更多
2020-07-31
258 瀏覽
疫情之下減少咗出外用餐，因為新嘅抗疫措施，本來約咗同朋友嚟呢間小有名氣嘅西餐私房菜慶祝生日，亦唯有改成午餐，但一切安全至上，而且心意亦係最重要。餐廳位於工廈入面，唔係朋友介紹都唔為意呢棟樸實無華嘅工廈入面居然有一間頗為精緻嘅西餐廳。餐廳嘅風格非常簡約，黑白色嘅牆壁上面佈滿色彩鮮艷嘅手繪壁畫，配上米白色嘅枱布同椅套，播住令人感覺輕鬆嘅音樂，整體感覺非常舒服。一踏入餐廳侍應就為我哋探熱，而且亦安排我哋同其他食客隔開坐，令人感覺安心。朋友介紹呢度嘅fine dinner唔錯，令人印象深刻，午餐嘅食物雖然冇晚餐咁多，但價錢相宜，而且選擇亦算多元化。同朋友各自叫咗一份set lunch，包括前菜、主菜、甜品同飲品。先送上嘅係椰菜花西蘭花藜麥沙律，椰菜花同西蘭花非常新鮮，入口爽脆，加埋藜麥令口感更豐富，配上清新嘅香草醬令人胃口大開。燒黃桃配巴瑪火腿令人印象深刻，如果話Parma Ham係蜜瓜嘅最佳拍檔，初嘗呢道菜嘅我會形容佢同黃桃先係真正嘅靈魂伴侶！輕輕燒過嘅黃桃甜味突出，配上鹹香嘅Parma Ham同帶少少苦澀嘅火箭菜，完全係一拍即合！餐包上枱嘅時候熱辣辣，外表似豬仔包，入口煙韌有咬口，雖然簡單
餐廳位於工廈入面，唔係朋友介紹都唔為意呢棟樸實無華嘅工廈入面居然有一間頗為精緻嘅西餐廳。
餐廳嘅風格非常簡約，黑白色嘅牆壁上面佈滿色彩鮮艷嘅手繪壁畫，配上米白色嘅枱布同椅套，播住令人感覺輕鬆嘅音樂，整體感覺非常舒服。一踏入餐廳侍應就為我哋探熱，而且亦安排我哋同其他食客隔開坐，令人感覺安心。
朋友介紹呢度嘅fine dinner唔錯，令人印象深刻，午餐嘅食物雖然冇晚餐咁多，但價錢相宜，而且選擇亦算多元化。
椰菜花西蘭花及藜麥沙律配香草醬
25 瀏覽
0 讚好
0 留言
同朋友各自叫咗一份set lunch，包括前菜、主菜、甜品同飲品。先送上嘅係椰菜花西蘭花藜麥沙律，椰菜花同西蘭花非常新鮮，入口爽脆，加埋藜麥令口感更豐富，配上清新嘅香草醬令人胃口大開。
燒黃桃配巴瑪火腿
17 瀏覽
0 讚好
0 留言
燒黃桃配巴瑪火腿令人印象深刻，如果話Parma Ham係蜜瓜嘅最佳拍檔，初嘗呢道菜嘅我會形容佢同黃桃先係真正嘅靈魂伴侶！輕輕燒過嘅黃桃甜味突出，配上鹹香嘅Parma Ham同帶少少苦澀嘅火箭菜，完全係一拍即合！
餐包
11 瀏覽
0 讚好
0 留言
餐包上枱嘅時候熱辣辣，外表似豬仔包，入口煙韌有咬口，雖然簡單，但某程度上反映咗餐廳嘅用心程度，餐包除咗起住果腹嘅作用之外，好食嘅餐包更加會令人印象難忘。
水牛芝士菠菜意大利雲吞
$98
17 瀏覽
0 讚好
0 留言
主菜方面我揀咗水牛芝士菠菜意大利雲吞，外皮有咬口，菠菜嘅味道較為清淡，配上芝士味突出嘅醬汁，恰到好處。
法式牛油脆龍利柳配薯蓉
$158
14 瀏覽
0 讚好
0 留言
朋友嘅法式牛油脆龍利柳相當有驚喜，龍利柳用牛油煎香，表皮香脆嘅同時保留住肉汁，配搭嘅薯菜亦唔錯，特別係薯蓉，入口非常順滑。
柚子奶凍
14 瀏覽
0 讚好
0 留言
柚子奶凍
19 瀏覽
0 讚好
0 留言
是日甜品係柚子奶凍，香滑嘅奶凍面頭鋪上柚子肉同醬汁，配搭清新。
前: 朱古力咖啡(+$10) 後: 朱古力(+$5)
13 瀏覽
0 讚好
0 留言
近年來漸漸愛上喺工廈或者舊區中尋找小餐館，可能未必有高級餐廳或者黃金地段嘅優美景色，亦唔會有豪華嘅裝修同奢侈嘅餐具，但能夠用最貼地嘅價錢享用到高質素嘅食物，絕對係一件賞心樂事。
張貼
