腐雪糕賣相打卡一流✨布丁旁邊有一圈勁厚既忌廉，望到都覺得邪惡😈布丁層焦糖燒到脆卜卜，入面就好滑溜😍餡料除左有球雪糕外，仲加左阿華田粉同木糠，令層次感更豐富💛個人覺得配豆腐味岩岩好，中和返布丁既甜味👍🏻🐽紫菜肉鬆雞蛋+芝士入面既沙律醬落得一d都無手軟，每一啖都食到酸甜既沙律醬味，越食越開胃😂而且紫菜同肉鬆既味道都好夾🙈芝士係老闆推薦我加既，果然無介紹錯(雖然真係好肥)🥹每次去葵廣都見到呢間舖排長龍，真係唔錯🤤又平又好食❗️但係建議大家要share食，唔好睇佢好似細細舊，食曬真係好飽💁🏼‍♀️

第一次嬲到要寫劣評店員無禮貌 完全唔當客人係人錢就識收 規矩又唔講清楚 轉個頭又要鬧人想卑人鬧既先好去幫襯當日買完食物卑完錢 呀嬸就咁俾咗張號碼（98號）俾我 就無理我佢冇叫我企喺側邊等 亦無講明果叫號碼就唔整食物卑我 我見鋪頭好多人就去行開左個圈再番去問店個呀叔98號整完未呀叔即刻勁無禮貌話我要整餅唔答問題呀嬸勁晦氣咁講你自己聽啦見佢地叫緊2號 已經過左98號我就再問多次 呀嬸先話我走左 所以唔整叫我重新等卑錢個陣你冇講清楚要企喺你店舖面前等之前幫襯過佢地都係整完放落雪櫃 過咗號碼都可以返去拎返衣架勁冇禮貌 有錢都唔想賺咁嘅樣仲話冇時間唔想等就唔好食講真你唔想服務客人就唔好開鋪搵錢拉衣加多人幫襯就唔當客係人講真呢d鋪甘無禮貌 質素越嚟越低見佢整親啲餅底全部都係爛既你地想卑人鬧既先好去幫襯

幫襯左10幾年，材料越來越少，幾個星就加一次價。士多啤梨雪糕班cake由兩年前$27，一個月前加到$40，今天已加到$42，水果仲越來越少，pancake皮也越來越細塊。

呢間相信應該係葵廣最元老級嘅掃街必食pancake，以前食$16嘅年代已經不復返，而家店家多咗好多新口味，仲開發埋我至愛開心果🥰作為開心果控一定要試吓😛今次呢個開心果奶醬雪糕班戟 ($38)店家落開心果醬真係亳不手軟，真係由頂到底都係食到勁多開心果醬🤪 因為店家唔畀影相，所以影唔到畀大家睇佢哋幾豪爽咁大刀闊斧咁大大pat將啲開心果醬搽落去😳 雖然奶醬甜度較高，但係開心果味真係好濃郁，佢個醬texture係比較厚身，仲會食到好多開心果粒💚雖然揀咗雪糕係雲呢拿味，叫做可以balance下，不過加埋啲cream同埋朱古力醬係會有啲膩，最好就搵人同自己share啦🍫

屹立左咁多年嘅老字號 ，出晒名大件夾抵食 平日都長期有人龍🫣，不過佢地手腳快， 都唔洗等太耐👍🏻更值得欣賞既係老字号 ，不停會出新款吸引唔少年輕客仔，可以是食唔厭之選🤩今次試左 芝士蛋糕配曲奇雪糕味，好重手👍🏻嗰兩件芝士蛋糕就咁響餅店買都可能值$20🤣當然唔會期望佢有好重嘅芝士味，但係口感唔錯，奶味香濃 👍🏻外被依舊keep到水準，煙韌口感加上曲奇雪糕係簡直係絕配一個人得一個肚， 唯有下次先試法式嘅蕉糖燉蛋口味搭啦🥹

最近太忙好耐無出食評🥹🥹🥹希望大家仲會睇下🙈先講一間鍾意左好多年既葵廣小店大家應該都會認得吧而家仲係大排長龍😱佢甜同咸嘅班㦸都好好食今次見到有焙茶味雪糕就毫不猶豫揀甜😍😍好難無食仲係好好食！佢既班㦸全部即整 仲熱辣辣同好有層次會有雪糕同cream皮薄但有蛋香味食到最後仲剩低好多cream但呢個焙茶一啲都唔會話太甜仲好有滿足感🥰🥰為我最近忙碌生活添加一點點幸福感果然食好西係最治癒人心既好方法💓📍又一㦸地址：葵芳葵富路7號葵涌廣場3樓85B號舖#hkfoodie #hkfood #hkfoodblogger #hongkongfoodie #hkdaily #hongkong #hkfoodshare # #hkgirl #foodie #scone #852foodie #foodlife #hongkongfood #hkeat #hkig #cafehopping #hkfoodreview #香港好去處 #葵芳美食 #葵廣美食#相機食先 #香港 #香港美食 #葵廣小食 #又一㦸 #焙茶雪糕 #pancake #happyfoodie_葵芳

幫趁左超過十年、搬離葵青區先食少左！今次撒底失望、應該係時候不再掛念。以前新鮮做即食、塊皮仲暖最緊要係乾淨、昨日再食、等左15分鐘左右、用最期待的心情接住個雪糕班戟、點知😢😢見阿叔一手執個雪糕球上去醬上面、已食慾大減、再望塊皮黐實晒黑色一點點熱板上的污垢、買左$43都唯有試搵位咬兩口、塊班戟凍冰冰、應該整左一段時間、唉😮‍💨、無期望喇、浪費錢又浪費時間等仲浪費我既期待，想去既、真心勸你再諗下先！

試咗一鹹一甜嘅pancake，鹹味叫左辣肉腸pancake加芝士、甜味叫左石板街(朱古力味雪糕)。本身以為pancake只可以甜味，估唔到鹹味都咁夾！辣肉腸芝士pancake好多辣肉腸！又多芝士，可以拉絲🤭🤭勁正！仲要係即叫即整，熱辣辣，足料又夠飽！💯💯💯石板街pancake都好好食！😋😋😋佢面頭勁多棉花糖💕個雪糕又超大😍😍最緊要佢好多cream，勁綿密嘅 cream😋😋好夾🥰🥰好好味道！真係食過返尋味🤪🤪

明明自己找錯錢仲將責任推落我身上，睇返cctv，明明我著白T，又話見到我比＄100，比＄100個位人士係著黑T 架😡，做錯又吳認，不知所謂。比錢時話冇甘快，叫我一陣返黎拎。遲左兩個no.，佢係到發脾氣。話我係衰客人，阻住佢做生意。前言不對後語，一時又話一陣返黎拎，一時又話企係到等。真係甘重要。就應該同人講清楚，或者大字寫出黎，叫人吳好行開。服務態度差到爆。係到發脾氣熄燈話吳做，轉頭3秒米又開返燈。垃圾。半粒星都吳值！