疫情愈來愈嚴重，相信唔少人都選擇買外賣返屋企食就算～今期繼續介紹多間外賣優惠餐廳畀大家，有大家日日都掛住想去嘅日本、韓國及台灣嘅菜式同埋西餐，無得飛住都可以繼續味遊世界先！

板長壽司(全線分店) 指定食品7折／其餘食品8折

壽司呢就食極都唔厭嘅～今期呢間人氣壽司連鎖店推出指定食品7折優惠，40件嘅壽司只係$266就食到，抵到爛！包括蝦天婦羅芝士卷、加州卷、芝士飛魚籽軍艦及三文魚等～款款都好新鮮。火灸三文魚腩壽司都係人7折，充滿三文魚油香，一入口微微溶化。另外其餘單點食品如壽司、刺身、手卷及小食都有8折。

Kim's Spoon(全線分店) 全單7折

性價比幾高嘅韓國菜～而家買外賣仲有全單7折添，鍾意韓國嘢嘅朋友唔好錯過。選擇好多元化，由韓式小菜定食、伴飯、紫菜包飯、餃子到炸雞都有得食。推介烤鰻魚飯，鰻魚無骨啖啖肉，魚肉都幾厚身，配埋香甜嘅醬汁送飯一流。另外紫菜包飯大件又足料，有特選、牛肉及炸豬扒三款。韓食小食方面有供應香辣惹味嘅粉年糕，炒粉絲及開胃清新嘅炸豆腐柚子醬沙律等。

Goobne Chicken(全線分店, 屯門店除外) 指定食品7折／指定食品8折

喺屋企都可以好似韓劇咁食雞飲啤酒㗎！呢間人氣烤雞轉門店主打多款烤雞及韓式料理，相比起傳統韓式炸雞更健康～招牌原味烤雞以傳統方式烤製，雞味香濃又juicy。蜜糖咖喱脆烤雞都好推介，咖喱配上蜜糖令烤雞味道更有層次，食多幾件都無問題，而且大部分嘅烤雞都有8折優惠㗎。除咗烤雞外，一樣咁香口嘅泡菜煎餅同海鮮煎餅仲有7折添～

Deer Kitchen(荃灣、觀塘) 指定食品7折

唔想煩食咩，呢間西餐嘅二人餐同四人餐都幾抵食。四人餐只係$498就包兩款小食、兩款主食、一款pizza及飲品。主食方面推介蟹籽蟹肉明太子扁意粉，充滿蟹肉鮮甜及明太子嘅鹹香，卜卜脆嘅蟹籽令到口感更豐富添。小食呢焗明太子蟹肉酥盒、黑松露薯條、玫瑰柚子蜜雞翼及明太子芝士焗大啡菇都係人氣之選。

九份飽(全線分店) 指定食品7折

好掛住台灣滷肉飯呀～呢間台灣菜嘅懷舊滷肉飯味道夠晒正宗，滷肉切成一粒粒好有存在感，肥瘦參半，醬汁濃淡適中，唔會太重藥材味，濃郁嘅醬汁配埋白飯，真係好似去咗台灣咁，而且仲好貼心咁分咗大碗同小碗添！飲品方面珍珠奶茶、黑糖珍珠奶茶等都有8折。

買開外賣嘅可以用埋呢個抗疫雙重優惠，輸入優惠碼「TAS88」#消費滿$50，即享全單88折！另外仲有抗疫晚市限定優惠，輸入優惠碼「TAS20」^消費滿$200，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！               

仲等？按此立即落單    

#抗疫雙重優惠：https://bit.ly/34OUF9G (最高可獲$15折扣)
^抗疫晚市限定優惠：https://bit.ly/3G1OrBi