更多
2020-06-20
3477 瀏覽
想食好多層好足料的美式漢堡,來Burgeroom就對了!這裡還有三款素食漢堡可以揀呢,配埋炸物汽水,食完心情都變好!Burgeroom 最近在尖沙咀開了新分店,想食漢堡唔洗過海,來美麗華廣場超方便啊!餐廳在二樓很多餐廳的那個角落,店內充滿美式街頭風格,估唔到商場漢堡包店都可以咁有型。近門處有彩繪牆和車轆造境,又幾有趣喎。入面延續賽車主題,除了車轆外,地下還有黃黑交通標記,牆上霓虹招牌也很亮眼。來Burgeroom當然是吃美式漢堡,這裡有幾十種不同口味配搭可以揀,每日來食一款都要食成個月,不管你鍾意食牛食海鮮食雞甚到素食都一定滿足。飲品除了咖啡和茶之外,也有各種各樣的罐裝/樽裝飲品,都幾花多眼亂。 烤雙蘑菇漢堡 (HK$88) +雞蛋/芝士(各+HK$10)餐牌上共有三款素堡可以揀,主要都係大烤菇,睇你想再配更多蘑菇、墨西哥辣椒定係菠蘿,我鍾意食菇菇所以揀雙蘑菇漢堡。如果想漢堡更豐富,還可以添加各種自己配料啊,我就加了雞蛋和芝士,整個漢堡又高多兩個層次!如此豐富真係未食先輕奮。 洋蔥圈 HK$50炸物小食除了洋蔥圈還有薯條、旋風薯條、馬蘇里拉芝士條等等,我後來才看到可以再加芝士醬,覺得
想食好多層好足料的美式漢堡,來Burgeroom就對了!這裡還有三款素食漢堡可以揀呢,配埋炸物汽水,食完心情都變好!
Burgeroom 最近在尖沙咀開了新分店,想食漢堡唔洗過海,來美麗華廣場超方便啊!餐廳在二樓很多餐廳的那個角落,店內充滿美式街頭風格,估唔到商場漢堡包店都可以咁有型。
近門處有彩繪牆和車轆造境,又幾有趣喎。
入面延續賽車主題,除了車轆外,地下還有黃黑交通標記,牆上霓虹招牌也很亮眼。
來Burgeroom當然是吃美式漢堡,這裡有幾十種不同口味配搭可以揀,每日來食一款都要食成個月,不管你鍾意食牛食海鮮食雞甚到素食都一定滿足。
飲品除了咖啡和茶之外,也有各種各樣的罐裝/樽裝飲品,都幾花多眼亂。
烤雙蘑菇漢堡 (HK$88) +雞蛋/芝士(各+HK$10)
餐牌上共有三款素堡可以揀,主要都係大烤菇,睇你想再配更多蘑菇、墨西哥辣椒定係菠蘿,我鍾意食菇菇所以揀雙蘑菇漢堡。如果想漢堡更豐富,還可以添加各種自己配料啊,我就加了雞蛋和芝士,整個漢堡又高多兩個層次!如此豐富真係未食先輕奮。
洋蔥圈 HK$50
炸物小食除了洋蔥圈還有薯條、旋風薯條、馬蘇里拉芝士條等等,我後來才看到可以再加芝士醬,覺得點茄汁唔夠爽的話仲有得揀,又幾開心喎。炸洋蔥圈非常脆口,夠晒邪惡。
大烤菇沙律 HK$75 / 沙士 HK$30
淨係食漢堡同炸物唔夠健康,當然要點盤沙律平衡返。這裡的沙律比想像中大碟,這款有大啡菇、番茄和紫洋蔥圈,配黑醋汁好清爽。
你真的不用擔心吃素唔飽,這個漢堡入面有生菜、牛油果醬、番茄、芝士、大啡菇、蘑菇和雞蛋,夾在烤得香脆的漢堡包皮中間,既香氣十足也非常美味。我覺得入面的餡料夾在一起好合拍,因為無素肉扒的關係亦唔會太滯,吃完一個滿足又健康。
每次想放肆大吃大喝的時候,我都會想起美式漢堡,以後又多一個好去處啦!
張貼