要食到原汁原味嘅海鮮，蒸氣火鍋可以話係不二之選，而呢兩間餐廳分別有任食放題同1人主題套餐，無論聚會或獨食嘅朋友都照顧到。留意指定套餐用OpenRice訂座同時訂餐有優惠𠻹～

【68折起】「即捕」海鮮蒸氣火鍋/放題 醉辣鮮 (天空之城)  

[1人用,2位起] 人氣龍蝦蒸氣火鍋海鮮套餐[未連服務費] （訂座按此）

[1人用,2位起] 蒸氣火鍋肉蟹海鮮放題套餐[未連服務費] （訂座按此）
[2人用] 快閃第二位半價！蒸氣火鍋肉蟹海鮮放題套餐[未連服務費]（訂座按此）

自己「即捕」嘅海鮮餐，有得食又有得玩～呢間餐廳設有魚缸供應活龍蝦、肉蟹、大蜆等，全部都可以捉按套餐自己夾。兩款套餐供應嘅海鮮7款起，例如龍蝦會視乎季節，嚟自澳洲、波士頓等地產地；大大隻嘅肉蟹則嚟自馬來西亞，另外北海道元貝、本地蝦、東南亞地區嘅時令沙白都好新鮮。兩款套餐都配上是日老火湯、紅棗杞子蟲草花蒸雞，啱晒需要滋潤一吓嘅都市人。

幾個魚缸都放滿海鮮，讓食客自行「捕捉」

熱辣辣嘅是日老火湯同紅棗杞子蟲草花蒸雞，滋潤又增加飽肚感

招牌肉蟹幾大隻，亦係放題套餐中大受歡迎嘅任食款式之一

海鮮都好飽滿，而鍋爐下層嘅粥底吸收晒海鮮嘅精華，鮮味滿分

醉辣鮮 (天空之城)  
地址：元朗錦田高埔村110號天空之城地舖

【9折】1人前海鮮蒸氣火鍋晚餐 船渦  

[1位用] 八府巡按海鮮蒸氣火鍋晚餐 [未連服務費] （訂座按此）

[1位用] 「九五之尊」豪歎刺身海鮮蒸氣火鍋晚餐[未連服務費] （訂座按此）

一個人食海鮮都可以好豐富！呢間融合日本元素嘅蒸氣火鍋餐廳，所有套餐分別加入前菜、刺身、炸物等，令配搭更加多元化。今次優惠套餐嘅海鮮盤包括9至11款海鮮，如北寄貝、鮑魚、扁蟶子、蟹、龍蝦等，但最特別一定係「九五之尊」套餐嘅斑馬瀨尿蝦，有手臂咁大隻，肉質仲好鮮甜。兩款套餐都可以配南瓜芋頭粥或蟹膏蟹肉粥，而湯底就有原味魚湯、麻辣魚湯、鮮茄魚湯同翅骨濃雞湯可以揀，口味比較多花款。

「八府巡按」可自選蟹或蟶子皇

「八府巡按」嘅炸物，有香口嘅餃子同芝麻雞翼；而肉類包括安格斯牛肉、豚肉片、雞腿肉同三寶丸

「九五之尊」嘅海鮮多達11款，完全滿足獨食嘅海鮮控呀

時令海膽嚟自日本、加拿大等地，生蠔則主要嚟自法國同蘇格蘭，款款鮮味突出

斑馬瀨尿蝦橫跨整個爐面，非常大隻，配埋澳洲M5和牛夠晒豐富

船渦  
地址：銅鑼灣謝斐道500號維安商業大廈3樓