一年一度嘅情人節晚市無得堂食雖然好可惜，不過各位情侶們唔使灰心，就算兩個人買外賣返屋企食都可以好豐富同好有儀式感㗎～今期開飯仔精選咗五間餐廳畀大家，包括日式燒肉專門店、人仔日式西餐、慢煮多國菜、人氣西餐及台灣滷味過江龍，用埋OpenRice外賣自取服務落單更有折頭添～

牛角Buffet/牛角日本燒肉專門店/牛角次男坊(全線分店)  全單8折/指定3款丼飯8折

日本燒肉專門店及另一間主打燒肉丼嘅兄弟店～燒肉店呢就做緊全單8折優惠，二人前燒肉套餐包括多款前菜、美國上級牛頸脊、豬頸肉、豚肉燒及雞腿肉等，唔食牛都有主打豚同雞嘅套餐揀，好貼心。平時呢間燒肉店長期大排長龍，所以買外賣返屋企慢慢燒都唔錯！而主打燒肉丼嘅兄弟店指定3款丼飯8折，包括鴨肝牛角次男坊丼、鴨肝豚肉丼及安格斯牛頸脊丼，碗碗都好足料。

荳子Beans(全線分店) 6PM前全單9折/6PM後全單7折/6PM後抗疫套餐$42

好有人氣嘅文青風西餐，主打多款意粉、薄餅、意大利飯及漢堡等菜式。招牌黑松露軟殼蟹意大利粉黑松露份量一啲都無手軟，啖啖意粉都係濃郁嘅黑松露味，軟殼蟹香脆又啖啖肉～另外安格斯牛肉漢堡．焦糖洋蔥．車打芝士．太陽蛋．薯條都好受歡迎，安格斯牛肉肉味濃仲好juicy，配埋甜甜地焦糖洋蔥、半溶嘅芝士及流心太陽蛋簡直一流！

The BASE nature(荃灣) 指定食品半價

同伴侶口味唔同嘅話，可以考慮吓呢間好多元化嘅多國菜，今期做緊指定菜式半價，好似二人共享套餐折後$128就食到，真係超抵！套餐包括糖醋木耳、芝麻有機沙律、脆炸大雞扒配甜豉油及珍珠飯、韓式泡菜牛肉配珍珠飯及溫泉蛋及餐飲兩杯～另外一款二人套餐都做緊7折優惠，包括澳洲黑安格斯MB2肉眼牛扒及蜂蜜燒加拿大自然飼養豬鞍扒配巴馬火腿，啱晒食肉獸。

Holly Brown(全線分店) 指定食品7折

呢間餐廳主打各類西式菜餚，包括沙律、漢堡包及意大利麵等～必試有慢煮乳豬配薯條，慢煮過嘅乳豬肉質好軟腍，但外皮仍然保持香脆，一入口有兩層口感，好正！另外辣肉腸精選薄餅都係人氣之選，材料有salami、蘑菇、芝士及番茄，食落酸酸甜甜又帶有salami嘅鹹香，Pizza都好薄同香脆，食多兩件都唔膩。 

燈籠滷味(全線分店) 全單8折

被台灣媒體譽為「北市第一加熱滷味」，係唔少人遊台必食！呢度嘅滷汁用上台灣總店嘅祖傳滷湯，用桂皮、花椒及甘草等數十種材料製成，鮮味又帶些少回甘。食物選擇方面，最正梗係有得好似車仔麵咁自由配搭，最受歡迎食材包括甜不辣、牛腱肉、高麗菜、杏鮑菇、花枝丸及白蘿蔔，配埋台灣人最愛嘅王子麵就最地道！最近餐廳喺中環威靈頓街開埋分店，附近嘅上班族又多個選擇喇。

最後當然唔可以錯過情人節外賣自取優惠碼，輸入優惠碼「LOVE」#消費滿$200，即享全單8折！另外仲有抗疫晚市限定優惠，輸入優惠碼「TAS20」^消費滿$200，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！             

仲等？按此立即落單

#情人節優惠碼：https://bit.ly/35k4UDp
^抗疫晚市限定優惠：https://bit.ly/3G1OrBi