更多
2020-04-30
1679 瀏覽
今次黎到呢間私隱度高,食物質素又高既日式燒肉店。卡位好寬闊,而且碗碟全部都有雲石紋,好精緻!近門口位仲有bar枱既位置,感覺好似係日本小店既feel呢!肉食者有四款肉,分別係牛舌,和尚頭(大脾肉),肩胛同埋西冷。店員講解後兩款肉都係油脂比較豐富,前兩款就比較瘦,建議可以隔住隔住咁食。牛舌好厚切,而且切左啲格紋,方便咬開。燒肉店既牛舌真係無得頂!又彈牙又多肉汁,好正!肩胛肉質好靚,有豐富既油脂,好香好好食~和尚頭相對黎講肉質纖維比較粗,肉味濃。西冷比肩胛瘦啲,肉味比肩胛濃,但我個人就比較鐘意食肩胛啦。黑松露牛油果沙律一上枱就聞到勁香黑松露味!!黑松露比得勁大方,牛油黑粒上面都痴滿黑松露!沙律汁酸酸地,幾開胃。Wagyu Don飯上面有鵝肝,和牛,左口魚邊,拖羅碎同埋海膽,係一個膽固醇強勁既組合哈哈。鵝肝煎得外脆內軟,味道十分濃郁。和牛肉質比肉食者硬啲,肉味雖然比較濃,但我都係鐘意食軟嫩既肉多啲。左口魚邊燒到魚油滲出黎,既香口,又軟滑。拖羅碎同海膽新鮮度ok,不過味唔太濃。飯量唔算多,最岩我呢啲鐘意食餸唔鐘意食飯既人。和菓子望落去以為係超普通既團子,原來入面係有蜜瓜味既餡~個外皮一睇就知勁
卡位好寬闊,而且碗碟全部都有雲石紋,好精緻!近門口位仲有bar枱既位置,感覺好似係日本小店既feel呢!
肉食者
有四款肉,分別係牛舌,和尚頭(大脾肉),肩胛同埋西冷。店員講解後兩款肉都係油脂比較豐富,前兩款就比較瘦,建議可以隔住隔住咁食。
牛舌好厚切,而且切左啲格紋,方便咬開。燒肉店既牛舌真係無得頂!又彈牙又多肉汁,好正!
肩胛肉質好靚,有豐富既油脂,好香好好食~
和尚頭相對黎講肉質纖維比較粗,肉味濃。
西冷比肩胛瘦啲,肉味比肩胛濃,但我個人就比較鐘意食肩胛啦。
黑松露牛油果沙律
一上枱就聞到勁香黑松露味!!黑松露比得勁大方,牛油黑粒上面都痴滿黑松露!沙律汁酸酸地,幾開胃。
Wagyu Don
飯上面有鵝肝,和牛,左口魚邊,拖羅碎同埋海膽,係一個膽固醇強勁既組合哈哈。鵝肝煎得外脆內軟,味道十分濃郁。和牛肉質比肉食者硬啲,肉味雖然比較濃,但我都係鐘意食軟嫩既肉多啲。左口魚邊燒到魚油滲出黎,既香口,又軟滑。拖羅碎同海膽新鮮度ok,不過味唔太濃。飯量唔算多,最岩我呢啲鐘意食餸唔鐘意食飯既人。
和菓子
望落去以為係超普通既團子,原來入面係有蜜瓜味既餡~個外皮一睇就知勁軟熟(比我玩到就黎爛),餡竟然好清甜,完全無藥水味!好好食!
張貼