香港人得閒都要放鬆下嘅，例如同朋友一起去酒吧嘆手工啤酒。如果你都係手工啤酒嘅粉絲，就唔好錯過呢間喺堅尼地城新開嘅酒吧餐廳，因為佢地唔單止將澳洲嘅酒廠搬嚟香港，仲有一款現場釀造嘅香港限定口味啤酒！

手工啤酒係指由獨立酒廠釀造，產量有限嘅啤酒，比起大量生產嘅啤酒更有地方特色。例如普通啤酒為咗控制成本會用粟米等穀物釀酒，而手工啤酒就主要用麥芽同啤酒花，再按照釀酒師喜好調控。

隨住越嚟越多香港人開始注意手工啤酒，喺澳洲相當出名嘅Little Creatures就嚟到香港開佢地嘅第一間亞洲迷你釀酒廠。坐喺開放式釀酒廠前，仲可以直接同釀酒師交流，搵到屬於你口味嘅啤酒。

Pale Ale(美式淡艾爾啤酒)係佢地嘅招牌出品，精心挑選兩種嚟自美國西北部嘅啤酒花，喺麥芽嘅苦味當中加入花果香，味道獨特而口感醇厚。亦係澳洲經典手工啤酒之一。

而Early Days Ale就係佢地特別為香港人釀造嘅限定啤酒，苦味比Pale Ale淡但一樣清爽，Easy Drinking適合平時覺得苦而比較少飲啤酒嘅女士。

相反，如果你獨愛豐富粗獷嘅啤酒花香味，又或者烘烤麥芽嘅味道，咁你就可以分別選擇佢地嘅IPA或者Roger’s Beer。新鮮釀造嘅啤酒唔單止可以喺酒吧飲到On Tap嘅杯裝或者樽裝，鐘意嘅話更可以買1或者2公升嘅壺裝！

美酒之外更有佳餚，從早餐、小食、Pizza、意粉、飯到甜品都一應俱全。唔單止放工可以嚟飲杯啤酒享受Happy Hour，週末或者假期亦可以同同家人嚟個悠閒Branch亦得，得咗！