漢堡包店愈開愈多，想突圍而出，喺配料同口味設計都要花多啲心思。開飯仔搜羅咗4間有外賣自取優惠嘅特色漢堡包店，等大家安全抗疫之餘，同時可以食好啲又慳下荷包。
配料必加炸黑啤洋蔥圈 Sick Burger （馬鞍山） 
呢間地區小店喺疫情期間開業，而身兼主廚嘅負責人，曾於多間米芝蓮餐廳同香港知名餐廳任職。呢度主打嘅手工牛肉漢堡，用美國安格斯牛肉製作，有單層、雙層同三層選擇，配上芥末蛋黃醬、番茄醬、小黃瓜等配料幾開胃。想再豐富啲可以追加配料，例如惹味嘅炸洋蔥圈就用黑啤做炸漿，香脆中帶淡淡麥味。
外賣自取指定食品8折起
圖：餐廳（FB）、Yiuyiusw
餐廳不定期送出食物，詳情可留意官方Facebook更新 | 圖：餐廳（FB）
酒香十足 Tipsy burger（鰂魚涌）
鍾意飲酒嘅朋友，呢間小店嘅漢堡包，每款都有酒精同無酒精版本，好似威士忌雙重芝士和牛漢堡，會連埋裝住威士忌嘅小試管畀食客自行加入。而唔同口味嘅漢堡包配唔同嘅酒，例如伏特加配吞拿魚海膽醬牛油果漢堡、朗姆酒配椒麻香脆雞堡等。另外天婦羅漢堡則只有無酒精版，將金菇、茄子等天婦羅加上紫菜、青瓜等清新爽口嘅配料同芝麻醬，製成日式風味嘅漢堡包。連同忌廉芝士蘑菇釀雞翼、含酒精嘅牛油果醬玉米片等脆口小食，幾啱重口味嘅朋友。
圖：
圖：al!ce
多款特色牛堡 B.O.T.H. by Texas Burger（荃灣） 
呢間餐廳係本地品牌Texas burger嘅姊妹店，而店名「B.O.T.H.」則指Backyard of the House。喺度有多款用美國安格斯牛肉製作嘅西式牛堡，牛肉手工切成唔同粗幼度嘅肉碎後，口感更有層次。其中卡爾谷煙薰車打牛肉漢堡配上微辣嘅墨西哥辣椒蛋黃醬；而特級鴨肝牛肉芝士漢堡則配上鵝肝、芝士、洋蔥等配料，油香十足。餐廳亦不時推出限定口味，例如小龍蝦牛肉漢堡。想成餐嘅配搭多元化啲，亦有松露蟹肉蛋白吐司、廣島蠔水煮蛋等輕食。
外賣自取享全單9折
圖：餐廳（FB）、Fluffyfoodie
圖：芝味×亞洲風味漢堡包 La Casa Burger & Pasta（上環＋九龍灣 ）
La Casa將水牛芝士、芳天娜芝士、菲達羊奶芝士等芝士配搭唔同肉類，創作出西冷黑松露水牛芝士漢堡、黑毛豬芳天娜漢堡等獨特款式。另外重有少見嘅亞洲風味漢堡包，例如酸中帶微辣嘅炸魚泰式莎莎醬漢堡，以及帶椒麻香味同花生碎嘅烤雞四川麻辣醬漢堡。佢哋最近喺九龍灣開設分店，但留意返兩間舖嘅外賣自取優惠略有不同。
外賣自取指定食品9折
圖：除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
^即減HK$10優惠條款及細則：https://bit.ly/3sWJJ3P
文：Cathy.Ｃ