姚姚酸菜魚 (希慎廣場)

營業中

休息中

比人感覺好energetic好新穎嘅酸菜魚，水煮魚餐廳！除左酸菜魚都有麻辣野同川菜。姚姚酸菜魚拼番茄魚 $308佢有雙拼選擇，一次過可以試兩種口味，啱曬食辣同唔食辣嘅朋友。 出乎意料地個蕃茄魚竟然超級好味🤤👍🏼👍🏼👍🏼，個湯好濃好重蕃茄🍅（濃過譚仔三哥蕃茄湯底）。招牌湯底就唔算太辣，不過會愈食愈辣😽。魚嘅質地幾滑幾嫩，不過附菜唔算多，所以我哋另加料！加咗萵筍冇咩特別，啲薯粉索咗湯就更加好食，湯汁包住所有薯粉帶出蕃茄嘅鮮味。 不過酸菜有少少鹹，兩邊食就balance返。姚姚脆奶 $58呢個脆奶有四件個皮有啲厚，所以食落有啲濟。記得趁熱食凍左就唔好食。藤椒無骨鳳爪 $68唔算好辣，個份量都好大，有少少麻，酸酸地幾開胃！👍🏼🌟彩虹烏龍冰粉 $68呢個甜品好少見，啲冰粉好有口感，有紅豆提子乾又有啲酒糟，好有特色，感覺比其他甜品健康！唔太甜，有好多種味！推👍🏼👍🏼分量適合2-3個人食。鍾意食酸菜魚嘅就值得一試，如果食得辣就可以試埋佢個麻辣香鍋同水煮魚啦🤟🏻PS 員工們都係靚仔小鮮肉🫢哈哈

偶然間想食酸菜魚🐟，都會諗起姚姚，因為魚肉大大片幾有水準。前排又同朋友去食了～❣️餐廳用上鱸魚，白雪雪魚肉，好嫩滑，而且可以暖住咁食，邊食邊傾計都唔怕❣️tiffany blue設計都幾柔和舒服🐟 姚姚酸菜魚拼番茄魚 $308（2人份）- 用上有水準鱸魚，可以一次過食到兩款口味，每邊都有一條魚，的確幾抵食- 個人比較鍾意酸菜魚，酸菜好香口，加上蒜片粒粒夠惹味。魚肉片片彈口，好夠麻香入味- 另外蕃茄味用上粉絲底，配番茄粒粒夠濃香🍲 麻辣香鍋- 點左5款配料- 雞翼、雞軟骨、花菜、四季豆,千葉豆腐，份量都幾多，炒得辣香惹味🔥- 個人最鍾意雞軟骨，炸香過夠脆夠香口，而且好多粒！另外雞翼都炸到夠香口。- 菜類比較索味，所以都比較辣呢到嘅辣都幾入味，有機會再來食🐟🐟

最近都幾經常去食酸菜魚，熱辣辣天氣凍食最適合不過！朋友推介呢間人氣酸菜魚專門店，果然無介紹錯。原來不只酸菜魚，仲有番茄魚、水煮魚，樣樣都好大盤。選擇困難症嘅我，決定點雙拼款- 酸菜魚拼番茄魚！🐟姚姚酸菜魚拼番茄魚$308 (2人份)-大大盤魚用熱爐興住，慢慢食/相機食先都唔會怕凍左！每邊都用上完條魚，平均一人可以食一條，勁滿足。用上新鮮鱸魚，texture夠滑香彈口，片片厚身無骨有皮，啖啖肉好正！-個人比較鍾意酸菜魚，因爲辣度真係好正，雖然點了少辣，但辣味同痲香都好夠重，啖啖辣惹香滋味。-番茄魚可以用來balance返酸菜魚嘅辣味，湯底係好新鮮嘅濃香番茄湯，入面仲有好多番茄粒粒。魚肉上加左蒜粒，惹味得黎更能突出魚肉鮮甜味道。-另外加左寬粉，個人建議可以加落酸菜湯底， 吸曬惹味辣香精華，而且口感Q彈🐷香辣豬扒串串$98 - 調味好惹味，係少少辣好香口，啖啖軟嫩豬肉，值得食下！🌟新鮮水果烏龍茶$48-名副其實好多水果粒粒，有百香果、西瓜、菠蘿等，清新茶香味得來夠fruity 又唔甜。成日銅鑼灣出沒嘅我，真係覺得呢到可以話係同區最有特色嘅酸菜魚，一定再食！