德美壽司

營業中

休息中

入左沙田反工都有一年，不過就好少係沙田食晚飯，呢日收工後朋友帶我去河畔一帶搵食，原來呢邊好多野食! 行左一輪決定食日本野，因為都有3個幾月無食日本菜啦! 7點左右唔使等位就入得，服務員係我地同意之下安排左吧檯比我地。  吧檯位置都好闊落一D都唔逼，仲可以望到師傅整刺身同壽司。餐廳食物選擇都好多，我地睇左一輪都揀唔定，最後索性點左個二人餐，咩都有D丫嘛! 前菜有芝麻八爪魚(忘記影相)沙律好新鮮，最好味係個汁，好開胃! 刺身有三文魚，新鮮肥美! 小食有枝豆。鹽燒鯖魚好好味，好大條! 燒得好香好入味!有南瓜、蝦、茄子、冬菇、紫蘇葉。出面層炸粉唔算好厚，食落所有野都好新鮮，最好味係南瓜，因為好粉好有南瓜味! 飯炒得乾身配料都好多，不過有好多洋蔥粒炒所以我食左一小碗...(我本身唔食洋蔥)另外仲有牛肉鍋(忘記影相)，配料有牛肉、少少粉絲、菜、豆腐、冬菇、雞蛋。整體味道覺得一般，覺得菜有D老，牛肉都唔係特別好食。麵豉湯幾足料，最值得一讚係唔會好鹹，感覺係清清地既味道。我地另外叫左火炙左口魚裙邊壽司同赤貝壽司，左口魚入口即溶好好味 赤貝大大隻好新鮮爽口!!整體而言呢餐都唔錯，值得一試!

今次係第二次食德美啦，半年前食過覺得唔錯~今次同三五知己來食，所以大家想食就食，無就住叫，食左我地大家都期待既~今次book左位，去到等多2個字ok一坐低就叫左兩款刺身，分別係尾長鯛同薄切深海池魚。兩款刺身都好新鮮，深海池魚其實可以揀厚切同薄切，薄切比厚切貴$20，我地揀左薄切因為好似無咁'溜'! 深海池魚油份足夠，肉嫩算滑口，吞左落肚後個口仲有陣味，一碟大約10塊，一分錢一分貨啦！至於尾長鯛就無咁驚喜啦，但都不過不失。一開始叫左個蟹子沙律做前菜，雖然呢個係一個好普通既前菜，但大大碗$38好抵，味道唔錯，一上枱都令到女孩子們好開心。一板海膽，配紫菜同海鹽，正！ 隨後小食係清酒煮蜆，似清湯煮是蜆加幾滴酒，有酒香但無咩酒味，不過d蜆都夠肉地同無沙。券物方面就叫左牛油果軟殼蟹卷同煎鵝肝帶子卷，好足料，好味！今次又食返上次叫過既芥辣鐵板牛扒，呢個會配涷薯蓉及沙律醬，不過今次好乾及靭，失望 什錦天婦羅，讚！ 每項材料都好食，南瓜甜，冬菇厚有汁，蝦大隻爽！必叫啊！串燒方面叫左燒多春魚、魷魚鬚、燒雞皮大蔥，最期待其係燒雞皮大蔥，但係麻麻地，蔥太粗但不香，雞皮感覺似略煎而已。最後叫左櫻花蝦海老