更多
2020-09-04
805 瀏覽
喺而家困難重重之下想去台灣真係非常之難,咁唯有喺香港繼續覓食台灣野以回味一下台灣嘅味道🤣🤣🤣位於寶琳嘅四季良辰經常都有好多捧場客,相信佢哋都比好多正宗嘅台灣食物吸引住, 而的確價錢又唔太貴嘅情況之下確實可以支持一下。首先要推介嘅絕對係呢度嘅台灣麵,尤其是以牛骨作為湯底嘅牛三寶面,裏面包括牛筋牛腩同埋牛肚,呢三款都係牛之中最受歡迎嘅部位,配合埋龍龍嘅牛骨湯一齊飲真係有甜有鮮味,又唔鹹但同時又食到台灣嘅品味👍🏼👍🏼如果講小食嘅話相信炸墨魚丸都係一大特色,唔好以為係好似打邊爐嗰啲墨魚丸,而係依照台灣口味嘅手打墨魚丸仲要係大大粒,食落去當然會有墨魚肉,同時墨魚漿嘅味道亦都係鮮味十足,如果話香港嘅墨魚丸係彈牙嘅話台灣嘅墨魚丸會係飽滿軟糯❤️另外主菜方面亦都可以試吓正宗嘅三杯雞,同喺茶餐廳或者其他餐廳食嘢三杯雞略有唔同,醬汁要求煮得濃一啲,務求雞球盡快吸收醬汁嘅精華,以致唔會出現雞同埋醬分離嘅味道😉飲品當然都係呢一度嘅一大特色,飲品牌可以佔左足足一版,而且大部份都係喺出邊絕少見到,例如多多梳打。但台灣嘅嘢飲一定要數到奶蓋茶,所以今次就試咗奶蓋烏龍茶, 奶蓋嘅味道清新而不膩。配合一啖茶融合埋一齊就感受
位於寶琳嘅四季良辰經常都有好多捧場客,相信佢哋都比好多正宗嘅台灣食物吸引住, 而的確價錢又唔太貴嘅情況之下確實可以支持一下。
首先要推介嘅絕對係呢度嘅台灣麵,尤其是以牛骨作為湯底嘅牛三寶面,裏面包括牛筋牛腩同埋牛肚,呢三款都係牛之中最受歡迎嘅部位,配合埋龍龍嘅牛骨湯一齊飲真係有甜有鮮味,又唔鹹但同時又食到台灣嘅品味👍🏼👍🏼
如果講小食嘅話相信炸墨魚丸都係一大特色,唔好以為係好似打邊爐嗰啲墨魚丸,而係依照台灣口味嘅手打墨魚丸仲要係大大粒,食落去當然會有墨魚肉,同時墨魚漿嘅味道亦都係鮮味十足,如果話香港嘅墨魚丸係彈牙嘅話台灣嘅墨魚丸會係飽滿軟糯❤️
另外主菜方面亦都可以試吓正宗嘅三杯雞,同喺茶餐廳或者其他餐廳食嘢三杯雞略有唔同,醬汁要求煮得濃一啲,務求雞球盡快吸收醬汁嘅精華,以致唔會出現雞同埋醬分離嘅味道😉
飲品當然都係呢一度嘅一大特色,飲品牌可以佔左足足一版,而且大部份都係喺出邊絕少見到,例如多多梳打。但台灣嘅嘢飲一定要數到奶蓋茶,所以今次就試咗奶蓋烏龍茶, 奶蓋嘅味道清新而不膩。配合一啖茶融合埋一齊就感受到烏龍奶茶嘅味道,係食完咁多嘢嘅情況之下飲番一杯清新嘅奶蓋茶的確係一大完美嘅句號。
張貼