香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
食飯前訂座留位是常識吧，一嚟唔使等到天荒地老，二嚟仲有大把訂座優惠，慳時間又慳到錢～今年入圍訂座組別嘅餐廳，包括日式放題、羊肉主題火鍋、休閒風Cafe、沙灘泰國菜餐廳、復古風比利時餐廳等，揀到心水嘅記得去投佢哋一票呀：
抵食日式放題 御滿屋日本料理 
圖：餐廳（FB）
食日本菜食得滿足又唔傷荷包，放題可以話係不二之選。旺角呢間日式放題店設有唔同價位，菜式多達128款！你可以盡情任食由日本空運到港嘅新鮮刺身，如大目吞拿魚、蜜柑真鯛薄切等，仲有蒜蓉燒生蠔、黑松露油伴和牛薄切、海膽杯等，另外製作壽司、燒物、一品料理、煮物等冷熱菜式全部一應俱全。
羊肉主題火鍋 快樂小羊火鍋餐廳
圖：一睇店名，相信大家都估到呢間餐廳主打羊肉火鍋！餐廳只選用天然牧場放養嘅6個月大幼羊，肉質嫩滑；配搭嘅湯底，以老雞、牛棒骨等36種配料熬製而成，鮮香美味。另外亦提供蒙式烤羊料理，其中烤串用溫熱嘅鐵板盛載，上檯時仍然散發陣陣香氣。
木系休閒風Cafe How To Live Well
圖：Cafe畀人寫意嘅感覺，而呢間更融入生活方式概念、設計工作室同製作室元素，以木系休閒風格打造一個放鬆身心嘅空間。餐廳主打西日料理，提供明太子忌廉汁煙肉意粉、雙層芝士和牛煙肉日本蛋漢堡等款式，特別一提嚟得呢度冇可能唔試佢哋嘅scones啊，外脆內軟又鬆化。食完嘢可以睇埋店內從日本進口嘅產品，包括手工製作嘅家居裝飾、特色簡約服裝，享受埋shopping樂趣𠻹。
沙灘餐廳嘆泰北菜 泰道
圖：西貢碼頭沿海濱長廊方向上行10分鐘左右，會去到大網仔海灘，坐喺岸邊呢間泰北菜餐廳，室內外座位都可以望住水天一色嘅靚景，吹住海風開餐，寫意度爆燈！食物由泰國廚師主理，更從清邁等地入口香料，炮製泰式濕炒河、鴨肉生菜包等人氣菜式，好似去咗芭堤雅海邊度假咁，夠晒relax~
復古風比利時餐廳 FRITES Belgium on Tap
圖：環境闊落，加上採用歐陸教堂彩色玻璃等復古設計嘅比利時餐廳，無論同一班朋友聚餐，或情侶嚟拍拖都好啱。主打嘅澳洲Kinkawooka青口鮮嫩多汁，提供忌廉、地中海等口味；另外分量十足嘅龍蝦海鮮意大利飯都值得一試，配埋比利時桶裝啤酒，則更加突顯風味。
另外入圍嘅訂座餐廳仲包括Yadllie Plate、Paper Moon、仙后餐廳、普慶餐廳、花月庭、Glasshouse Greenery、牛大人台灣火鍋吃到飽、The Grill Room、Greyhound Café Galleria、新羅寶韓國餐廳、南海一號、Flames、The Optimist、VA BENE Italiano、Velo Italian Bar & Grill、Greenhouse、濟州燒肉食堂、FUMI、Peko Peko Eatery、湊湊火鍋‧茶憩、安平燒肉、柞木炭家、舍、J.moon及Outdark，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。投票期內完成兩個投選組別的參加者即可自動參加*大抽獎，贏取豐富獎品！
活動詳情（按此）
立即投票（按此）
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
