更多
2019-10-23
5451 瀏覽
第一次上黎悅來既中式酒樓食 lunch,坐係大玻璃既旁邊，好開揚既座位，服務員態度都唔錯，上菜速度都算快。個人非常喜歡食芋頭類食物，所以點左個芋頭蜂巢酥，賣相好有驚喜，好靚，個天鵝頸部份應該食得，不過我無食到，因為太硬 haha 芋頭味勁香濃，蜂巢皮都非常鬆脆小籠包，湯汁非常 juicy 又多，要好小心咁食先唔會流到周圍都係，夾起之後先輕輕咬穿佢上面個皮，等佢涼少少再一啖放入口，好鮮味，正！三文魚撻係我貪得意叫的，份量非常少，但係撻皮夠香脆，三文魚亦好香油脂味，整體係好食的。明蝦沙律角，炸到好黃金色，粒粒均勻，又包到脹卜卜好得意。後面既係素腸粉，入面包住懷疑係白蘿蔔絲，口感幾好，會比較淡口味 d , 加 d 豉油食好味 d 大大粒既帶子燒賣，好足料，好好味，再加埋佢附有既辣醬黎食，超惹味呀。仲叫左個$188荷葉飯，不過唔記得影相，個飯就比較差，好濕之餘無荷葉既香味，比較失準的一款食物。呢度附有既小食作為前菜仔亦幾好味的，有豆角粒，有花生伴蝦乾，都非常可口！雖然點心既價錢會貴 d,但係都算係物有所值的！有機會都可以再黎飲茶
坐係大玻璃既旁邊，好開揚既座位，
服務員態度都唔錯，上菜速度都算快。
個人非常喜歡食芋頭類食物，
所以點左個芋頭蜂巢酥，
賣相好有驚喜，好靚，
個天鵝頸部份應該食得，
不過我無食到，因為太硬 haha
芋頭味勁香濃，蜂巢皮都非常鬆脆
小籠包，湯汁非常 juicy 又多，
要好小心咁食先唔會流到周圍都係，
夾起之後先輕輕咬穿佢上面個皮，
等佢涼少少再一啖放入口，好鮮味，正！
三文魚撻係我貪得意叫的，
份量非常少，但係撻皮夠香脆，
三文魚亦好香油脂味，整體係好食的。
明蝦沙律角，炸到好黃金色，
粒粒均勻，又包到脹卜卜好得意。
後面既係素腸粉，入面包住懷疑係白蘿蔔絲，
口感幾好，會比較淡口味 d , 加 d 豉油食好味 d
大大粒既帶子燒賣，好足料，好好味，
再加埋佢附有既辣醬黎食，超惹味呀。
仲叫左個$188荷葉飯，不過唔記得影相，
個飯就比較差，好濕之餘無荷葉既香味，
比較失準的一款食物。
呢度附有既小食作為前菜仔亦幾好味的，
有豆角粒，有花生伴蝦乾，都非常可口！
雖然點心既價錢會貴 d,
但係都算係物有所值的！
有機會都可以再黎飲茶
張貼
