更多
2020-09-29
2194 瀏覽
生日同屋企人一齊食生日lunch，細妹揀咗Espuma～其實自己search過幾次但都無去試，今次就去試試🥳假日食lunch唔需要點等位，入到去環境好闊落，好鍾意佢個玻璃窗😍🥖餐湯係蘑菇忌廉湯，蘑菇蓉好明顯，好重蘑菇味，我好鍾意。另外有一塊牛油蒜蓉包，蒜味唔算重，但好香脆，配湯食不錯(´▽｀)🍝黑松露醬炒鮮雜菌寬條麵黑松露味濃郁，寬條麵幾彈牙，菇嘅份量都幾多，其實佢就完全係平時嘅黑松露雜菌意粉，不過不失咁🤣🍛海鮮西班牙炒飯(1人份)呢度嘅海鮮西班牙炒飯每粒飯都好大粒，好有嚼勁。雖然係一人份，但海鮮份量同種類都算多，有青口、魷魚、大蝦、蜆同西班牙腸。分享食嘅關係，我淨係食咗蜆同西班牙腸，蜆仲有淡淡嘅海水味，幾鮮甜！西班牙腸好大塊，食落有D似中式臘腸，偏乾身，值得一試！🍛西班牙橡果黑毛豬柳西京汁珍珠麵呢個珍珠麵其實有D似大麥飯，比起普通米飯需要更多嘅咀嚼，細妹話望落有D似發大咗嘅西米😂不過我覺得珍珠麵唔係好吸收到西京汁嘅味，食落比較寡，定係其實佢嘅定位係健康餐?🤔黑毛豬柳望落好似有D乾，食落又完全唔係乾，食到有西京汁味噌加蜜糖嘅甜味。不過個人口味關係，我麻麻地呢個珍珠麵😛🍕巴馬風乾火腿薄餅
假日食lunch唔需要點等位，入到去環境好闊落，好鍾意佢個玻璃窗😍
🥖餐湯係蘑菇忌廉湯，蘑菇蓉好明顯，好重蘑菇味，我好鍾意。另外有一塊牛油蒜蓉包，蒜味唔算重，但好香脆，配湯食不錯(´▽｀)
🍝黑松露醬炒鮮雜菌寬條麵
黑松露味濃郁，寬條麵幾彈牙，菇嘅份量都幾多，其實佢就完全係平時嘅黑松露雜菌意粉，不過不失咁🤣
🍛海鮮西班牙炒飯(1人份)
呢度嘅海鮮西班牙炒飯每粒飯都好大粒，好有嚼勁。雖然係一人份，但海鮮份量同種類都算多，有青口、魷魚、大蝦、蜆同西班牙腸。分享食嘅關係，我淨係食咗蜆同西班牙腸，蜆仲有淡淡嘅海水味，幾鮮甜！西班牙腸好大塊，食落有D似中式臘腸，偏乾身，值得一試！
🍛西班牙橡果黑毛豬柳西京汁珍珠麵
呢個珍珠麵其實有D似大麥飯，比起普通米飯需要更多嘅咀嚼，細妹話望落有D似發大咗嘅西米😂不過我覺得珍珠麵唔係好吸收到西京汁嘅味，食落比較寡，定係其實佢嘅定位係健康餐?🤔
黑毛豬柳望落好似有D乾，食落又完全唔係乾，食到有西京汁味噌加蜜糖嘅甜味。
不過個人口味關係，我麻麻地呢個珍珠麵😛
🍕巴馬風乾火腿薄餅
Pizza係薄批，批邊好脆，以一人份量嚟講，parma ham俾得都算多，芝士未算多到可以拉絲，不過加咗火箭菜同車厘茄，整體唔會覺得油膩。
🍰紅絲絨蛋糕
甜品有兩款蛋糕選擇，食完兩款蛋糕之後我一定係揀紅絲絨😝蛋糕其實係厚實嘅海棉蛋糕，唔會太乾，配上水果同埋紅莓醬，唔好期望係大師級水準，不過以一個set跟餐嘅甜品嚟講，佢真係好大件！面頭嘅士多啤梨好甜，蛋糕整體唔會過甜，作為飯後甜品無咩位可以批評。
🍰Novell朱古力蛋糕
反而朱古力蛋糕就令人失望，食落並無朱古力味，有D過甜。蛋糕底如果做返餅底可能會更好。
星期六中午餐廳嘅人手唔算多，想搵店員幫手影張合照都要等一陣，不過店員好好禮貌表現都好視切，值得一讚！
張貼
