更多
2020-10-09
1069 瀏覽
今天相約妹妹銅鑼灣逛逛日資百貨公司,夏季過去,總有清貨價,秋季來臨,新款新貨剛剛到,shopping好時機。黃昏時段附近搵個好地方傾偈食飯,《漁獲浜燒》似乎唔錯,乘電梯上18樓,餐廳佔一個樓層,環境唔算大,靠窗可以望到出面環境。店內有一些小角落,都方便三五知已歡聚傾計。刺身盛合(五款):甘口海膽、吞拿魚、鮮甜油甘魚、巨型赤蝦滑捋捋、肥美三文魚。特上漁獲浜燒盛合(二人前):海鮮拼盤未浜燒前會讓食客看看,鮑魚好新鮮,仲喐㗎,珍寶大蝦夠爽口、松葉蟹柳、生猛鮑魚、生蠔大大隻,入口嫩滑、帆立貝用咗兩種汁料浜燒,牛油燒及清酒燒, 個人比較喜歡牛油燒,味道香濃。牛肉石鍋飯~熱辣辣香噴噴,加入新鮮雞蛋,先搞勻混合好,飯焦香口脆卜卜。甜品試咗兩款:白桃雪芭味道十分清新,蜜桃控必吃。番薯雪糕實在有驚喜,第一次試到香濃蕃薯味的雪糕,食到尾仲可以食到番薯肉。最初店員介紹日本清酒/ 吟釀(720ml)買一送一, 可惜今日得兩個人,自己酒量麻麻,下次搵埋朋友一定要嚟試下。
黃昏時段附近搵個好地方傾偈食飯,《漁獲浜燒》似乎唔錯,乘電梯上18樓,餐廳佔一個樓層,環境唔算大,靠窗可以望到出面環境。
店內有一些小角落,都方便三五知已歡聚傾計。
刺身盛合(五款):
甘口海膽、
吞拿魚、
鮮甜油甘魚、
巨型赤蝦滑捋捋、
肥美三文魚。
特上漁獲浜燒盛合(二人前):
海鮮拼盤未浜燒前會讓食客看看,
鮑魚好新鮮,仲喐㗎,
珍寶大蝦夠爽口、
松葉蟹柳、
生猛鮑魚、
生蠔大大隻,入口嫩滑、
帆立貝用咗兩種汁料浜燒,牛油燒及清酒燒, 個人比較喜歡牛油燒,味道香濃。
牛肉石鍋飯~
熱辣辣香噴噴,加入新鮮雞蛋,
先搞勻混合好,飯焦香口脆卜卜。
甜品試咗兩款:
白桃雪芭味道十分清新,蜜桃控必吃。
番薯雪糕實在有驚喜,
第一次試到香濃蕃薯味的雪糕,食到尾仲可以食到番薯肉。
最初店員介紹日本清酒/ 吟釀(720ml)買一送一, 可惜今日得兩個人,自己酒量麻麻,下次搵埋朋友一定要嚟試下。
張貼