更多
2020-08-04
1857 瀏覽
今天下班同女朋友係銅鑼灣食飯,本來係打算去Bar and Restaurant,但諗諗下聽日又要返工,驚飲得太多,所以都係揀個日式料理餐廳,我哋既最愛。最後揀左間叫磯野水產既日式居酒屋,位置唔難揾,就係Sogo隔離。去到時好彩都唔洗等位,裝潢都係富有日式既設計,位置唔大,但啱啱好。我地叫左金目鯛刺身、槍魷魚刺身、浜燒二人前盛合、鐵罐酒蒸文蛤二隻、同金目鯛麵豉湯,最後都係忍唔住叫左兩杯葡萄甜酒。金目鯛刺身、槍魷魚刺身,好快就到枱,金目鯛唔成日食,味道唔算好濃郁,但肉質鮮甜,食落好新鮮,唔錯。浜燒二人前盛合,包括鮑魚、白貝、蚌仔、虎蝦、時令蠔浜燒,各有特色,整體都唔錯,無一不鮮甜爽口,當中最特別係虎蝦浜燒,真心有驚喜,本身虎蝦都已經夠鮮味,但估唔到個虎蝦上面仲搽左一大層既蝦膏蝦醬,即刻成個虎蝦昇華左去第二個層次,超級鮮甜、濃郁可口,強烈推介。之後黎到重頭戲,鐵罐酒蒸文蛤,上枱個陣勢已經比我知道唔簡單,又鐵罐、又爐、又酒、又火咁,當然要相機食先啦,成個蒸煮過程大約10分鐘到,未擺落口,已經聞到濃郁既酒香,一放入口,淡淡既酒味,帶出文蛤鮮甜既味道,酒太濃會蓋過文蛤既鮮味,太淡又帶唔出鮮味,要份
今天下班同女朋友係銅鑼灣食飯,本來係打算去Bar and Restaurant,但諗諗下聽日又要返工,驚飲得太多,所以都係揀個日式料理餐廳,我哋既最愛。最後揀左間叫磯野水產既日式居酒屋,位置唔難揾,就係Sogo隔離。去到時好彩都唔洗等位,裝潢都係富有日式既設計,位置唔大,但啱啱好。
我地叫左金目鯛刺身、槍魷魚刺身、浜燒二人前盛合、鐵罐酒蒸文蛤二隻、同金目鯛麵豉湯,最後都係忍唔住叫左兩杯葡萄甜酒。
金目鯛刺身、槍魷魚刺身,好快就到枱,金目鯛唔成日食,味道唔算好濃郁,但肉質鮮甜,食落好新鮮,唔錯。浜燒二人前盛合,包括鮑魚、白貝、蚌仔、虎蝦、時令蠔浜燒,各有特色,整體都唔錯,無一不鮮甜爽口,當中最特別係虎蝦浜燒,真心有驚喜,本身虎蝦都已經夠鮮味,但估唔到個虎蝦上面仲搽左一大層既蝦膏蝦醬,即刻成個虎蝦昇華左去第二個層次,超級鮮甜、濃郁可口,強烈推介。
之後黎到重頭戲,鐵罐酒蒸文蛤,上枱個陣勢已經比我知道唔簡單,又鐵罐、又爐、又酒、又火咁,當然要相機食先啦,成個蒸煮過程大約10分鐘到,未擺落口,已經聞到濃郁既酒香,一放入口,淡淡既酒味,帶出文蛤鮮甜既味道,酒太濃會蓋過文蛤既鮮味,太淡又帶唔出鮮味,要份量啱啱好先相輔相成,令到個味道昇華。
整體海鮮浜燒盛寔,未滿分都有9分,雖然價錢唔算平,但食物高質已經值回票價,推介。
張貼