更多
2020-10-23
1410 瀏覽
一向很受年青人歡迎的甜點店 HeSheEat 最近排出左幾款新口味震騰騰舒芙蕾鬆餅，這天去嚐鮮的時候，仲俾我發現原來鹹食都有幾款素食揀，個早午餐都有驚喜架。HeSheEat 在旺角白布街的店已經開業好多年，球場後面這一帶都蠻多酒吧和打邊爐，仲有幾間咖啡店添，食完飯食甜品係正確選擇。餐廳有兩層，樓下座位比較少只有幾檯。樓上就坐到好多人，圖中是其中一半座位，另外一邊還有好幾張檯。雖然開業多年，但新菜式係層出不窮的，最近就有幾款空氣感十足的日式梳乎厘班戟，四個口味睇起來都唔錯。如果食正餐的話，旺角店現在有買一送一優惠，都幾抵食喎。B04 Go Green Brunch HK$90餐牌上以肉食為主，唔食肉的話有一款意粉揀，另外仲俾我見到這個綠色全日早餐。一盤上面有蛋、薯仔沙律、牛油果蓉、番茄、大啡菇、菠菜、薯餅和迷你牛角包，牛角包仲有兩隻，食晒都幾飽。當中最有驚喜係個薯仔沙律，食起來好香洋蔥味。不過我覺得個牛油果蓉差咁d檸檬汁，可以再完美少少。士多啤梨焦糖脆脆梳乎厘班戟 HK$98吃這個班戟的時候好搞笑，因為佢有附一球芝士雪糕，上面又有塊芝士脆片，連個醬都有少少芝士味，搞到我同朋友都以為自己睇
一向很受年青人歡迎的甜點店 HeSheEat 最近排出左幾款新口味震騰騰舒芙蕾鬆餅，這天去嚐鮮的時候，仲俾我發現原來鹹食都有幾款素食揀，個早午餐都有驚喜架。
HeSheEat 在旺角白布街的店已經開業好多年，球場後面這一帶都蠻多酒吧和打邊爐，仲有幾間咖啡店添，食完飯食甜品係正確選擇。
餐廳有兩層，樓下座位比較少只有幾檯。
樓上就坐到好多人，圖中是其中一半座位，另外一邊還有好幾張檯。
雖然開業多年，但新菜式係層出不窮的，最近就有幾款空氣感十足的日式梳乎厘班戟，四個口味睇起來都唔錯。如果食正餐的話，旺角店現在有買一送一優惠，都幾抵食喎。
B04 Go Green Brunch HK$90
餐牌上以肉食為主，唔食肉的話有一款意粉揀，另外仲俾我見到這個綠色全日早餐。一盤上面有蛋、薯仔沙律、牛油果蓉、番茄、大啡菇、菠菜、薯餅和迷你牛角包，牛角包仲有兩隻，食晒都幾飽。當中最有驚喜係個薯仔沙律，食起來好香洋蔥味。不過我覺得個牛油果蓉差咁d檸檬汁，可以再完美少少。
士多啤梨焦糖脆脆梳乎厘班戟 HK$98
吃這個班戟的時候好搞笑，因為佢有附一球芝士雪糕，上面又有塊芝士脆片，連個醬都有少少芝士味，搞到我同朋友都以為自己睇漏左，不過個餐牌又真係無寫有芝士喎。我本身鍾意食芝士就覺得幾好食，最鍾意鹹甜鹹甜的組合，吃起來不會太滯。
朱古力梳乎厘班戟(含橙酒) HK$88
梳乎厘班戟即叫即煎，要預算等三十分鐘時間，建議一坐低就叫左先，可以邊食住鹹食下午茶邊等。班戟上桌的時候震騰騰，夠晒視覺效果，影完一輪相都保持到賣相無塌好多，食起來充滿雞蛋香，質素唔錯。這款朱古力味無想像中濃，味道偏甜那邊，橙的份量比預期中多。
食完飯總要食埋甜品先安樂，食梳乎厘班戟都幾療癒架，仲可以影相打卡添。
張貼
