更多
2018-05-29
253 瀏覽
聽朋友介紹西環有一間川菜嘅餐廳令人回味無窮，最近就特登黎試吓，睇下係唔係真係咁巴閉。一睇門面就知佢哋好有心機去營造一個古色古香嘅環境，而除左外表，餐廳入面嘅裝修都一絲不苟。除左好搶眼既大大隻紅色燈籠同鳥籠之外，其實餐廳嘅天花板做到好似屋頂咁樣，而窗邊既卡位亦用咗類似屏風嘅間隔。而呢度食既係川菜，所以唔同地方都有熊貓嘅圖案，讓大家感受一下四川嘅風味。除咗裝修特別之外，一入到餐廳就發現不少操純正普通話嘅食客，心諗當地人都黎食就即係味道夠正宗啦，加分。先叫咗呢個人人都食既十二味上上簽，其實就係六種起孖麻辣燙，包括餐肉、海帶、蓮藕、萵筍、魷魚同蘿蔔。呢個菜辣而不嗆、油而不膩，啱晒香港人嘅口味，每種食物都入到味，亦好惹味，好想叫碗白碗黎撈汁。之後叫咗個經典鍋，可以喺二三十種配料裏面揀五種或以上，然後再揀辣度，我哋就叫左一隻辣椒🌶️既，配料包括肥腸、萵筍、台灣魚腐、肥牛同寬粉。我想講呢個真係好好食，辣味好有層次，應該用左好多唔同既香料，而食完又唔會感覺到味精嘅。另外不得不讚就係個肥腸，佢係先走油再放入鍋爆炒，所以食落唔會好肥膩，反而係爽口有𡁻頭，絕對係配白飯嘅完美首選。不過到最後我哋都係冇叫白飯，因
一睇門面就知佢哋好有心機去營造一個古色古香嘅環境，而除左外表，餐廳入面嘅裝修都一絲不苟。除左好搶眼既大大隻紅色燈籠同鳥籠之外，其實餐廳嘅天花板做到好似屋頂咁樣，而窗邊既卡位亦用咗類似屏風嘅間隔。而呢度食既係川菜，所以唔同地方都有熊貓嘅圖案，讓大家感受一下四川嘅風味。
除咗裝修特別之外，一入到餐廳就發現不少操純正普通話嘅食客，心諗當地人都黎食就即係味道夠正宗啦，加分。
先叫咗呢個人人都食既十二味上上簽，其實就係六種起孖麻辣燙，包括餐肉、海帶、蓮藕、萵筍、魷魚同蘿蔔。呢個菜辣而不嗆、油而不膩，啱晒香港人嘅口味，每種食物都入到味，亦好惹味，好想叫碗白碗黎撈汁。
十二味上上簽
25 瀏覽
0 讚好
0 留言
之後叫咗個經典鍋，可以喺二三十種配料裏面揀五種或以上，然後再揀辣度，我哋就叫左一隻辣椒🌶️既，配料包括肥腸、萵筍、台灣魚腐、肥牛同寬粉。我想講呢個真係好好食，辣味好有層次，應該用左好多唔同既香料，而食完又唔會感覺到味精嘅。另外不得不讚就係個肥腸，佢係先走油再放入鍋爆炒，所以食落唔會好肥膩，反而係爽口有𡁻頭，絕對係配白飯嘅完美首選。
經典香辣鍋
48 瀏覽
0 讚好
0 留言
不過到最後我哋都係冇叫白飯，因為要試吓呢個蔥油拌麵。相比之前兩個咁精彩嘅菜式，呢個就平凡少少。佢嘅拌麵係粗身既，份量都唔少，不過反而我食到既係豉油皇既味道，蔥油就唔算好係，不過都唔錯既。
蔥油拌麵
25 瀏覽
0 讚好
0 留言
最後當然要食返個冰粉清新一下，好有桂花味，唔會太甜，平衡返之前較刺激既菜式，為呢一餐畫上完美句號。
幺妹兒冰粉
82 瀏覽
0 讚好
0 留言
真心推介呢度，俾個menu大家參考一下。
張貼
