更多
2020-06-08
2298 瀏覽
星期六放工同大佬去搵食，去咗佐敦，其實呢區真係好多選擇，不過上網見越萊都好評如潮，咁就試一試啦。到達時大概2:00，店舖裡面係坐滿晒人，以為要等啦，門口姐姐又話安排到座位，仲即時同我哋量體溫。眼見真係座無虛席，被安排坐喺人與牆中間平排坐，食店內個個都坐到膊頭貼膊頭，更唔好講檯與檯之間有距離，只係有塊透明膠板隔住對面食客。成餐飯都喺好迫嘅情況下食。上菜時服務員因為太窄嘅關係，往往都要坐隔離近路口食客避開或者幫手遞過嚟，感覺非常唔良好。當日叫咗:-1. 香茅豬扒煎蛋飯– 香茅豬扒肉質鬆軟，有入口即溶嘅口感，香茅調味啱啱好。兩隻煎荷包蛋，蛋白邊香脆，蛋黃呈溶岩漿一入口蛋漿瀉出。飯嘅份量都幾滿足，不過豉油汁同蔥油多啲相信會更完美。2. 招牌牛骨湯+秘製豬軟骨金邊粉 – 湯頭清香味濃，有啲鮮洋蔥絲同炸過嘅蔥粒，香料味滿滿充斥口腔，甘香味久久不散。湯內仲有蘿蔔兩大嚿，索晒啲湯好滋味。跟配菜有金不換同大量生芽菜，客人可按自己喜好份量落入湯粉內，芽菜比較粗大肥，夾埋啲比較碎嘅金邊粉連湯入口，互補情況下有驚喜。餐牌上推介嘅秘製豬軟骨，味道一般，肉靱黏牙，軟骨部份反而軟脆軟脆仲好食。跟湯粉
當日叫咗:-
1. 香茅豬扒煎蛋飯– 香茅豬扒肉質鬆軟，有入口即溶嘅口感，香茅調味啱啱好。兩隻煎荷包蛋，蛋白邊香脆，蛋黃呈溶岩漿一入口蛋漿瀉出。飯嘅份量都幾滿足，不過豉油汁同蔥油多啲相信會更完美。
香茅豬扒煎蛋飯
23 瀏覽
1 讚好
0 留言
2. 招牌牛骨湯+秘製豬軟骨金邊粉 – 湯頭清香味濃，有啲鮮洋蔥絲同炸過嘅蔥粒，香料味滿滿充斥口腔，甘香味久久不散。湯內仲有蘿蔔兩大嚿，索晒啲湯好滋味。跟配菜有金不換同大量生芽菜，客人可按自己喜好份量落入湯粉內，芽菜比較粗大肥，夾埋啲比較碎嘅金邊粉連湯入口，互補情況下有驚喜。餐牌上推介嘅秘製豬軟骨，味道一般，肉靱黏牙，軟骨部份反而軟脆軟脆仲好食。跟湯粉加$18要咗個小食拼盤，點嘅時間唔知個拼盤有咩葫蘆，嚟到時先知原來有一隻牛油雞中翼，皮酥脆夾牛油味香濃，雞肉都非常JUICY。一條纖細嘅越南春卷，細細條但餡料足。涼伴茄子墊底上面有一隻蝦同一隻燒帶子，真係幾豐富特別。
牛骨湯豬軟骨金邊粉
25 瀏覽
1 讚好
0 留言
秒製豬軟骨
25 瀏覽
1 讚好
0 留言
小食拼盤
29 瀏覽
1 讚好
0 留言
小食拼盤（燒帶子）
19 瀏覽
1 讚好
0 留言
小食拼盤（蝦🦐）
13 瀏覽
1 讚好
0 留言
香茅燒牛肉米紙卷
14 瀏覽
2 讚好
0 留言
點任何正餐加$3都可以叫一杯普通凍飲，叫咗一杯凍檸檬茶，出奇地茶味濃得嚟一啲都唔澀。凍齋啡都好香濃夾有少少酸。
總括食物質素都算唔錯，係有啲參差，不過都算平均。但係店內就真係坐得唔太舒服，下次會選擇外賣。
張貼
