每月好評餐廳十強今期有較多新餐廳上榜，當中都是一向獲得甚多好評的食店，包括日本料理小店三河屋、老字號公和荳品以及海南雞飯聞名的好時沙嗲。（Cover Photo by rani0_0）
| 排名 | 餐廳 | 好評減劣評數目 |
| 1 | 時新快餐店 | 19 |
| 2 | 宜家傢俬餐廳咖啡室 | 16 |
| 3 | 三河屋 | 15 |
| 4 | 澳門翠苑茶餐廳 | 14 |
| 5 | 公和荳品廠 | 12 |
| 6 | EXP | 12 |
| 7 | 勝香園 | 12 |
| 8 | 好時沙嗲 | 11 |
| 9 | Outback Steakhouse | 10 |
| 10 | 金華冰廳 | 10 |
*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。
注目上榜餐廳
日本人開的料理小店，老闆兼大廚來自日本愛知縣，曾經是高檔日本料理葵的總廚，其後於紅磡開了此小店，雖然位置隱蔽，裝修簡陋，亦為了迎合港人口味加入了數款港式日菜，如北海道忌廉湯配飯、豬骨湯烏冬等，但其餘的菜式味道仍很地道，材料盡量用日本貨。
yawaracya：北海道原隻燒魷魚：呢個等咗好耐先嚟，不過真係等耐d都抵，條魷魚好大條，個面有d脆，入面d膏多到瀉晒出嚟，食完陣魷魚味仲留響口度好耐，可謂齒頰留香。
不眠王子：海老天婦羅即叫即炸、脆漿夠薄、炸嘅時間掌握得好，炸起即上檯、外層熱辣辣香口鬆脆但又無丁點油膩、啖啖靚蝦肉仲好彈牙添！
天時暑熱，吃碗冰凍的豆腐花不止消暑更是透心涼，難怪公和於上個月好評數量增加。這間於1893年創業的荳品老字號，出品包括豆腐花、豆漿、腐乳等，每日用上近900斤黃豆，豆腐花用電動石磨機磨製，保持豆味亦令豆腐花更滑溜。
daubb：至於煎釀雙拼，豆腐好香豆味，而且煎得啱啱好。而豆卜呢，仲好味呀，佢先用湯煮過再煎，所以外面脆脆哋，一咬落去卻水份充足。
K.Sky：一口咬落去完全都唔同以前食過的豆腐卜，係有實在感唔似其它各心係好鬆好吉。加入上湯咬落去又香又多汁。
第六位 EXP
（Photo by 積奇祖安 ~為食之旅）
位處九龍塘大型商場的EXP，由於學生有九折，所以成為不少附近大學生的飯堂，菜式都主攻年輕大眾化市場，主打薄餅及意粉，菜式不論中西日越式都有，來這裡當然不會追求正宗地方菜的味道，但創意一定加分，例如鰻魚燒薄餅、煙鴨胸蟹肉炒飯等，合乎年輕人口味。
C and A：服務很好，自動加水，年輕人又有活力，效率高！加上食物質素，怪不得係一城中脫穎而出。
積奇祖安 ~為食之旅：芥茉西冷牛肉Pizza ($68) ~ <EXP>0既Pizza都真係整出好出色，餡料足夠，味道好，而且Pizza 0既外層脆而鬆化，好味!!!
向來都是人氣的海南雞飯店，雖然餐廳坐落人流較少的商場，但慕名而至的人還是很多。老闆兼大廚是已結業賣娘惹菜「沙嗲軒」的主廚，現時則主打新加坡菜，菜式不重賣相，最重要是味道，而且用料足，香料都由老闆親手調配，最馳名的海南雞飯即叫即拆骨，雖然菜式選擇多年如一，但仍然旺場。
富利薯：光顧了好時數次，差不多每之都必點辣椒蟹。個人覺得配合簿餅同吃是最好的，惹味的汁跟又熱又香的簿餅是絕配，比配白飯或法包都好得多，試過吃剩的汁拿回家，配牛油多士或撈公仔麵都是一絕。
黑雪公主：海南雞個雞飯，真係好香，好夠味，個湯仲好味，d雞都好夠滑，唔錯唔錯。