Homeland (牡丹大廈) (已搬遷) 新店位置

📍Homeland (牡丹大廈) 🔍大角咀大角咀道55-65號牡丹大廈北座地下9-12號舖-----假日正值午餐時分，係大角嘴嘅巷仔裡巧遇呢間餐廳。七彩繽紛嘅奪目裝修、源源不絕嘅人流、興高采烈嘅熱鬧氣氛，正好為我黑黑沉沉嘅心情塗上一點顏色。✨香煎西班牙伊比利亞豬肩肉配薯菜 $128✨煎得外脆內嫩嘅9分熟豬肩，肉質粉嫩，豬味濃郁，咬落濕潤度佳，雖說味道不錯，但風頭依然被配角薯條蓋過。粗過原子筆嘅薯條，咬落無多餘空氣感，條條都入口先脆後化，綿綿密密、實實在在，令人一食難忘。🍖✨Deadman Bee’s Knees $68✨最近生活上遇上許多不快，三日連假，連食個午餐都想飲返杯酒消消愁。而呢支手工啤酒精濃度只有5%，唔會過高或者過低，滿足到B仔嘅酒癮之餘，又唔會令人醉。佢地用咗香港本地蜂農嘅蜜糖，飲落口感順滑，且味道帶自然清香，女仔絕對中意。🍻✨朱古力脆片蛋糕 $38✨看似樸實無華嘅外表，入口卻是絲般順滑。第一層為朱古力慕斯，可可味道極致濃郁，甜蜜中帶有回甘嘅苦澀味，表面仲撒上果仁作點綴，教人難以抵抗。第二層較為扎實，質感味道均似布朗尼蛋糕。第三層，亦是最底的一層，口感則香脆惹人。呢個一共