元元酸菜魚

營業中

休息中

今日同朋友嚟到鑽石山行街行到晚餐時間準備搵食咁啱見到呢間係食酸菜魚嘅我哋都好想食 又未試過呢間所以決定入嚟試試佢啦～叫咗全日二人套餐可揀1個主食酸菜魚/水煮魚仲有1個冷盤、1個小炒2個白飯、2杯飲品- - - - - - - - - - - - - - - - - - - - - - - - -1. 酸菜魚(主食)魚肉份量十足 滑溜冇骨同埋見到入面都有唔少配料芽菜、黑木耳、豆卜、萵筍、薯粉湯底用咗唔少香料製成 夠晒惹味感覺有啲似某間雲南米線嘅麻辣口味入口既麻且辣 每樣食材都入晒味加埋酸菜 酸酸辣辣咁送白飯一流2. 雞絲粉皮(冷盤)好鍾意呢度嘅雞絲粉皮夾起嗰陣 粉皮唔會黐到實晒透明質地柔軟又有彈性加埋切成絲狀嘅雞肉同青瓜仲有最重要嘅係佢個醬份量好夠 每啖都有醬汁精華感覺有少少花生醬味道 好香～另外仲有4款冷盤可揀3. 招牌紅燒肉(小炒)＋熱柚子蜜(飲品)估唔到呢度嘅小炒都咁好食啲肉肥瘦均稱 塊皮煮前應該有煎過吓因為佢有一定脆度 之後先加調味紅燒吸晒調味 顏色都偏向少少紅肉質煮到軟嫩多汁 啲汁都好濃稠又係可以送到一碗白飯另外仲有5款小炒可揀

有個人嘈住要食酸菜魚好耐😂今晚終於滿足到佢小小既願望🌟見到除左有酸菜魚，仲有乾鍋～差啲想變卦🙈但最後決定都係食左酸菜魚先，唔係下次又唔知要等幾耐🤣好大一盤～一眼望去滿滿既魚片同料，兩個人食晒佢已經好飽🙈辣度可以自己揀，由於某人唔太食得辣，所以今次揀咗小辣～湯底酸麻小辣，唔鹹，送飯送麵都好食👍🏻阿婆最怕食酸菜魚遇到勁鹹既湯底。魚片新鮮爽脆，分量好多，食到尾都仲有魚片🌟每片都好肥美♥️仲有嗦晒湯既豆卜同薯粉，超入味👍🏻除左芽菜酸菜，仲有萵筍片♥️阿婆最愛～雞絲同青瓜絲既量都比好多，撈起之後啖啖雞絲～好正🌟麻醬同青瓜絲個比例都剛好，食到麻醬既香濃同時又有青瓜絲既清爽～點食都唔怕膩♥️微酸辣既口味～腰果炒到好香口，雞丁夠滑🌟好惹味，送食飯就啱晒👍🏻好耐冇食既一款甜品～豆沙綿密香甜，餅皮口感微糯👍🏻好吃～

2023終於結束 最後一日梗係唔會同人哋迫🤣當然留喺屋企叫外賣啦👯以家好少會出去倒數 🔟9️⃣8️⃣7️⃣6️⃣5️⃣4️⃣3️⃣2️⃣1️⃣怕有排迫 好難番屋企今日突然好想食酸菜魚🐟🐠即係上Open Rice睇下附近邊度有睇左間叫元元酸菜魚 價錢又幾抵wo即刻叫完外賣去攞 番屋企慢慢嘆😎

男朋友最愛酸菜魚就嘗試下呢間 餐廳環境木系及淺綠作主調，好清雅舒服！座位闊 坐得好舒服 吾會迫地點方便 鑽石山地鐵站上面 5分鐘可到 元元酸菜魚點了小辣、魚好滑、配上芽菜、酸菜、寬粉、菇、簡荀、豆卜⋯…配料吸曬湯的精華 好入味！味道酸酸辣辣好開胃 沙姜豬手沙薑雞食得多 今次試吓沙薑豬手大大碟 雪凍咗 爽脆豬手補充骨膠原 做頭盤最岩 喎，夏天食真係一流！解下暑紅糖糍粑 軟綿綿糯米 加上紅糖做餡料 係我最鍾意食嘅甜品 作為結尾 一定要點一份！