八方台式麵屋 (九龍城廣場)

營業中

休息中

來到九龍城午膳，選擇台式料理「八方台式麵屋」。鮮蕃茄牛肉湯麵~~台式牛肉是牛展肉，厚厚的、又大大片，烹調得宜，吃起來肉質柔嫩，細膩，搪著流心的糖心蛋甘香可口，去皮的鮮蕃茄吃起來更暢快，軟滑麵條掛鮮蕃茄湯吃，令胃口大開。濃香麻醬麵~~濃香麻醬撈麵吃得滿腔麻香，麻醬配軟滑麵條口感滑捋捋。兩款可口小食：夜市花枝丸~~香酥、鮮甜。煎原味鍋貼~~皮薄饀鮮，實而不華。熱黑糖珍珠鮮奶&凍芋圓奶茶~~兩份味道我較喜歡熱黑糖珍珠鮮奶，喜歡它質地較幼滑綿密。

難得出開去九龍城買嘢，就順便喺嗰度食埋午餐。平時都係食開泰國菜，但係今日唔想食辣野就去咗九龍城廣場搵食，一見到「八方台式麵屋」即刻諗都唔使諗就入去，因為好耐冇食過台灣菜啦😌店舖裝修風格同用餐流程都係以簡快餐式為主，而且門口外面可以直接買到外賣台式飲品🥤入去搵到位坐低之後就可以喺點餐紙上面揀自己想要嘅食物落單，食完之後先出收銀度俾錢💲我哋兩個人食，所以叫咗一個麵一個飯套餐。套餐真心抵，$49或$60已經有一個主食加小食同飲品。食台灣料理一定要食滷肉飯是常識吧😆滷肉汁唔會過鹹又夠香濃，用嚟撈飯簡直一流🤤而且滷肉又唔會太肥，肉質軟軟的～至於麻醬撈麵，店家好貼心地已經將麻醬同面撈勻，確保每一條麵條都沾有麻醬，食落滿口都係芝麻嘅香味😍炸物同飲品亦做得出色，鹽酥雞好夠入味而且雞肉嫩滑。黑糖珍珠鮮奶嘅黑糖真係比足料，珍珠夠煙韌同入味，鮮奶嘅奶脂亦都唔會過重而飲落好膩，成個感覺係啱啱好👍🏻蜂蜜檸檬同樣好足料，飲得出係落咗新鮮檸檬，仲帶有少少檸檬皮嘅油脂香同澀味。下次經過就算唔坐低食嘢都會再買飲品😙

朋友最近去咗台灣旅行，日日都見到佢喺IG度post台灣美食，好羨慕呀。咁啱家姐見到九龍城廣場新開咗一間台灣麵店，就叫咗我一齊食，實在忍唔住啦～黎到嘅時間大約7p.m.，但可能係因為疫情嘅關係，食客唔算好多，我諗都係喺附近住，黎試吓新餐廳嘅人。P.S. 想睇餐牌可以碌到最底。我叫咗個台灣乾拌系列($52)，有一個主食同一個小食揀，仲可以用套餐價加嘢飲。首先係濃香麻醬麵（單叫$34），麵入面仲有啲配菜同滷水蛋。呢個麵嘅麻醬味道十分濃郁，感覺好真材實料。小食方面我揀咗原味鍋貼５隻（單叫$20），再加咗黑糖珍珠鮮奶（單叫$27）。原味鍋貼嘅味道不過不失，而且冇配上任何醬汁上枱。我諗加啲甜酸醬或者醋應該會好好多。　而黑糖珍珠鮮奶，我真係超級鍾意！佢有5個甜度同3種冰度比你揀，十分貼心。我就推介微甜同少冰啦～一個餐又點夠我哋食呢？我哋之後再叫咗個大腸拼小腸($27) 外面嘅糯米腸口感十分煙韌，但係個醬就略嫌甜咗少少，扣咗少少分，唔係嘅話就perfect啦～店員又推介咗呢個招牌豬腩刈包（$32）入面嘅豬腩非常之香口同入味，加上芝士醬就更加正，而青瓜又可以令成個包清新啲，感覺冇咁濟。唯一我唔鍾意嘅地方