更多
2020-03-26
2884 瀏覽
心思思想食香口野，諗起朋友之前提起過一間喺韓國有好多分店的Outdark炸雞，正好可以去試下。主菜當然要點炸雞！甜辣醬口味的炸雞我地平時都好常見，所以今次就揀左呢到特有的香蒜蜜糖口味。估唔到炸雞份量都唔少，仲有薯條同埋薯格做配菜，炸雞是即叫即炸的所以上碟個陣仲喺熱辣辣好脆口。每件炸雞都沾滿了蜜糖醬，味道甜甜地帶陣陣蒜香，有種魔力令人食唔停口。雞件外層唔厚粉，食落啖啖肉又無骨，岩哂我呢啲懶人！隨炸雞仲附上四種唔同口味嘅醬汁同埋腌蘿蔔，一次過可以試勻甜酸咸辣四種味道。我就最鍾意酸酸地嘅千島醬，可以中和返炸雞的肥膩感。📌炸醬麵大大的一碗炸醬麵麵質有咬口，炸醬汁味道比我喺其他餐廳食過的要濃味，朋友食到津津有味。📌東萊海鮮煎餅除左炸雞之外，我地仲叫左一份海鮮薄餅，成個餅都用左好多蔬菜同海鮮製成，海鮮有蝦同埋八爪魚仔，整塊厚厚的非常足料，同朋友兩個人食完都覺得好飽。呢到嘅飲品味道都讚得一讚，Blueberry Yogurt Smoothie的乳酪味好濃郁，口感也名符其實的幼滑，而另一杯Mango Ade的芒果味也很真，飲落清新順口。餐廳燈光比較暗，營造出滿天星星的效果，氣氛舒適柔和亦都好特別呢，岩
主菜當然要點炸雞！甜辣醬口味的炸雞我地平時都好常見，所以今次就揀左呢到特有的香蒜蜜糖口味。
估唔到炸雞份量都唔少，仲有薯條同埋薯格做配菜，炸雞是即叫即炸的所以上碟個陣仲喺熱辣辣好脆口。
每件炸雞都沾滿了蜜糖醬，味道甜甜地帶陣陣蒜香，有種魔力令人食唔停口。雞件外層唔厚粉，食落啖啖肉又無骨，岩哂我呢啲懶人！
隨炸雞仲附上四種唔同口味嘅醬汁同埋腌蘿蔔，一次過可以試勻甜酸咸辣四種味道。我就最鍾意酸酸地嘅千島醬，可以中和返炸雞的肥膩感。
📌炸醬麵
大大的一碗炸醬麵麵質有咬口，炸醬汁味道比我喺其他餐廳食過的要濃味，朋友食到津津有味。
📌東萊海鮮煎餅
除左炸雞之外，我地仲叫左一份海鮮薄餅，成個餅都用左好多蔬菜同海鮮製成，海鮮有蝦同埋八爪魚仔，整塊厚厚的非常足料，同朋友兩個人食完都覺得好飽。
呢到嘅飲品味道都讚得一讚，Blueberry Yogurt Smoothie的乳酪味好濃郁，口感也名符其實的幼滑，而另一杯Mango Ade的芒果味也很真，飲落清新順口。
餐廳燈光比較暗，營造出滿天星星的效果，氣氛舒適柔和亦都好特別呢，岩哂同朋友嚟吹水食炸雞！
張貼
