香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
講到香港人最熟悉的味道，一定非中菜莫屬，看似簡單嘅中菜其實有好多派別，如廣東菜、川菜及潮州菜等，所以今年開飯熱店嘅菜式組別中，特意將以往嘅廣東菜派別擴大成中菜，等大家投票時有更多選擇！
老字號潮州菜 陳儀興飯店
圖: Belle.
一間於新蒲崗發跡嘅五十年老店，將軍澳店一開就大受歡迎。打冷必食嘅蠔餅盡顯師傅功架，蠔餅香脆唔油膩，每粒蠔仔都好新鮮。蠔仔粥都不得不提，一啲腥味都無，每一啖都係蠔嘅鮮味。鹵水鵝件肉嫩得嚟仲有鵝肉香，而且鹹淡恰到好處～
黑色型格氣派中菜 六公館
圖: 如果鍾意食物高質環境又好嘅中菜廳，呢間絕對滿足到你～走黑色型格風，高樓底兼多面落地大玻璃同埋無敵維港靚景，真係好有氣派。供應一系列精緻嘅中菜及點心，如松茸羊肚菌海膽燴飯，中西合璧嘅一道菜，但松茸同海膽味道意外地夾，好鮮味！千絲蘿蔔酥都值得一試，外皮相當鬆軟，內餡甜糯軟腍。
米芝蓮中菜小館 大圍小館
圖: cakelicious
古色古香嘅中菜館，以抵食又有特色而聞名，2022年仲獲得米芝蓮推介添。必食招牌勾魂叉，聽到個名就知唔簡單，選用梅頭肉，會於上菜時即席塗上15年嘅陳皮醬，跟住會用火槍將叉燒外皮燒至燶邊，配埋旁邊金鳳脆米一齊食，食落外層卜卜脆！另外薑米蒜香籠仔蒸蟹飯、腐乳流心蝦丸同冰花蛋球都係菜單人氣之選～
辣得過癮 麻辣派對 
圖: Nairbbb
鍾意食辣嘅朋友一定聽過嘅餐廳！店主曾經去過四川學藝，所以菜式味道都好正宗㗎。菜式分為水煮、香辣及酸辣類，酸菜魚係每枱必叫，魚肉嫩滑無骨，湯底酸同辣平衡得好好，而且仲配埋薯粉，份量十足。口水雞都係其中一樣川菜必食菜式，花椒嘅香氣好濃郁，雞肉吸收晒醬汁，香辣惹味。
超人氣大排檔 楚撚記大排檔
圖: ppppmmm
一間好有人氣嘅大排檔，經常都要排隊先食到。菜式加入唔少創新元素，如香煎黑松露手打蓮藕墨魚餅，外層煎得香脆，彈牙之餘食到墨魚粒，蓮藕又增添咗爽脆口感，黑松露味道都好突出。原隻脆皮炸豬手都不可錯過，外皮香脆肉質嫩滑，配酒一流～當然唔少得椒鹽系列，如椒鹽粟米及椒鹽九肚魚等人氣菜式啦。
另外5間入圍嘅中菜包括點心到 MIX·大排檔、樂天皇朝、憶食尚臘味煲仔飯、逸東軒及四季芬芳，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。 投票期內完成兩個投選組別的參加者即可自動參加*大抽獎，贏取豐富獎品！
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
