更多
2020-03-19
421 瀏覽
老公生日,接佢放工順便係佢公司附近搵間餐廳同佢慶祝,撐枱腳。搵下大埔有咩好野食,我想搵間環境氣氛好點的。最後搵左環境舒適寬敞的OPPA KOREAN RESTAURANT,一行到門口已經知道自己無揀錯餐廳,一眼望落去完全唔似一般韓燒店,反而有點似酒吧,而入面牆上充滿色彩繽紛的卡通塗鴉,好有特色,而背景不停播放住k-pop音樂。而餐廳抽風系統做得不錯,就算大半場都坐滿客人,空氣都算清新,。一坐低就送上三碟前菜,泡菜,芽菜同紫菜都好食,又唔算好鹹,食完店員仲會主動增添。去飲品櫃揀飲品,超多超多款,仲要款式都係比較特別的韓國飲品,特別推介呢隻入面有粒粒提子果肉的,而另一款用玻璃樽的有汽桃味飲品都好好飲,仲有少少酒精。我數過起碼超過20款飲品,另外紅白酒同生啤都有任飲,不過我同老公今晚都無咩飲酒。講返燒肉,首先,店員會送上一盤靚牛,由裝牛的盤都可以顯示出呢D都係好頂級嘅牛肉。A4黑毛和牛肩胛、A4黑毛和牛三角腩、澳洲和牛下腹腔、澳洲和牛脷、封門柳、鹿兒島牛柳粒、加拿大牛排骨、無骨牛肋肉等等。真係無誇張,款款牛肉都咁好食,因為唔同部位的牛肉都有唔同肥瘦,唔同油脂分怖,更有唔同口感,有入口溶化的鹿
一行到門口已經知道自己無揀錯餐廳,一眼望落去完全唔似一般韓燒店,反而有點似酒吧, 而入面牆上充滿色彩繽紛的卡通塗鴉,好有特色,而背景不停播放住k-pop音樂。 而餐廳抽風系統做得不錯,就算大半場都坐滿客人,空氣都算清新,。
一坐低就送上三碟前菜,泡菜,芽菜同紫菜都好食,又唔算好鹹,食完店員仲會主動增添。
去飲品櫃揀飲品,超多超多款,仲要款式都係比較特別的韓國飲品,特別推介呢隻入面有粒粒提子果肉的,而另一款用玻璃樽的有汽桃味飲品都好好飲,仲有少少酒精。我數過起碼超過20款飲品,另外紅白酒同生啤都有任飲,不過我同老公今晚都無咩飲酒。
講返燒肉,首先,店員會送上一盤靚牛,由裝牛的盤都可以顯示出呢D都係好頂級嘅牛肉。A4黑毛和牛肩胛、A4黑毛和牛三角腩、澳洲和牛下腹腔、澳洲和牛脷、封門柳、鹿兒島牛柳粒、加拿大牛排骨、無骨牛肋肉等等。真係無誇張,款款牛肉都咁好食,因為唔同部位的牛肉都有唔同肥瘦,唔同油脂分怖,更有唔同口感,有入口溶化的鹿兒島牛柳粒,亦好似封門柳咁有咬口,但咬落又一啲都唔會韌。
而除左牛肉頭盤,仲有一大條五花腩,肉和油脂層層分明,用生菜包住腩肉,再加上泡菜和燒肉醬,好好食又唔會肥膩。我們都點了豬頸肉,豬頸肉切得幼幼地一條條,但咁反而可以燒到好爽同嚼勁。
我們的任食套餐仲包了一盤海鮮。肥美帶子,有糕深海虎蝦,大大隻鮑魚。海鮮都好新鮮,其中帶子真係勁好食,加埋蒜蓉一齊燒,口感大大提升,而帶子質夠晒彈滑,正,連貝殼燒,D海鮮汁保留係殼中,更原汁原味,不過就要D時間才可熟透。但餐廳都幾貼心,帶子同鮑魚都事先起咗肉,虎蝦則切開兩邊,方便客人。
最後,原來仲有一人一杯雪糕,有MOVENPICK VANILLA同DREYER’S CHOCOLATE揀。 超飽,二個鐘好快就過去。都幾推介呢個江南海鮮燒肉 放題$ 368,而最好就係環境氣氛好好,食得好舒服好享受。
張貼