更多
2020-09-28
640 瀏覽
超耐無寫食評 今次真係頂唔順要再寫 有朋友介紹 再見到有7折 三人早前晚上光顧 點了豬肚湯底 頸脊牛肉 三寶丸 鮮腐竹 粟米 生菜 炸魚皮 首先講講個湯底 唔知點解一滾起個湯就勁多泡 多既程度就好似D豬骨出水咁 係D啡啡地色勁污糟的泡泡 一路食一路要「不」走 重有就係D豬肚 超超超勁雪味 質感勁梅 勁脊牛肉 唔知係咪我哋係第一倫客 D牛肉一攞出嚟D顏色已經唔對路 唔似係即切而係切定咁 重要D肉超乾硬難咬 全碟野三舊水只食咗半碟 三寶丸九粒$108勁普通 味道一般 鮮腐竹係滾唔開果隻 開始食就滾到完都重係超硬 其餘都係普普通通咁 到埋單諗住有七折應該唔會太貴 點知打個凸 重要計多左個開胃小吃 加埋三支CHEAP啤 折完每人三舊幾 真係多謝晒 下次有人請都唔會再嚟. . . . .
張貼